രാഷ്ട്രീയപരമായി ഭിന്നാഭിപ്രായം ആണേലും. ഞാന്‍ 100%ഉറപ്പിച്ച് പറയും കൊറോണകാലത്ത് കോണ്‍ഗ്രസ്സില്‍ നന്മ കണ്ടത് തരൂരില്‍ മാത്രമാണ്... ഇത് പറയുന്നത് മറ്റാരുമല്ല നമ്മുടെ കേരളത്തിന്റെ പ്രിയ സഖാക്കള്‍. അതും പിണറായി വിജയന്‍ കേരള നമ്പര്‍ വണ്‍ എന്ന സഖാക്കളുടെ ഫേസ് ബുക്ക് പേജില്‍. അതുകൊണ്ടു തന്നെ അതിന് കയ്യടിയും കൂടും. ഒരു കമ്മ്യൂണിസ്റ്റ് ഫേസ് ബുക്ക് പേജില്‍ ഒരു പക്ഷെ ആദ്യമായിട്ടായിരിക്കണം ഒരു കോണ്‍ഗ്രസ് നേതാവിനെ പുകഴ്ത്തുന്നത്.

സംസ്ഥാനത്തിന്റെ കൊവിഡ് രോഗപ്രതിരോധ ശ്രമങ്ങള്‍ക്ക് സഹായമേകികൊണ്ട് കൊവിഡ് ടെസ്റ്റിങ് കിറ്റുകളും പിന്നീട് തെര്‍മല്‍ സ്‌ക്രീനിംഗ് സംവിധാനവും കോണ്‍ഗ്രസ് എം.പി ശശി തരൂര്‍ എത്തിച്ചുനല്‍കിയത് മുഖ്യമന്ത്രി പിണറായി വിജയന്‍ ഉള്‍പ്പെടെയുള്ളവരുടെ പ്രശംസ പിടിച്ചുപറ്റിയിരുന്നു. സംസ്ഥാനത്തിന് സഹായകമായ നിലപാടെടുത്തതിന് നിരവധി പേരാണ് സോഷ്യല്‍ മീഡിയയിലൂടെയും മറ്റും ശശി തരൂരിന് പ്രശംസയുമായി എത്തിയത്

എന്നാല്‍ പതിവില്‍ നിന്നും വിരുദ്ധമായി ഇപ്പോള്‍ ഇടതുപക്ഷ ആഭിമുഖ്യമുള്ള സോഷ്യല്‍ മീഡിയ പേജുകളും അദ്ദേഹത്തിന് പ്രശംസ അറിയിച്ചുകൊണ്ട് രംഗത്ത് വന്നിരിക്കുകയാണ്. രാഷ്ട്രീയപരമായി ഭിന്നതകള്‍ ഉണ്ടെങ്കിലും 'കൊവിഡിന്റെ കാലത്ത് കോണ്‍ഗ്രസില്‍ നന്മ കണ്ടത് തരൂരില്‍ മാത്രമാണെ'ന്നാണ് ഇടതുപക്ഷ സോഷ്യല്‍ മീഡിയാ ഹാന്‍ഡിലുകള്‍ അഭിപ്രായപ്പെടുന്നത്.

കൊവിഡ് പ്രതിരോധത്തില്‍ കേരളത്തിന്റെ നേട്ടങ്ങളെ വിലയിരുത്തികൊണ്ട് ബ്രിട്ടനിലെ 'ഗാര്‍ഡിയന്‍' പത്രം ആരോഗ്യ മന്ത്രി കെ.കെ ശൈലജയുമായി നടത്തിയ അഭിമുഖം തരൂര്‍ തന്റെ ട്വിറ്റര്‍ ഹാന്‍ഡില്‍ വഴി പങ്കുവച്ചിരുന്നു. ശൈലജ ടീച്ചറെ പ്രശംസിച്ചുകൊണ്ടാണ് തരൂര്‍ ഈ അഭിമുഖം ട്വീറ്റ് ചെയ്തത്. മുന്‍പ് ശശി തരൂരിന്റെ പ്രവര്‍ത്തനങ്ങള്‍ക്ക് ഒരു ടെലിവിഷന്‍ ചാനലിലൂടെ ആരോഗ്യ മന്ത്രിയും തന്റെ നന്ദി അറിയിച്ചിരുന്നു.
പല പല കമന്റുകളാണ് വരുന്നത്. അവയില്‍ ചിലത് ഇങ്ങനെയാണ്.
നാടിനൊരു ആപത്ത് വരുമ്പോള്‍ കൊടിയുടെ നിറം നോക്കാതെ ജനങ്ങള്‍ക്കൊപ്പം നില്‍ക്കുന്നവനാകണം ഒരു യഥാര്‍ത്ഥ നേതാവ്.

