സ്പെഷ്യല് ട്രെയിനുകള് അയക്കുമ്പോള് സംസ്ഥാന സര്ക്കാരിനെ മുന്കൂട്ടി അറിയിക്കണം; മുംബൈയില്നിന്ന് പുറപ്പെട്ട പ്രത്യേക ട്രെയിനിന്റെ വിവരം കേരളത്തെ അറിയിച്ചില്ല
കേരളത്തിലേക്ക് സ്പെഷ്യല് ട്രെയിനുകള് അയക്കുമ്പോള് സംസ്ഥാന സര്ക്കാരിനെ മുന്കൂട്ടി അറിയിക്കണമെന്ന് മുഖ്യമന്ത്രി പിണറായി വിജയന്. മുംബൈയില്നിന്ന് പുറപ്പെട്ട പ്രത്യേക ട്രെയിനിന്റെ വിവരം കേരളത്തെ അറിയിക്കാത്തതിനെ തുടര്ന്ന് സ്പെഷ്യല് ട്രെയിനുകളില് യാത്രചെയ്യുന്നവരുടെ ലിസ്റ്റും വിശദവിവരങ്ങളും ലഭ്യമാക്കണമെന്നും റെയില്വേ മന്ത്രി പിയൂഷ് ഗോയലിന് അയച്ച ഇമെയില് സന്ദേശത്തില് മുഖ്യമന്ത്രി പിണറായി വിജയന് ആവശ്യപ്പെട്ടു.
യാത്രക്കാരുടെ പേരും വിലാസവും ഫോണ്നമ്ബരും താമസിക്കാന് പോകുന്ന സ്ഥലവും സംബന്ധിച്ച വിവരങ്ങള് സംസ്ഥാനത്തിന് ലഭിച്ചില്ലെങ്കില് കോവിഡ്19 വ്യാപനം പ്രതിരോധിക്കാനുള്ള സര്ക്കാരിന്റെ ശ്രമങ്ങള്ക്ക് വലിയ തടസ്സമാകും. മുംബൈയില് നിന്ന് മേയ് 22ന് തിരുവനന്തപുരത്തേക്ക് പുറപ്പെട്ട പ്രത്യേക ട്രെയിനിന്റെ കാര്യം സംസ്ഥാന സര്ക്കാരിനെ അറിയിച്ചിരുന്നില്ല. അറിയിപ്പ് ലഭിച്ചെങ്കില് മാത്രമേ യാത്രക്കാരുടെ ആരോഗ്യപരിശോധനക്കും അവരുടെ തുടര്ന്നുള്ള യാത്രക്കും ക്വാറന്റൈന് ഫലപ്രദമാക്കുന്നതിനും സംവിധാനമുണ്ടാക്കാന് കഴിയൂ എന്ന് മുഖ്യമന്ത്രി ചൂണ്ടിക്കാട്ടി.
https://www.facebook.com/Malayalivartha
