രൂപമാറ്റവുമായി ഉംപുന്‍? അടുത്ത അഞ്ചു ദിവസം കേരളത്തില്‍ ഇടിമിന്നലോടുകൂടിയ മഴയ്ക്കും കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് , സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്ന ഇടിമിന്നല്‍ ജാഗ്രതാ നിര്‍ദേശങ്ങള്‍ കര്‍ശനമായി പാലിക്കണമെന്നും അല്ലാത്ത പക്ഷം ആളപായം വരെ ഉണ്ടാകാന്‍ ഇടയുള്ള സാഹചര്യം നിലനില്‍ക്കുന്നുണ്ടെന്നും നിര്‍ദ്ദേശം
മഹാപ്രളയം നാശം വിതച്ച നാടാണ് നമ്മുടെ ഈ കൊച്ചു കേരളം .എന്നാല്‍ അതിനെ ഒത്തൊരുമയോടെ നമ്മള്‍ ഏറെക്കുറെ അതിജീവിച്ചിരുന്നു .മഹാമാരിയായ കോവിഡ് വികസിത രാജ്യങ്ങളെ പോലും നിശ്ചലമാക്കിയപ്പോള്‍ ,ആരോഗ്യ മേഖലയില്‍ കേരളം കൈവരിച്ച സ്വയം പര്യാപ്തത ശ്രദ്ധേയമാണ് . ലോകത്തിനു തന്നെ മാതൃകയായി കേരളം മോഡല്‍ പ്രതിരോധം എന്ന നിലയിലേക്ക് സംസ്ഥാന സര്‍ക്കാര്‍
പ്രചരിപ്പിച്ചപ്പോള്‍ അതെല്ലാം മലയാളികള്‍ പതിയെ അംഗീകരിക്കാന്‍ തുടങ്ങിക്കഴിഞ്ഞു .എന്നാല്‍ ബംഗാള്‍ ഉള്‍ക്കടലില്‍ രൂപം കൊണ്ട മറ്റൊരു വിപത്ത് കേരളത്തെ കൂടിയാണ് ലക്ഷ്യം വയ്ക്കുന്നത് എന്ന് ഇതിനോടകം മനസ്സിലാക്കിയിരിക്കുകയാണ് കേന്ദ്ര കാലാവസ്ഥ നിരീക്ഷണ വകുപ്പ് .അതിനാല്‍ ജാഗ്രത നിര്‍ദ്ദേശങ്ങള്‍ ഏവരും പാലിക്കാനാണ് സംസ്ഥാന സര്‍ക്കാരിനോടും ഉന്നത അധികാരികളോടും
നിര്‍ദ്ദേശിച്ചിരിക്കുന്നത് .
അടുത്ത അഞ്ചു ദിവസം കേരളത്തില്‍ ഇടിമിന്നലോടുകൂടിയ മഴയ്ക്കും കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് ഇതിനോടകം തന്നെ പ്രഖ്യാപിച്ചു . സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്ന ഇടിമിന്നല്‍ ജാഗ്രതാ നിര്‍ദേശങ്ങള്‍ കര്‍ശനമായി പാലിക്കണം എന്നും അല്ലാത്ത പക്ഷം ആളപായം വരെ ഉണ്ടാകാന്‍ ഇടയുള്ള സാഹചര്യം നിലനില്‍ക്കുന്നുണ്ടെന്നും വ്യക്തമാക്കിയിരിക്കുകയാണ് . ശക്തമായ കാറ്റില്‍ മരങ്ങള്‍ കടപുഴകി വീണും ചില്ലകള്‍ ഒടിഞ്ഞു വീണും അപകടങ്ങള്‍ ഉണ്ടാകാനുള്ള സാധ്യതയുണ്ട്.
