ഇടുക്കിയിൽ കൊറോണ രോഗികളുടെ എണ്ണം കൂടിയതിനെ തുടർന്ന് കടുത്ത ജാഗ്രതയും നിയന്ത്രണങ്ങളും ഏർപ്പെടുത്തുകയുണ്ടായി. കേരളത്തിന്റെ തന്നെ ആശ്വാസമായിരുന്ന ഇടുക്കിയിൽ അപ്രതീക്ഷിതമായാണ് കോവിഡ് രോഗികളുടെ എണ്ണം ഉയർന്നത്. ഇത് വളരെ വലിയ ആശങ്കയ്ക്ക് ഇടയാക്കിയിരുന്നു എങ്കിൽ ജാഗ്രത നിർദ്ദേശങ്ങൾ നൽകുകയുണ്ടായി.

എന്നാലിതാ ഇടുക്കിയിൽ നേരിയ ആശ്വാസം പകർന്ന് ആദ്യം കൊവിഡ് രോഗം സ്ഥിരീകരിച്ച ആറുപേരുടെയും പുതിയ ഫലം നെഗറ്റീവ് എന്ന് റിപ്പോർട്ട്. മൈസൂരിൽ നിന്ന് വന്ന ഏലപ്പാറ യുവാവ്, ഇയാളുടെ അമ്മ, ഇവരിൽ നിന്നും രോഗം ബാധിച്ച ഏലപ്പാറയിലെ ഡോക്ടർ ഏലപ്പാറയിലെ ആശാവർക്കർ, ചെന്നൈയിൽ നിന്ന് വന്ന യുവതി, തമിഴ് നാട്ടിൽ നിന്ന് വന്ന മണിയാറൻ കുടി സ്വദേശി എന്നിവരുടെ പരിശോധനാഫലമാണ് ഇപ്പോൾ നെഗറ്റീവായതായി പുറത്ത് വരുന്ന വിവരം. ഇതേതുടർന്ന് അടുത്ത ടെസ്റ്റും നെഗറ്റീവ് ആയാൽ ഇവർക്ക് ആശുപത്രി വിടാമെന്നാണ് അധികൃതർ വ്യക്തമാക്കുന്നത്. എന്നാൽ തന്നെയും റെഡ് സോണിൽ ഉൾപ്പെട്ട ഇടുക്കിയിൽ അതീവ ജാഗ്രത തുടരുകയാണ്.

കൂടുതൽ കൊറോണ കേസുകൾ ഉണ്ടാകാതിരിക്കാൻ കടുത്ത നിയന്ത്രണങ്ങൾ ഏർപ്പെടുത്തിയ സാഹചര്യത്തിൽ ഇടുക്കിയിൽ മാസ്ക് നിർബന്ധമാക്കിയിട്ടുണ്ട്. തുടർന്ന് ഇത് പാലിക്കാതെ പുറത്തിറങ്ങിയ 118 പേർക്കെതിരെ ഇന്നലെ കേസെടുക്കുകയുണ്ടായി. ഇതോടൊപ്പം തന്നെ മറ്റ് ലോക്ക് ഡൌണ് നിയമലംഘനങ്ങളിൽ 216 പേർക്കെതിരെയും കേസ് രേഖപ്പെടുത്തിയിട്ടുണ്ട്.

അതേസമയം അത്യാവശ്യകാര്യങ്ങൾക്കല്ലാതെ പുറത്തിറങ്ങുകയോ,വാഹനങ്ങളിൽ യാത്രയോ പാടില്ലെന്നാണ് പൊലീസ് മുന്നറിയിപ്പ് നൽകുന്നത്. ഇത് ഉറപ്പാക്കാൻ പരിശോധനകളും കർശനമാക്കിയിരിക്കുകയാണ് . ജില്ലയിൽ റിപ്പോർട്ട് ചെയ്ത കൊവിഡ് കേസുകളിൽ ഭൂരിഭാഗവും അതിർത്തി കടന്നെത്തിയവരാണ് എന്ന് കണ്ടെത്തുകയുണ്ടായി. ഈ സാഹചര്യത്തിൽ ഇടുക്കിയിലേക്കുള്ള നാല് പ്രധാന പാതകളിലും 25 ഇടവഴികളിലും പരിശോധനകൾ കര്ശനമാക്കിയിരിക്കുകയാണ്. കടുത്ത നിയന്ത്രണങ്ങൾ മുൻനിർത്തിക്കൊണ്ട് തന്നെ ജാഗ്രത ഉയർത്തുകയാണ് അധികാരികൾ.