യുവതിയോട് മോശമായി പെരുമാറി എന്ന ആരോപണത്തെ തുടർന്ന് വർക്കല അയിരൂർ സ്റ്റേഷനിലെ സി.ഐയ്ക്ക് ജോലി നഷ്ടമായി. ഹെൽമെറ്റില്ലാതെ സ്‌കൂട്ടറിൽ യാത്ര ചെയ്ത യുവതിയോട് മോശമായി പെരുമാറിയതിന് പിന്നാലെ നടപടി സ്വീകരിക്കുകയായിരുന്നു. തെളിവ് സഹിതം യുവതി കൈമാറിയ പരാതിയുടെ അടിസ്ഥാനത്തിലാണ് നടപടി. കേസിനാസ്പദമായ കാര്യം നടക്കുന്നത് ഇങ്ങനെയാണ്. ഈ മാസം എട്ടിന് വീടിനടുത്തുള്ള ഫ്ലോര്‍ മില്ലിലേക്ക് സ്കൂട്ടറില്‍ യാത്ര ചെയ്ത യുവതിയെ ഹെല്‍മറ്റില്ലാത്തതിനാല്‍ സിഐ തടഞ്ഞിരുന്നു. തച്ചോട് ഭാഗത്തുവച്ച ഹെൽമെറ്റില്ലാതെ സ്‌കൂട്ടറിൽ യാത്ര ചെയ്ത് വരികയായിരുന്നു യുവതി. ഹെൽമെറ്റില്ലാതെ വാഹനത്തിൽ വന്ന യുവതിയെ തടഞ്ഞു നിറുത്തി ഫോൺ നമ്പർ വാങ്ങിയ ശേഷം സി.ഐ പറഞ്ഞുവിടുകയായിരുന്നു. പിന്നീട് യുവതിയെ ഫോണ്‍ വിളിച്ച സി.ഐ രാജ്കുമാർ തന്‍റെ ക്വാർട്ടേഴ്സിലേക്ക് വന്നാൽ ഫൈൻ ഒഴിവാക്കി തരാമെന്നു പറഞ്ഞു. എന്നാൽ യുവതി വഴങ്ങിയില്ല. ഇതോടെ ഇയാൾ യുവതിയെ നിരന്തരം ഫോണിൽ വിളിച്ച് ഭീഷണിപ്പെടുത്തി.

ഒടുവിൽ,​ ഹെൽമെറ്റ് ധരിക്കാത്തതിന് പിഴ അടയ്‌ക്കേണ്ടെന്നും, കേസിൽ നിന്നൊഴിവാക്കാൻ മുല്ലപ്പൂ വച്ച് തന്റെ ക്വാർട്ടേഴ്സിലേക്ക് വന്നാൽ മതിയെന്നും രാജ്കുമാർ ആവശ്യപ്പെട്ടുവെന്ന് പരാതിയിൽ ഉന്നയിക്കുന്നു. മൊബൈൽ ഫോൺ സംഭാഷണങ്ങൾ സഹിതം യുവതി ഐ.ജിക്ക് പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് നടപടി കൈക്കൊണ്ടതും വർക്കല അയിരൂർ സ്റ്റേഷനിലെ സി.ഐ രാജ്കുമാറിനെയാണ് ഐ.ജി ഹർഷിത അത്തല്ലൂരി സസ്‌പെൻഡ് ചെയ്യുകയായിരുന്നു . നേരത്തെ വെഞ്ഞാറമൂട് എസ്.ഐ ആയിരിക്കെ പ്രതിയിൽ നിന്ന് കൈക്കൂലി ആവശ്യപ്പെട്ടതിനും രാജ്കുമാറിന് സസ്പെൻഷൻ ലഭിച്ചിരുന്നു. . വിള കാക്കേണ്ടുന്ന വേലി തന്നെ വിളവ് തിന്നുന്ന അവസ്ഥയാണ്. നിയമപാലകർ തന്നെ ഇത്തരത്തിൽ പെരുമാറുന്ന നിരവധി കേസുകൾ നാം അറിഞ്ഞിട്ടുണ്ട് . അതിലിലൊന്നായി മാറിയിരിക്കുകയാണ് ഇതും . ഹെൽമിറ്റില്ലാതെ യാത്ര ചെയുന്നത് കുറ്റക്കരമെന്നിരിക്കെ അത് പരക്കെ ലംഘിക്കുന്നവരും കുറവല്ല. എന്നാൽ അവർക്കെതിരെ നടപടി സ്വീകരിക്കുന്നത് ഇത്തരത്തിലായാൽ വിഷമകരമാണ് . സ്ത്രീകളോട് മോശമായി പെരുമാറുന്നത് കുറ്റകരമാണ്. എന്നാൽ അതൊരു നിയമപാലകൻ തന്നെ ചെയ്താലോ ?

ഹെൽമെറ്റ്‌ ധരിക്കാതെ യാത്ര ചെയ്യുക എന്ന നിയമം ലംഘിക്കുന്നവരും നമ്മുടെ നാട്ടിൽ വർധിക്കുന്നു എന്ന കാര്യത്തിൽ മാറ്റമില്ല. ഇരുചക്ര വാഹന യാത്രികര്‍ മാരകമായ വാഹന അപകടങ്ങളില്‍ പെടുന്നതിനുള്ള സാധ്യത ഏറെയാണ്. . മനുഷ്യ ശരീരത്തിന്റെ ജൈവീക പ്രവര്‍ത്തനങ്ങളുടെ നിയന്ത്രണ കേന്ദ്രമായ തലച്ചോര്‍ ഉള്‍പ്പെടെ ഉള്ള പ്രധാന അവയവങ്ങള്‍ പേറുന്ന ഭാഗം ആണ് ശിരസ്സ്. തലയ്ക്കും കഴുത്തിനും മുഖത്തിനും ഉണ്ടാവുന്ന പരുക്കുകള്‍ മരണത്തിനും രോഗാതുരതയ്ക്കും കാരണമാവാന്‍ സാധ്യതയേറെയാണ്. ഇത്തരം അപകടങ്ങളില്‍ ഹെല്‍മെറ്റ് ശരിയായ രീതിയില്‍ ധരിച്ചാല്‍ തലയ്ക്കു ഉണ്ടാവുന്ന പരുക്ക് 69% കണ്ടും മരണ സാധ്യത 42% ത്തോളവും കുറയും എന്നാണ് പഠനങ്ങള്‍ സൂചിപ്പിക്കുന്നത്. അത് കൊണ്ട് തന്നെയാണ് ഹെൽമെറ്റ് വയ്ക്കുന്നത് നിര്ബെന്ധമാക്കിയത്. എന്നാൽ അത് ലംഘിക്കുന്നവർക്ക് നടപടികൾ നേരിടേണ്ടി വരും. എന്നാൽ ഇത്തരത്തിൽ ഒരു തെറ്റായ സമീപനം നിയമപാലക്കാരിൽ നിന്നും ഉണ്ടാകുന്നത് തെറ്റാണ്.