കേരളത്തില്‍ 29 വരെ ചില സ്ഥലങ്ങളില്‍ ശക്തമായ മഴയ്ക്ക് സാദ്ധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു അതിനു പിന്നാലെ ജൂണ്‍ 18 വരെയുളള നാലാഴ്ചയും അധികമഴ ലഭിക്കുമെന്ന് കാലാവസ്ഥാവകുപ്പ്. . 26ന് കൊല്ലം, പത്തനംതിട്ട, ആലപ്പുഴ ജില്ലകളിലും 27ന് ആലപ്പുഴ മലപ്പുറം,കോഴിക്കോട്,വയനാട് ജില്ലകളിലും യെല്ലോ അലര്‍ട്ട് പ്രഖ്യാപിച്ചിട്ടുണ്ട്. മലയോര മേഖലകളില്‍ മണ്ണിടിച്ചില്‍ ഉണ്ടാകാനിടയുള്ളതിനാല്‍ ജനങ്ങള്‍ ജാഗ്രത പുലര്‍ത്തണം. തെക്ക് - കിഴക്ക് അറബിക്കടലിലും മാലദ്വീപിലും ലക്ഷ്വദ്വീപ് മേഖലയിലും 40 മുതല്‍ 50 കി.മി വേഗത്തില്‍ കാറ്റിന് സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോകരുത്.ഈയാഴ്ച അവസാനം അതിശക്തമായ മഴയ്ക്കും സാധ്യതയുണ്ട്. കാലവര്‍ഷം എത്തുന്നതിന് മുമ്പേ കേരളത്തില്‍ ശക്തമായ മഴപെയ്യുമെന്നാണ് സൂചന.

ആഴ്ച ഒന്ന്: മേയ് 28 വരെ 44.1 മില്ലീമീറ്റര്‍ മഴപെയ്യാം. പതിവിനെക്കാള്‍ 11 ശതമാനം അധികം.
ആഴ്ച രണ്ട്: 29-ജൂണ്‍ 4 146.8 മില്ലീമീറ്റര്‍ മഴപെയ്യാം. പതിവിനെക്കാള്‍ 142 ശതമാനം അധികം.
ആഴ്ച മൂന്ന്: ജൂണ്‍ 5-11 പെയ്യേണ്ടത് 62.6 മില്ലീമീറ്റര്‍. പ്രതീക്ഷിക്കുന്നത് 69.2 മില്ലീമീറ്റര്‍.
ആഴ്ച നാല്: ജൂണ്‍ 12-18

പെയ്യേണ്ടത് 51.6 മില്ലീമീറ്റര്‍. പ്രതീക്ഷിക്കുന്നത് 77.2 മില്ലീമീറ്റര്‍.
മഴപ്രവചനം
ജൂണ്‍ അഞ്ചോടെ തെക്കുപടിഞ്ഞാറന്‍ കാലവര്‍ഷം കേരളത്തിലെത്തും. അല്പം നേരത്തേയെത്തുമെന്ന് മറ്റ് ഏജന്‍സികളും. അതിനുമുമ്പേ ശക്തമായ മഴ തുടങ്ങാനാണ് സാധ്യതയെന്നും പ്രവചനം.

മഞ്ഞ ജാഗ്രത
ചൊവ്വ: കൊല്ലം, പത്തനംതിട്ട, വയനാട്

ബുധന്‍: ആലപ്പുഴ, കോട്ടയം, എറണാകുളം, തൃശ്ശൂര്‍, മലപ്പുറം, കോഴിക്കോട്

അതെ സമയം കനത്തമഴയെത്തുടര്‍ന്ന് തിരുവനന്തപുരത്തെ താഴ്ന്നപ്രദേശങ്ങളില്‍ വെളളപ്പൊക്കം. തേക്കുംമൂടും നെടുമങ്ങാടും വീടുകളില്‍ വെളളംകയറി. ആനാട് പഞ്ചായത്തില്‍ വെള്ളപ്പൊക്കം രൂക്ഷമായി. അരുവിക്കര ഡാമിന്റെ അഞ്ചു ഷട്ടറുകള്‍ തുറന്നു. കരമനയാറിന്റെ തീരത്ത് താമസിക്കുന്നവര്‍ ജാഗ്രത പാലിക്കണം. ചിറ്റാറും കിള്ളിയാറും കരകവിഞ്ഞൊഴുകുകയാണ്. കനത്ത മഴയ്ക്കും കാറ്റിനും സാധ്യതയുള്ളതില്‍ തിരുവനന്തപുരം, കൊല്ലം, പത്തനംതിട്ട, ആലപ്പുഴ,കോട്ടയം, എറണാകുളം ജില്ലകളില്‍ ജാഗ്രതാനിര്‍ദേശം നിര്‍ദേശം പുറപ്പെടുവിച്ചു.