മെറ്റല്‍ ക്രഷറില്‍ കുടുങ്ങി അതിഥിത്തൊഴിലാളി മരിച്ചു
ശാസ്താംകോട്ടയ്ക്കടുത്ത് മെറ്റല്‍ ക്രഷറിലെ ബങ്കറില്‍ കുടുങ്ങി പോരുവഴി ഗിരിപുരം എഎസ് മെറ്റല്‍ ക്രഷറിലെ ജീവനക്കാരനും ഛത്തീസ്ഗഡ് ബസ്തര്‍ നല്‍പാണ്ട് പട്ടേല്‍പര സ്വദേശി ഭാരത് കശ്യപിന്റെ മകനുമായ അതിഥി തൊഴിലാളി ഖമേശ്വര്‍ കശ്യപ് (20) മരിച്ചു. രാവിലെ 8.30-ന് ആയിരുന്നു സംഭവം.
ടിപ്പര്‍ ലോറിയിലേക്കു എംസാന്‍ഡ് നല്‍കുന്നതിനിടെയുണ്ടായ തടസ്സം മാറ്റാന്‍ ഖമേശ്വര്‍ ബങ്കറിലേക്ക് വടത്തില്‍ പിടിച്ച് ഇറങ്ങി. എന്നാല്‍ മുകളില്‍ നിന്ന് എംസാന്‍ഡ് വീണതോടെ ബങ്കറില്‍ കുടുങ്ങിപ്പോകുകയാണുണ്ടായത്.
ഒപ്പമുണ്ടായിരുന്ന തൊഴിലാളി വടത്തില്‍ പിടിച്ചു കയറ്റാന്‍ ശ്രമിച്ചെങ്കിലും പുറത്തേക്കുള്ള വാല്‍വില്‍ കാല്‍ കുടുങ്ങിയ നിലയിലായിരുന്നതിനാല്‍ അതിനു സാധിച്ചില്ല.
2 മണിക്കൂര്‍ നീണ്ട പരിശ്രമത്തിനു ശേഷം അഗ്‌നിരക്ഷാ സേനയുടെ സഹായത്തോടെ മൃതദേഹം പുറത്തെടുക്കുകയായിരുന്നു.
4 മാസം മുന്‍പാണ് ഖമേശ്വര്‍ ക്രഷറില്‍ തൊഴിലാളിയായി എത്തിയത്. മൃതദേഹം താലൂക്ക് ആശുപത്രിയില്‍ മോര്‍ച്ചറിയില്‍ സൂക്ഷിച്ചിരിക്കുകയാണ്.
https://www.facebook.com/Malayalivartha