നാടിനെ സ്‌നേഹിക്കുന്ന നല്ല രാഷ്ട്രീയ കാര്യ ന് ഒരു സല്യൂട്ട്

അങ്ങനെയല്ല ഈ കൊറോണ കാലത്ത് കോണ്‍ഗ്രസിനെ കണ്ടത് ശശി തരൂരില്‍ മാത്രം

തരൂര്‍ ആധുനിക കോണ്‍ഗ്രസ് അല്ല. കോണ്‍ഗ്രസ് പഴയ നല്ല സംസ്‌കാരം ശേഷിക്കുന്നവരില്‍ ഒരാള്‍ ആണ്. വളരെ കുറച്ചു പേരെ അവശേഷിക്കുന്നുള്ളൂ.. മറ്റുള്ളവര്‍ ആര്‍ത്തി മൂത്ത പെരുംകള്ളന്മാര്‍ ആണ്

കോണ്‍ഗ്രസില്‍ വിവരമുള്ള ഒരേ ഒരു നേതാവ്.

കഴിഞ്ഞ ഇലക്ഷനില്‍ രാഹുല്‍ ഗാന്ധിയെ കാണിച്ച് കേരളത്തില്‍ വോട്ട് പിടിച്ചത് പോലെ അടുത്ത നിയമസഭാ ഇലക്ഷനില്‍ തരൂരിനെ മുന്‍ നിര്‍ത്തി കോണ്‍ഗ്രസ് വോട്ട് ചോദിക്കും ' നിഷ്‌കളങ്കരായ' കേരളീയര്‍ ldf സര്‍ക്കാരിനെ മറന്ന് വോട്ട് ചെയ്യുകയും ചെയ്യും

ശരിയാണ് കേരളത്തിലെ അടുത്ത പ്രതിപക്ഷ നേതാവ് അദ്ദേഹമാകട്ടേ....

അടുത്ത മുക്കിയ മന്ത്രി കുപ്പായം തയിച്ചു വെച്ചു കളിക്കുന്ന കളിയാണ് തരൂരിന്റേത് സഖാക്കള്‍ ഇയാളെ അധികം പൊക്കണ്ട ചെന്നിയെയും ചാണ്ടി യെയും ഒതുക്കി മൂലക്കിരുത്താന്‍ ഉള്ള കെണി ആണ്

ഇന്ത്യയുടെ prime minister വരെ ആകാന്‍ യോഗീയതയുള്ള ശശി തരൂരിന്റെ അടുത്തെത്താന്‍ ഈ കേരളത്തില്‍ ഒരു കോണ്‍ഗ്രസ് നേതാവ് ഉണ്ടോ.

19 MP മാരില്‍ വിവരവും വിവേകവും ബുദ്ധിയുമുള്ള നേതാവാണ് ശശി തരൂര്‍ ഒര്‍ജിനല്‍ രാഷ്ട്രീയകാരന്‍

അദ്ദേഹം ലോകം കണ്ടമനുഷേനാ , നേതാവാ .കോണ്‍ഗ്രസ്സിലെ മറ്റു കൂപമണ്ഡൂകങ്ങളെപ്പോലെയല്ലല്ലോ !.
തരൂര്‍ സാര്‍ ആണ് യാഥാര്‍ത്ഥ പൊളിറ്റിക്‌സ് നേതാവ് കോണ്‍ഗ്രസ്സ് പാര്‍ട്ടിയില്‍.. എന്തെന്നാല്‍ അദ്ദേഹത്തിന്റെ സ്ഥലത്ത് തികച്ചും ആവശ്യം ഉള്ള ഒരു സമയത്ത് സംസ്ഥാന രാഷ്ട്രീയത്തില്‍ എതിര് കാണിക്കാതെ വളരെ ആത്മാര്‍ത്ഥമായ രീതിയില്‍ സഹകരിച്ച് സഹായിച്ച എല്ലാവര്‍ക്കും അഭിനന്ദനങ്ങള്‍.

അദ്ദേഹം ലോകം കണ്ട വ്യക്തിയാണ്. അറിവും വിവേകവും ഉണ്ടാകും.
ഇവിടെ കുറെ തണ്ടുതുരപ്പന്‍ പുഴുക്കളാണ് ഇന്നലത്തെ മഴക്ക് മുളച്ചതകരകള്‍ അതാണ് ഇവര്‍ തമ്മില്‍ വ്യത്യാസം... എന്നാണ് ശശി തരൂരിന് അഭിനന്ദനം പോകുന്നത്.