വൈപ്പിന്‍-ഫോര്‍ട്ട്‌കൊച്ചി റോ റോ ജങ്കാര്‍ ഓടിത്തുടങ്ങിയതോടെ വന്‍ തിരക്കാണ് അനുഭവപ്പെടുന്നത്.

ലോക്ഡൗണില്‍ ഇളവുകള്‍ വന്നതോടെ ആരംഭിച്ച സര്‍വ്വീസില്‍ സാമൂഹിക അകലം പാലിക്കാതെയാണ് യാത്ര നടത്തുന്നതെന്ന് പരാതിയുയര്‍ന്നു.

20 യാത്രക്കാരെ മാത്രമാണ് അനുവദിച്ചിരുന്നതെങ്കിലും 2 ദിവസം മാത്രമാണ് നിയന്ത്രണങ്ങള്‍ പാലിച്ചത്. വാഹനങ്ങളും യാത്രക്കാരും തിങ്ങിനിറഞ്ഞാണ് ഇപ്പോള്‍ യാത്ര.

യാത്രക്കാര്‍ക്കായി സാനിറ്റൈസര്‍ അടക്കമുള്ള സംവിധാനങ്ങളും ഒരുക്കിയിട്ടില്ലെന്ന് പലരും പരാതിപ്പെട്ടു.

2 റോ റോ ജങ്കാറുകളും ബോട്ടും ഉണ്ടെങ്കിലും ഒരു ജങ്കാര്‍ മാത്രമാണ് സര്‍വീസിനുള്ളത്. 2 റോ റോകളും സര്‍വീസ് നടത്തണമെന്നാണ് ആവശ്യം.