കോവിഡ് പ്രതിരോധ പ്രവര്‍ത്തനങ്ങള്‍ക്കിടെ കനത്ത മഴയും പ്രളയവുമെത്തിയാല്‍ നേരിടാനുള്ള നടപടികളിലേക്കു കേരള സര്‍ക്കാര്‍ കടക്കുമ്പോള്‍ ഫിലിപ്പീന്‍സില്‍ നിന്നും ഞെട്ടിക്കുന്ന മുന്നറിയിപ്പ്
അതിജീവനമെന്ന വാക്ക് മലയാളികള്‍ കേട്ടുമറന്ന ഒരു കാര്യമൊന്നും അല്ല .അത് മലയാളികളുടെ രക്തത്തിലുള്ളതാണ് .കാലം അങ്ങനെ മാറ്റിയെടുത്തു .ഹൃദയഭേദകമായ രണ്ടു പ്രളയങ്ങളെ അതിജീവിച്ചതിനു ശേഷമാണ് ഒടുവില്‍ കോവിഡ് എന്ന അടുത്ത വിപത്ത് ഉണ്ടായത് .പ്രളയാനന്തര പുനര്‍ നിര്‍മ്മിതിക്കായി കേരളം നീങ്ങുമ്പോള്‍ ആണ് വുഹാനില്‍ നിന്നും പൊട്ടിപ്പുറപ്പെട്ട മഹാമാരിയായ കോവിഡെന്ന ഈ ആര്‍ എന്‍ എ വൈറസ് വരിഞ്ഞുമുറുകിയത് .ജനജീവിതത്തെ സ്തംഭിപ്പിച്ചു എന്ന് മാത്രമല്ല ജീവിതമാര്‍ഗ്ഗം വരെ നഷ്ടപ്പെട്ട് ഇരുട്ടില്‍ തപ്പുന്ന ലക്ഷക്കണക്കിനാളുകള്‍ ഉണ്ട്. അവര്‍ക്ക് മതിയായ പോംവഴി ഉണ്ടാക്കാന്‍ കഴിയാത്ത അവസ്ഥയില്‍ തന്നെയാണ് നിലവില്‍ കേന്ദ്ര സംസ്ഥാന സര്‍ക്കാരുകള്‍ .എന്നാല്‍കാലവര്‍ഷം സൂചിപ്പിച്ചുകൊണ്ട് കനത്ത മഴയ്ക്കും കൊടുങ്കാറ്റിനും സാധ്യത വര്‍ധിച്ചു വരികയാണ് ഇതിനെക്കൂടി എങ്ങനെ തരണം ചെയ്യാനാകും എന്ന ചോദ്യമാണ് ഇതിനോടകം ഉയര്‍ന്നു വന്നിരിക്കുന്നത്
നിലവില്‍ ഇന്ത്യയുടെ കാലാവസ്ഥ നിരീക്ഷണ വിഭാഗത്തിന്റെ റിപ്പോര്‍ട്ടുകള്‍ കൂടാതെ നിലവില്‍ കെടുതികള്‍ ഉണ്ടായാല്‍ അത് തരണം ചെയ്യുന്നതിനേക്കാള്‍ ,എങ്ങനെ അവയെ നേരിടുകയൂം ജനങ്ങളെ സുരക്ഷിതരാക്കുകയും ചെയ്യാന്‍ കഴിയും എന്നതിന്റെ വ്യക്തമായ ഉദാഹരണമാണ് ഇപ്പോള്‍ ഫിലിപ്പീന്‍സ് നല്‍കുന്നത് കോവിഡ് പ്രതിരോധ പ്രവര്‍ത്തനങ്ങള്‍ക്കിടെ കനത്ത മഴയും പ്രളയവുമെത്തിയാല്‍ നേരിടാനുള്ള നടപടികളിലേക്കു കേരള സര്‍ക്കാര്‍ കടക്കുമ്പോള്‍ നിന്നുമാണ് വ്യക്തമായ മുന്നറിയിപ്പ് വന്നിരിക്കുന്നത് .
