തർക്കം തീർക്കാൻ കഴിയുന്നില്ലെങ്കിൽ പറ ഭായി ഞാൻ ഇടപെടാം; ഇന്ത്യ-ചൈന അതിര്ത്തര്ക്കം രൂക്ഷമായ സാഹചര്യത്തില് പ്രശ്നത്തില് മധ്യസ്ഥത വഹിക്കാന് തയാറാണെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്
ഇന്ത്യ-ചൈന അതിര്ത്തര്ക്കം രൂക്ഷമായ സാഹചര്യത്തില് പ്രശ്നത്തില് മധ്യസ്ഥത വഹിക്കാന് തയാറാണെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ് അറിയിച്ചു. ഇക്കാര്യം ചൈനയെയും ഇന്ത്യയെയും അറിയിച്ചതായും അദ്ദേഹം പറഞ്ഞു. മേയ് അഞ്ചിനും ആറിനും ഇന്ത്യ-ചൈനീസ് സൈന്യങ്ങള് തമ്മില് ലഡാഖിലെ പാങ്കോങ് തടാകത്തില് ഏറ്റുമുട്ടിയിരുന്നു. കൂടാതെ ലഡാക്കിനു സമീപത്തെ വ്യോമതാവളം ചൈന വികസിപ്പിക്കുന്നതായും റിപ്പോര്ട്ടുണ്ട്. ഇതിെന്റ ഉപഗ്രഹദൃശ്യങ്ങള് പുറത്തുവന്നിട്ടുണ്ട്. ലഡാഖില്നിന്ന് 200 കി.മി അകലെയുള്ള വ്യോമതാവളത്തിലാണ് ചൈന വന്തോതിലുള്ള നിര്മാണപ്രവര്ത്തനങ്ങള് നടത്തുന്നത്.
ഇന്ത്യയുമായി അതിർത്തർക്കം രൂക്ഷമായ സാഹചര്യത്തിൽ ലഡാക്കിനു സമീപത്തെ വ്യോമതാവളം ചൈന വികസിപ്പിക്കുന്നതായി റിപ്പോർട്ട്. എന്തുമോശമായ സാഹചര്യവും നേരിടാന് തയ്യാറാകണമെന്ന് ചൈനീസ് സൈന്യത്തിന് പ്രസിഡന്റ് ഷി ജിന്പിങ്ങിന്റെ നിര്ദേശം നൽകി.
മേയ് അഞ്ചിനും ആറിനും ഇന്ത്യ- ചൈനീസ് സൈന്യങ്ങൾ തമ്മിൽ ഏറ്റുമുട്ടിയ പാങ്കോങ് തടാകത്തിൽ നിന്ന് 200 കി.മീ അകലെയുള്ള വ്യോമതാവളത്തിൽ ചൈന വൻതോതിലുള്ള നിർമ്മാണപ്രവർത്തനങ്ങൾ നടത്തുന്നുണ്ട്. ഇതിന്റെ ഉപഗ്രഹ ചിത്രം സഹിതം എൻ.ഡി.ടിവി പുറത്ത് വിട്ടു.
പീപ്പിള്സ് ലിബറേഷൻ ആർമി, പീപ്പിള്സ് ആംഷ് പൊലീസ് ഫോഴ്സ് എന്നിവയുടെ പ്രതിനിധികളുമായി നടത്തിയ ചർച്ചയിലാണ് യുദ്ധസജ്ജരാകാൻ ഷിയുടെ ആഹ്വാനം.
