ഡല്‍ഹിയില്‍ നിന്നുള്ള പ്രത്യേക ട്രെയിന്‍ ഇന്ന് പുലര്‍ച്ചെ 5.25ന് തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില്‍ എത്തി... കര്‍ശനപരിശോധനയോടെ യാത്രക്കാരെ പുറത്തിറക്കി! രോഗ ലക്ഷണമുള്ള ആറുപേരെ ആശുപത്രിയില്‍ പ്രവേശിപ്പിച്ചു
ഡല്‍ഹിയില്‍ നിന്നുള്ള പ്രത്യേക ട്രെയിന്‍ ഇന്ന് പുലര്‍ച്ചെ 5.25ന് തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില്‍ എത്തി .
കര്‍ശനപരിശോധനയോടെ യാത്രക്കാരെ പുറത്തിറക്കി . കോഴിക്കോട് വെച്ച്‌ ട്രെയിനിനിന്നിറങ്ങിയ ആറുപേരെ രോഗലക്ഷണങ്ങള്‍ കണ്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു.
ഇവരോടൊപ്പം യാത്ര ചെയ്ത മറ്റുയാത്രികരെയും നിരീക്ഷണത്തില്‍ ആക്കി.
അതേസമയം രോഗമില്ലാത്തവര്‍ കെ എസ് ആര്‍ ടി സി ബസ്സുകളിലും സ്വന്തം വാഹനത്തിലുമായി അതാതു ജില്ലകളിലേക്ക് പുറപ്പെട്ടു. പരിശോധനകള്‍ പൂര്‍ത്തി ആയതിനു ശേഷം യാത്രക്കാര്‍ 5.35 ഓടെ പുറത്തിറങ്ങി ആകെ 400 ഓളം യാത്രക്കാരാണ് തിരുവനന്തപുരത്ത്‌ ഇറങ്ങിയത്.
എന്നാല്‍ ലഭിച്ച അറിയിപ്പ് പ്രകാരം 603 ഓളം പേരാണ് ട്രെയിന്‍ തിരുവന്തപുരത്തെത്തുമെന്ന് പറഞ്ഞത് .
കോട്ടയത്തേക്കുള്ളവരും മറ്റും എറണാകുളത്താണ് ഇറങ്ങിയതിനാല്‍ 400ഓളം പേരെ തിരുവനന്തപുരത്തിറങ്ങിയുള്ളൂ.
അതേസമയം കോഴിക്കോട് ട്രെയിന്‍ ഇറങ്ങിയത് 252 പേരാണ് ഇതില്‍ ആറു പേരെ ആണ് രോഗ ലക്ഷണങ്ങളെ തുടര്‍ന്ന് ആശപത്രിയില്‍ പ്രവേശിപ്പിച്ചത്.269 പേരാണ് എറണാകുളം സൗത്ത് റെയില്‍വെ സ്റ്റേഷനിലിറങ്ങിയത്.
https://www.facebook.com/Malayalivartha
