വിദേശത്ത് നിന്നെത്തുന്ന പ്രവാസികള്‍ക്ക് പെയ്ഡ് ക്വാറന്റൈനില്‍ ഇളവ് നല്‍കാന്‍ മന്ത്രിസഭാ യോഗം. തൊഴില്‍ നഷ്ടപ്പെട്ടവര്‍ക്കും സാമ്ബത്തികമായി പിന്നോക്കം നില്‍ക്കുന്നവര്‍ക്കും ഇളവുകള്‍ ലഭിക്കും. പ്രവാസികള്‍ ക്വാറന്റീന്‍ ചെലവ് സ്വന്തമായി വഹിക്കണമെന്നായിരുന്നു സര്‍ക്കാര്‍ തീരുമാനം. ഇതിനെതിരെ പ്രതിപക്ഷമുള്‍പ്പെടെ പ്രതിക്ഷേധവുമായി രംഗത്തെത്തി. എന്നാൽ ഇതിന്റെ അടിസ്ഥാനത്തിലായിരുന്നു മന്ത്രിസഭാ തീരുമാനമെടുത്തത്.

എന്നാൽ പ്രവാസികള്‍ ക്വാറന്റീന്‍ ചെലവ് സ്വന്തമായി വഹിക്കണമെന്ന സര്‍ക്കാര്‍ നിലപാട് മനുഷ്യത്വരഹിതമായ നടപടിയാണെന്ന് മുന്‍ മുഖ്യമന്ത്രി ഉമ്മന്‍ ചാണ്ടി പറഞ്ഞു. ഇത് പ്രവാസികളോടുള്ള അവഹേളനവും കേരളീയര്‍ക്ക് അപമാനവുമാണെന്നും നമ്മുടെ നാടിന്റെ സമ്ബദ്ഘടനയുടെയും സമൃദ്ധിയുടെയും അടിത്തറ പ്രവാസികള്‍ കെട്ടിയുണ്ടാക്കിയതാണെന്നും അദ്ദേഹം പറയുകയുണ്ടായി.