സംസ്ഥാനത്തിന്റെ സാഹചര്യം വിലയിരുത്തിയ ശേഷം മാത്രമേ ലോക്ക്ഡൗണ്‍ നാലാം ഘട്ടത്തിന്റെ ഭാഗമായി കേന്ദ്രം അനുവദിച്ചിട്ടുള്ള യാത്രാ ഇളവുകള്‍ നടപ്പിലാക്കൂവെന്ന് ഗതാഗത മന്ത്രി
സംസ്ഥാനത്തിന്റെ സാഹചര്യം വിലയിരുത്തിയ ശേഷം മാത്രമേ ലോക്ക്ഡൗണ്‍ നാലാം ഘട്ടത്തിന്റെ ഭാഗമായി കേന്ദ്രം അനുവദിച്ചിട്ടുള്ള യാത്രാ ഇളവുകള്‍ നടപ്പിലാക്കൂവെന്ന് ഗതാഗത മന്ത്രി എ കെ ശശീന്ദ്രന്‍. സാഹചര്യം പരിശോധിച്ച ശേഷം പൊതുഗതാഗതം പുനസ്ഥാപിക്കും. കെഎസ്ആര്‍ടിസി ജില്ലാ സര്‍വീസുകള്‍ ഓടിക്കുന്നത് പരിഗണനയിലുണ്ട്. ടാക്‌സി സര്‍വീസുകളില്‍ ഒരു യാത്രക്കാരന്‍ മാത്രമായി പരിമിതപ്പെടുത്തുമെന്നും മന്ത്രി പറഞ്ഞു.ജില്ലയ്ക്കുള്ളില്‍ ബസ് സര്‍വീസ് തുടങ്ങുന്നത് അടക്കം പരിശോധനയ്ക്ക് ശേഷമായിരിക്കും.
ബസുകളില്‍ 20 പേരില്‍ താഴെ ആളുകളെ വെച്ച് യാത്ര നടത്തിയാല്‍ സാമ്പത്തിക നഷ്ടമുണ്ടാകും. ഇരട്ടി ചാര്‍ജ് ഈടാക്കിയാല്‍ പോലും ആ നഷ്ടം പരിഹരിക്കാനാകില്ല. ഈ സാഹചര്യത്തില്‍ അന്തര്‍ സംസ്ഥാന ബസ് സര്‍വീസുകളെക്കാള്‍ സംസ്ഥാനം ആവശ്യപ്പെടുന്നത് ട്രെയിന്‍ സര്‍വീസുകളാണ്. 250 ബസുകളേക്കാള്‍ നല്ലത് ഒരു ട്രെയിനാണ്.
"
https://www.facebook.com/Malayalivartha
