ഇനി ആര്‍ക്കും സംശയം വേണ്ട... ഒരു തവണ മദ്യം വാങ്ങിയാല്‍ പിന്നെ നാല് ദിവസം കഴിഞ്ഞെ കിട്ടുകയുള്ളൂ
കോവിഡ് 19 ബാധയെ തുടര്‍ന്ന് സംസ്ഥാനത്ത് നിര്‍ത്തിവച്ചിരുന്ന മദ്യവില്പന ഓണ്‍ലൈന്‍ വഴി ആരംഭിച്ചിരുന്നു. എന്നാല്‍ ഓണ്‍ലൈന്‍ ആപ്പുമായി ബന്ധപ്പെട്ട സംസ്ഥാനത്ത് വലിയ ആശയക്കുഴപ്പമാണ് രൂപംകൊണ്ടത്. ഈ പ്രശ്നം പരിഹരിക്കാന്‍ സംസ്ഥാനത്തെ മദ്യവില്പന സംബന്ധിച്ച് ബിവറേജസ് കോര്‍പറേഷന്‍ വിശദ മാര്‍ഗരേഖ പുറത്തിറക്കി. കോവിഡ് മാര്‍ഗനിര്‍ദേശം പാലിച്ച് പൂര്‍ണമായും സാമൂഹിക അകലം പാലിച്ചാകും മദ്യവില്പന. ഹോട് സ്‌പോട്ടില്‍ മദ്യവില്പന ഉണ്ടാകില്ല. രാവിലെ ഒമ്ബത് മുതല്‍ വൈകീട്ട് അഞ്ച് മണി വരെയാവും വില്‍പന.
ഒരു അറിയിപ്പുണ്ടാകുന്നത് വരെ സംസ്ഥാനത്ത് മദ്യവില്പന പൂര്‍ണമായും ഓണ്‍ലൈന്‍ വഴിയായിരിക്കുമെന്ന് മാര്‍ഗനിര്‍ദേശത്തില്‍ വ്യക്തമാക്കുന്നു. വിര്‍ച്വല്‍ ക്യൂ സംവിധാനത്തിലൂടെ ടോക്കണ്‍ എടുത്ത് വേണം മദ്യം വാങ്ങാന്‍ വില്‍പനശാലയിലെത്തേണ്ടത്. അഞ്ച് പേരെ മാത്രമേ ഒരുസമയം മദ്യശാലയില്‍ പ്രവേശിക്കാന്‍ അനുവദിക്കൂ.
ഒരു തവണ മദ്യം വാങ്ങിയാല്‍ പിന്നെ നാല് ദിവസം കഴിഞ്ഞാല്‍ മാത്രമേ ടോക്കണ്‍ എടുക്കാന്‍ ഒരു വ്യക്തിക്ക് അനുമതി ലഭിക്കൂ. മദ്യവില്‍പനക്കുള്ള ആപ് നിര്‍മാണത്തില്‍ പ്രതിപക്ഷ നേതാവ് രമേശ് ചെന്നിത്തല ഉന്നയിച്ച ആരോപണം അടിസ്ഥാന രഹിതമാണെന്നും ബെവ്‌കോ അധികൃതര്‍ വ്യക്തമാക്കുന്നു. മൊബൈല്‍ ആപ് നിര്‍മിച്ച കമ്ബനിക്ക് എസ്.എം.എസില്‍ നിന്നും വരുമാനം കിട്ടില്ലെന്നാണ് ബെവ്‌കോയുടെ വിശദീകരണം.
https://www.facebook.com/Malayalivartha