കഴിഞ്ഞ പത്തുവര്ഷത്തിനുള്ളില് ചൈനീസ് സൈന്യം പല മേഖലകളിലും ഇന്ത്യയുടെ സൈനികശക്തി പരീക്ഷിക്കുന്ന നടപടികള് സ്വീകരിക്കുകയുണ്ടായി. ഈ മാസം ആദ്യമാണ് ഏറ്റവും ഒടുവില് ഇരു സൈന്യങ്ങളും നേര്ക്കുനേര് എത്തിയത്. മേയ് 5 ന് ലഡാക്കിലെ പാന്ഗോങ് സോ തടാകത്തിനു സമീപം സൈനികര് തമ്മില് സംഘര്ഷമുണ്ടായി. മേഖലയില് ഇന്ത്യന് സൈന്യത്തിന്റെ പട്രോളിങ് ചൈനീസ് സൈനികര് തടസ്സപ്പെടുത്തിയതാണ് പ്രശ്നത്തിനു കാരണമായത്. നിയന്ത്രണ രേഖ സംബന്ധിച്ചുള്ള തര്ക്കമാണ് മിക്കപ്പോഴും സംഘര്ഷത്തിന് ഇടയാക്കാറുള്ളത്. മേയ് 9 ന് 15000 അടി ഉയരത്തില് ടിബറ്റിനു സമീപത്തുള്ള നാക്കു ലാ മേഖലയില് സൈനികര് തമ്മില് കല്ലേറുണ്ടായി. മേഖലയില് പട്രോളിങ് നടത്തുകയായിരുന്ന ഇന്ത്യന് സൈനികരെ തിരിച്ചോടിക്കാനായിരുന്നു ചൈനീസ് നീക്കം. ആയുധങ്ങള് ഉപയോഗിച്ചില്ലെങ്കിലും നിരവധി സൈനികര്ക്കു പരുക്കേറ്റു. മുതിര്ന്ന ഇന്ത്യന് സൈനിക ഉദ്യോഗസ്ഥനെ ഹെലികോപ്റ്ററിലാണ് ആശുപത്രിയില് എത്തിച്ചത്.
കേന്ദ്രസര്ക്കാരിന്റെ കണക്കനുസരിച്ച് 2016-2018 കാലയളവില് 1,025 തവണയാണ് ചൈനീസ് സൈന്യം അതിര്ത്തി ലംഘിച്ചത്. 2017 ല് ദോക്ലയില് രണ്ടു മാസത്തോളമാണ് ഇരുരാജ്യങ്ങളുടെയും സൈന്യങ്ങള് നേര്ക്കുനേര് നിന്നത്. ഭൂട്ടാനും ചൈനയും അവകാശവാദമുന്നയിക്കുന്ന സ്ഥലമാണ് ദോക്ല. ചൈനയുടെ പീപ്പിള്സ് ലിബറേഷന് ആര്മി ജൂണ് 16 ന് ഈ മേഖലയില് റോഡ് നിര്മിച്ചതാണ് പ്രശ്നത്തിനു കാരണമായത്. ജൂണ് 18 ന് ഓപ്പറേഷന് ജുണിപെറിന്റെ ഭാഗമായി 270 ഇന്ത്യന് സൈനികര് രണ്ടു ബുള്ഡോസറുകളുമായി സിക്കിം അതിര്ത്തി കടന്ന് ദോക്ലയിലെത്തി. മേഖലയില് റോഡ് നിര്മിക്കുന്നതിനെതിരെ ഭൂട്ടാനും രംഗത്തെത്തി. ഇതിനിടയില് ദോക്ല ചൈനയുടെ ഭാഗമാണെന്നു കാട്ടുന്ന ഭൂപടം ചൈന പുറത്തുവിട്ടു. എന്നാല് 2012-ലെ ധാരണ ലംഘിക്കുന്ന നടപടിയാണ് ചൈനയുടേതെന്ന് ഇന്ത്യ തിരിച്ചടിച്ചു. ഒടുവില് ഓഗസ്റ്റ് 28 ന് സൈനികരെ മേഖലയില്നിന്നു പിന്വലിക്കുന്നതായി ഇരുരാജ്യങ്ങളും അറിയിച്ചതോടെയാണ് സംഘർഷത്തിന് അറുതിയായത്.
https://www.facebook.com/Malayalivartha