സംസ്‌ഥാനത്ത്‌ കെഎസ്ആർടിസി ബസ് സർവീസുകൾ ഇന്നു മുതൽ പൊതുഗതാഗതം തുടങ്ങും...സ്വകാര്യബസുകളും ഉടനെ സർവീസ്‌ നടത്തുമെന്ന്‌ ഗതാഗത മന്ത്രി എ കെ ശശീന്ദ്രൻ പറഞ്ഞു. സ്വകാര്യ ബസ്‌ ഉടമകളുമായുള്ള ചർച്ചയിലാണ്‌ തീരുമാനമായത്‌.

അറ്റകുറ്റപണികൾ നടത്തിയ ശേഷമാകും സർവീസ്‌ തുടങ്ങുക.അതിനുള്ള കാലതാമസം അനുവദിച്ചിട്ടുണ്ട്‌. ചി​ല സ​ര്‍​വീ​സു​ക​ള്‍ നാ​ളെ ത​ന്നെ ആ​രം​ഭി​ക്കു​മെ​ന്നും ബ​സ് ഉ​ട​മ​ക​ളു​ടെ സം​ഘ​ട​നാ പ്ര​തി​നി​ധി​ക​ളു​മാ​യി ന​ട​ത്തി​യ ച​ര്‍​ച്ച​യ്ക്കു​ശേ​ഷം മ​ന്ത്രി പ​റ​ഞ്ഞു.

കോ​ഴി​ക്കോ​ട് ജി​ല്ല​യി​ല്‍ ചി​ല ബ​സു​ക​ള്‍ ഇ​ന്ന് സ​ര്‍​വീ​സ് തു​ട​ങ്ങി​യെ​ന്നും മ​ന്ത്രി പ​റ​ഞ്ഞു. ബ​സ് ഉ​ട​മ​ക​ള്‍ അ​വ​രു​ടെ പ്ര​യാ​സ​ങ്ങ​ള്‍ ആ​ണ് ച​ര്‍​ച്ച​യി​ല്‍ ഉ​ന്ന​യി​ച്ച​ത്. അ​ത് സ​ര്‍​ക്കാ​ര്‍ മു​ഖ​വി​ല​യ്ക്കെ​ടു​ക്കു​ക​യാ​ണെ​ന്നും മ​ന്ത്രി എ.​കെ ശ​ശീ​ന്ദ്ര​ന്‍ പ​റ​ഞ്ഞു.

പല ബസുകളും അറ്റകുറ്റ പണികളിലാണ്​. അത്​ തീരുന്ന മുറക്ക്​ അവ സര്‍വീസ്​ നടത്തിത്തുടങ്ങുമെന്നും ചില ബസുകള്‍ ഇന്നു തന്നെ നിരത്തിലിറങ്ങിയിട്ടുണ്ടെന്നും ബസുടമകളുടെ സംഘടന നേതാക്കള്‍ മാധ്യമങ്ങളോട്​ പറഞ്ഞു. എത്രയും വേഗത്തില്‍ സര്‍വീസുകള്‍ ആരംഭിക്കുവാന്‍ തയാറാണെന്ന കാര്യം സര്‍ക്കാറിനെ അറിയിച്ചിട്ടുണ്ട്​.

സര്‍ക്കാറിനെ ധിക്കരിക്കുവാനോ വെല്ലുവിളിക്കുവാനോ തയാറല്ല. ഈ കോവിഡ്​ കാലഘട്ടത്തില്‍ സര്‍ക്കാറിനും ജനങ്ങള്‍ക്കും ഒപ്പം നിന്നുകൊണ്ട്​ മുന്നോട്ടുപോകാനാണ്​ തീരുമാ​നമെന്നും​ നേതാക്കള്‍ പറഞ്ഞു. ഡീസലടിക്കാനോ ജീവനക്കാര്‍ക്ക്​ ശമ്പളം കൊടു​ക്കാനോ പര്യാപ്​തമാവാത്ത വിധം വലിയ നഷ്​ടം സംഭവിക്കുകയാണെങ്കില്‍ അക്കാര്യം സര്‍ക്കാറിനെ അറിയിക്കും​.

തങ്ങളുടെ വിഷമം കേള്‍ക്കാനുള്ള സന്‍മനസ്​ സര്‍ക്കാറിനുണ്ടെന്നാണ്​ വിശ്വസിക്കുന്നതെന്നും ബസുടമകളുടെ പ്രതിനിധികള്‍ വ്യക്തമാക്കി

സാമൂഹിക അകലം പാലിച്ചായിരിക്കും ബസ് യാത്ര അനുവദിക്കുക. രണ്ട് പേർക്ക് ഇരിക്കാവുന്ന സീറ്റിൽ ഒരാളെ മാത്രം അനുവദിക്കും. മൂന്ന് പേർക്ക് ഇരിക്കാവുന്ന സീറ്റിൽ രണ്ട് പേരെയും അനുവദിക്കും.

യാത്രക്കാർ നിർബന്ധമായും മാസ്‌ക് ധരിക്കണം. സുരക്ഷിത അകലം പാലിച്ചായിരിക്കും യാത്ര. ആകെ സീറ്റുകളുടെ പകുതി യാത്രക്കാരെ മാത്രമേ ബസിൽ അനുവദിക്കൂ. സാനിറ്റെെസർ ഉപയോഗിച്ച് കെെ അണുവിമുക്തമാക്കിയ ശേഷമേ ബസിൽ കയറാവൂ. പിൻവശത്ത് കൂടി മാത്രമേ ബസിൽ കയറാവൂ. പുറത്തിറങ്ങേണ്ടത് മുൻ വാതിലിലൂടെ മാത്രം