ഫിലിപ്പീന്‍സില്‍ കോവിഡ് ബാധിതരുടെ എണ്ണം 12,000 കടന്നു മുന്നേറുന്നതിനിടെയാണു രാജ്യത്തെ ഞെട്ടിച്ച് വോങ്‌ഫോങ് ചുഴലിക്കൊടുങ്കാറ്റെത്തിയത്. ഇതിനെത്തുടര്‍ന്ന് വീടുകളില്‍നിന്നും മറ്റും മാറ്റിപ്പാര്‍പ്പിക്കേണ്ടി വന്നത് ഏകദേശം ഒന്നര ലക്ഷത്തോളം പേരെയായിരുന്നു . തലതാനാ നഗരമായ മനിലയില്‍ നിന്നും അകലെ കിഴക്കന്‍ സമര്‍ പ്രവിശ്യയില്‍ മേയ് 14 മുതല്‍ ആഞ്ഞടിച്ച ടൈഫൂണ്‍ വോങ്‌ഫോങ്ങാണ് കോവിഡില്‍പ്പെട്ടു നട്ടംതിരിഞ്ഞു നില്‍ക്കുന്ന ഫിലിപ്പീന്‍സിനു പുതിയ തിരിച്ചടിയായത്. വിയറ്റ്‌നാമീസ് ഭാഷയില്‍ കടന്നല്‍ എന്ന അര്‍ദ്ധം വരുന്ന വോങ്‌ഫോങ്ങിനെക്കുറിച്ച് ഇതിനോടകം തന്നെ ലോകരാഷ്ട്രങ്ങളുടെ ശ്രദ്ധയില്‍ പെട്ട് കഴിഞ്ഞു . ഫിലിപ്പീന്‍സില്‍ ആംബോ എന്നാണിതിനു നല്‍കിയ പേര്.നിലവില്‍ കോവിദഃ രോഗമക്തരുടെ എണ്ണത്തില്‍ ഗണ്യമായ വര്‍ധ നവുണ്ടായതാണ് ഫിലിപ്പീന്‍സിനു ആശ്വാസമേകുന്നത്
വെള്ളിയാഴ്ച രാത്രി വരെ ഉള്ള കണക്കുകള്‍ പരിശോധിച്ചതില്‍ നിന്നും ആകെ 2337 പേരാണ് ഫിലിപ്പീന്‍സില്‍ കോവിഡില്‍നിന്നു മുക്തി നേടിയത്. മരണസംഖ്യ 790ലെത്തി. തെക്കുകിഴക്കന്‍ ഏഷ്യയില്‍ ഏറ്റവും ഉയര്‍ന്ന മരണനിരക്കും ഫിലിപ്പീന്‍സിലാണ്. അതിനിടയ്ക്കാണ് വ്യാഴാഴ്ച കിഴക്കന്‍ സമറില്‍നിന്ന് വടക്കു പടിഞ്ഞാറു ഭാഗത്തെ ലുസോണ്‍ ദ്വീപിലേക്ക് മണിക്കൂറില്‍ 150 കി.മീ വേഗതയില്‍ കൊടുങ്കാറ്റെത്തിയത്. ഒട്ടേറെ പേര് തിങ്ങിപ്പാര്‍ക്കുന്ന പ്രദേശം കൂടിയാണിത്. രാജ്യത്തെ ഏറ്റവും വലിയ ദ്വീപ് കൂടിയായ ലുസോണ്‍ വരെ കൊടുങ്കാറ്റെത്തുമെന്നായിരുന്നു പ്രവചനം. തലസ്ഥാനമായ മനില ഉള്‍പ്പെടുന്ന മേഖലയാണിത്. ഇവിടെ ഇപ്പോഴും ലോക്ഡൗണ്‍ തുടരുന്നു. കേരളത്തിന് നലകിയ മുന്നറിയിപ്പ് ഉള്‍പ്പടെ കണക്കിലെടുത്തു കൃത്യമായ പ്രതിരോധ പ്രവര്‍ത്തനങ്ങള്‍ നടത്താന്‍ കഴിയുമെന്ന വിശ്വാസത്തോടെയാണ് സംസ്ഥാന സര്‍ക്കാര്‍ നീങ്ങുന്നത്
"
https://www.facebook.com/Malayalivartha