കാറ്റും മഴയും ഉണ്ടാകുമ്പോള്‍ വീടിന്റെ ടെറസിലോ മരച്ചുവട്ടിലോ നില്‍ക്കുന്നത് അപകടം വിളിച്ചു വരുത്തുന്നതിന് തുല്യമാണ് .മരച്ചുവട്ടില്‍ വാഹനങ്ങളും പാര്‍ക്ക് ചെയ്യരുത്. ഉറപ്പില്ലാത്ത പരസ്യ ബോര്‍ഡുകള്‍, ഇലക്ട്രിക് പോസ്റ്റുകള്‍, കൊടിമരങ്ങള്‍ തുടങ്ങിയവയും കടപുഴകി വീഴാന്‍ സാധ്യതയുള്ളതിനാല്‍ മഴയും കാറ്റുമുള്ളപ്പോള്‍ അവയുടെ ചുവട്ടിലോ സമീപത്തോ നില്‍ക്കാനോ വാഹനങ്ങള്‍ പാര്‍ക്ക് ചെയ്യാനോ പാടില്ല.ഓല മേഞ്ഞതോ ഷീറ്റ് പാകിയതോ, അടച്ചുറപ്പില്ലാത്തതോ ആയ വീടുകളില്‍ താമസിക്കുന്നവര്‍ 1077 എന്ന നമ്പറില്‍ അധികൃതരുമായി നേരത്തേ ബന്ധപ്പെടുകയും അവര്‍ മുന്നറിയിപ്പു നല്‍കുന്നതനുസരിച്ച് സുരക്ഷിതമായ കെട്ടിടങ്ങളിലേക്ക് മാറിത്താമസിക്കുകയും വേണം എന്നും ജാഗ്രത നിര്‍ദ്ദേശത്തില്‍ വ്യക്തമാക്കിയിട്ടുണ്ട് .
പത്രം പാല്‍ എന്നീ വിതരണം പോലെയുള്ള ജോലികള്‍ക്ക് അതിരാവിലെ ഇറങ്ങുന്നവര്‍ പ്രത്യേക ജാഗ്രത പാലിക്കണമെന്നും വഴികളിലെ വെള്ളക്കെട്ടുകളിലും മറ്റും വൈദ്യുതി ലൈന്‍ പൊട്ടിവീണിട്ടില്ലെന്ന് ഉറപ്പാക്കണമെന്നും അപകടസൂചന ലഭിച്ചാല്‍ കണ്‍ട്രോള്‍ റൂമില്‍ അറിയിച്ച് അപകടം ഇല്ലെന്ന് ഉറപ്പുവരുത്തി മാത്രം മുന്നോട്ട് പോകണമെന്നും നിര്‍ദ്ദേശത്തില്‍ വിശദമായി പറഞ്ഞിരിക്കുകയാണ് .കൃഷിയിടങ്ങളില്‍ കൂടി കടന്നു പോകുന്ന വൈദ്യുതിലൈനുകളും സുരക്ഷിതമാണെന്ന് പാടത്ത് ഇറങ്ങുന്നതിന് മുമ്പ് ഉറപ്പ് വരുത്തുന്നത് അത്യന്താപേക്ഷിതമാണ് .
നിര്‍മാണ ജോലികളില്‍ ഏര്‍പ്പെടുന്നവര്‍ കാറ്റും മഴയും ശക്തമാകുമ്പോള്‍ ജോലി നിര്‍ത്തി വെച്ച് സുരക്ഷിതമായ ഇടത്തേക്ക് മാറി നില്‍ക്കണം.വീട്ടുവളപ്പിലെ മരങ്ങളുടെ അപകടകരമായ രീതിയിലുള്ള ചില്ലകള്‍ വെട്ടിയൊതുക്കണം. പൊതുസ്ഥലങ്ങളില്‍ അപകടകരമായ അവസ്ഥയിലുള്ള മരങ്ങള്‍ ശ്രദ്ധയില്‍ പെട്ടാല്‍ ബന്ധപ്പെട്ട തദ്ദേശ സ്ഥാപന സെക്രട്ടറിയെ അറിയിക്കുക എന്നും നിര്‍ദ്ദേശത്തില്‍ വ്യക്തമാക്കുന്നുണ്ട് .സംസ്ഥാന സര്‍ക്കാരിന് ഈ കാര്യത്തില്‍ കേന്ദ്രത്തിന്റെ മാര്‍ഗ്ഗനിര്‍ദ്ദേശങ്ങള്‍ നല്‍കിയത് വഴി പ്രതിരോധ പ്രവര്‍ത്തനങ്ങള്‍ ആരംഭിക്കാനുള്ള ശക്തി പകരുകയാണ്.
"
https://www.facebook.com/Malayalivartha
