സ്വകാര്യ ട്യൂഷന്‍ ഉടന്‍ വേണ്ട...സ്‌കൂള്‍ തുറന്നശേഷം മതി സ്വകാര്യ ട്യൂഷനുകളെന്ന് സര്‍ക്കാര്‍
കോവിഡ് വ്യാപനപശ്ചാത്തലത്തില്‍ പൂട്ടിയ സംസ്ഥാനത്തെ സ്വകാര്യ ട്യൂഷനുകള്‍ സ്‌കൂള്‍ തുറന്ന ശേഷം മതിയെന്ന് സര്‍ക്കാര്‍. ചില സ്വകാര്യ ട്യൂഷന്‍ സെന്ററുകള്‍ പ്രവര്‍ത്തിക്കുന്നതായി ശ്രദ്ധയില്‍പ്പെട്ടു. സ്‌കൂള്‍ തുറക്കുന്ന മുറയ്ക്ക് മാത്രമേ ട്യൂഷന്‍ സെന്ററും ആരംഭിക്കാന്‍ പാടുള്ളൂവെന്നും മുഖ്യമന്ത്രി പിണറായി വിജയന്‍ പറഞ്ഞു. പരീക്ഷകള്‍ക്ക് വേണ്ട തയ്യാറെടുപ്പ് തുടങ്ങിയിട്ടുണ്ട്. വിദ്യാര്‍ത്ഥികളെ എത്തിക്കാന്‍ ബസ് സൗകര്യം ഉറപ്പാക്കാനുള്ള നടപടി ആരംഭിച്ചിട്ടുണ്ട്.
പ്രവാസികളായ വിദ്യാര്‍ത്ഥികള്‍ക്ക് ജൂണ്‍ 26ന് നടക്കുന്ന നീറ്റ് പരീക്ഷ എഴുതാനാകുമോ എന്ന ആശങ്ക നിലനില്‍ക്കുന്നു. യാത്രാവിലക്കുള്ളതില്‍ ഇവിടെ വന്ന് പരീക്ഷ എഴുതാനാവില്ല. മലയാളികളേറെയുള്ള യുഎഇ അടക്കമുള്ള ഗള്‍ഫ് രാജ്യങ്ങളില്‍ പരീക്ഷാകേന്ദ്രങ്ങള്‍ അനുവദിക്കണമെന്ന് പ്രധാനമന്ത്രിയോട് കത്തിലൂടെ അപേക്ഷിച്ചതായും അദ്ദേഹം പറഞ്ഞു.
https://www.facebook.com/Malayalivartha
