സം​സ്ഥാ​ന​ത്തി​ന്‍റെ പു​റ​ത്തു​നി​ന്ന് കൂ​ടു​ത​ല്‍ ആ​ളു​ക​ള്‍ എ​ത്തു​ന്ന​തി​നാ​ല്‍ രോ​ഗി​ക​ളുടെ എണ്ണം ഇനിയും കൂ​ടു​മെ​ന്ന് ആ​രോ​ഗ്യ​മ​ന്ത്രി കെ.​കെ.​ശൈ​ല​ജ അറിയിച്ചു. കൂ​ടു​ത​ല്‍ പോ​സി​റ്റീ​വ് കേ​സു​ക​ള്‍ ഉ​ണ്ടാ​കു​മെ​ന്ന​ത് പ്ര​തീ​ക്ഷി​ച്ച​താ​ണ്. അ​ത​നു​സ​രി​ച്ച്‌ മു​ന്നൊ​രു​ക്കം ന​ട​ത്തി​യി​ട്ടു​ണ്ട്. ക്വാ​റ​ന്‍റൈ​ന്‍ പാ​ലി​ച്ചി​ല്ലെ​ങ്കി​ല്‍ സ്ഥി​തി ഗു​രു​ത​ര​മാ​കു​മെ​ന്നും ആ​രോ​ഗ്യ​മ​ന്ത്രി മാ​ധ്യ​മ​ങ്ങ​ളോ​ടു പ​റ​ഞ്ഞു.

സം​സ്ഥാ​ന​ത്തി​ന്‍റെ പു​റ​ത്തു​നി​ന്ന് വ​രു​ന്ന​വ​രി​ല്‍ നി​ന്ന് മ​റ്റു​ള്ള​വ​രി​ലേ​ക്ക് രോ​ഗം പ​ക​രാ​തെ നോ​ക്കു​ക​യാ​ണ് കേ​ര​ളം ല​ക്ഷ്യ​മി​ടു​ന്ന​ത്. റി​വേ​ഴ്സ് ക്വാ​റ​ന്‍റൈ​ന്‍ അ​ട​ക്കം കൃ​ത്യ​മാ​യി പാ​ലി​ക്ക​ണം. മ​ര​ണ​നി​ര​ക്ക് കൂ​ടാ​തെ നി​യ​ന്ത്രി​ക്കാ​നാ​കു​മെ​ന്നാ​ണ് ക​രു​തു​ന്ന​ത്. ഏ​റ്റ​വും പ്രാ​യോ​ഗി​കം ഹോം ​ക്വാ​റ​ന്‍റൈ​ന്‍ കൃ​ത്യ​മാ​യി ന​ട​ത്തു​ക എ​ന്ന​താ​ണ്. കേ​ര​ളം പി​ന്‍​തു​ട​രു​ന്ന​ത് ശ്ര​മ​ക​ര​മാ​യ ദൗ​ത്യ​മാ​ണെ​ന്നും കെ.​കെ.​ശൈ​ല​ജ പ​റ​ഞ്ഞു.

കേ​ര​ളം മു​ന്‍​കൂ​ട്ടി ക​ണ്ടാ​ണ് എ​ല്ലാം ആ​സു​ത്ര​ണം ചെ​യ്ത​ത്. മ​ര​ണ​നി​ര​ക്ക് കൂ​ടി​ല്ലെ​ന്ന് ആ​ത്മ​വി​ശ്വാ​സ​മു​ണ്ട്. ക്വാ​റ​ന്‍റൈ​നി​ല്‍ ക​ഴി​യു​ന്ന​വ​ര്‍ ഒ​രു കാ​ര​ണ​വ​ശാ​ലും നി​ര്‍​ദേ​ശ​ങ്ങ​ള്‍ ലം​ഘി​ക്ക​രു​ത്. കൂ​ടു​ത​ല്‍ ആ​ളു​ക​ളി​ലേ​ക്ക് രോ​ഗം പ​ട​ര്‍​ന്നാ​ല്‍ നി​യ​ന്ത്രി​ക്കാ​ന്‍ ബു​ദ്ധി​മു​ട്ടാ​കും. സ​ര്‍​ക്കാ​ര്‍ കേ​ന്ദ്ര​ങ്ങ​ളി​ലെ ക്വാ​റ​ന്‍റൈ​ന്‍ ഏ​ഴു ദി​വ​സ​മാ​ക്കി​യ കേ​ന്ദ്ര തീ​രു​മാ​നം സ്വാ​ഗ​താ​ര്‍​ഹ​മാ​ണെ​ന്നും മ​ന്ത്രി പ​റ​ഞ്ഞു.

സം​സ്ഥാ​ന​ത്ത് ന​ട​ത്തി​യ മു​ന്നൊ​രു​ക്ക​ങ്ങ​ളി​ല്‍ വി​ശ്വാ​സ​മു​ണ്ട്. ര​ണ്ടാ​മ​ത്തെ ഘ​ട്ട​ത്തെ​ക്കാ​ള്‍ രോ​ഗി​ക​ള്‍ കൂ​ടും. ന​ല്ല ജാ​ഗ്ര​ത​യി​ലാ​ണ് കാ​ര്യ​ങ്ങ​ള്‍ ചെ​യ്യു​ന്ന​ത്. ന​ല്ല പ​രി​ഗ​ണ​ന​യോ​ടെ​യാ​ണ് ആ​രോ​ഗ്യ​പ്ര​വ​ര്‍​ത്ത​ക​ര്‍ എ​ല്ലാ​വ​രെ​യും ചി​കി​ത്സി​ക്കു​ന്ന​തെ​ന്നും മ​ന്ത്രി കൂ​ട്ടി​ച്ചേ​ര്‍​ത്തു.