സ്വർണ വില റെക്കോർഡിൽ! സ്വര്ണം വാങ്ങാനെത്തുന്നവരേക്കാള്‍ വില്‍ക്കാനെത്തുന്നവര്‍ കൂടുമെന്ന് റിപ്പോർട്ടുകൾ
കോറോണ വൈറസ് സൃഷ്ടിച്ച സാമ്ബത്തിക പ്രതിസന്ധിക്കിടയിലും സ്വര്‍ണവില റെക്കോഡ് ഭേദിച്ച്‌ മുന്നേറുകയാണ്.
ഇന്ന് ഗ്രാമിന് 50 രൂപ കൂടി 4300 ആയി. 34400 രൂപയാണ് ഒരു പവന് ഇന്നത്തെ വില. എന്നാല്‍ സംസ്ഥാനത്ത് ചെറിയ സ്വര്‍ണകടകള്‍ കഴിഞ്ഞ ദിവസം തുറന്നെങ്കിലും വാങ്ങാനെത്തുന്നവരുടെ എണ്ണം വളരെ കുറവാണെന്നാണ് ജ്വല്ലറി ഉടമകള്‍ പറയുന്നത്.
സ്വര്‍ണത്തിന്റെ ഉയര്‍ന്ന വിലയും സാമ്ബത്തിക പ്രതിസന്ധിയുമാണ് വില്‍പനയില്‍ ഇടിവുണ്ടാക്കിയത്. കടകളില്‍ എത്തുന്നവര്‍ ചെറിയ തുകയ്ക്കുളള സ്വര്ണം മാത്രമേ വാങ്ങുന്നുള്ളൂ. സ്വര്‍ണവില ഉയര്‍ന്നു നില്‍ക്കുന്നതിനാല്‍ വരും ദിവസങ്ങളില്‍ സ്വര്ണം വാങ്ങാനെത്തുന്നവരേക്കാള്‍ വില്‍ക്കാനെത്തുന്നവര്‍ കൂടുമെന്നാണ് കണക്കുകൂട്ടുന്നത്.
അതേസമയം സ്വര്‍ണവില്‍പനയില്‍ ഇനിയൊരു ഉണര്‍വ്വുണ്ടാകാന്‍ ഒരു വര്‍ഷമെങ്കിലും കാത്തിരിക്കേണ്ടി വരുമെന്നാണ് ഈ രംഗത്തുളളവരുടെ വിലയിരുത്തല്‍.
https://www.facebook.com/Malayalivartha
