ലോകത്താകമാനമുള്ള എല്ലാ പുരുഷന്മാര്‍ക്കും അപമാനമാണ് ഈ ക്രൂരജന്മം .സ്വന്തം ഭാര്യയെ ,അതിനെല്ലാമുപരി സ്വന്തം കുഞ്ഞിനെ പ്രസവിച്ചു കയ്യില്‍ കൊടുത്ത ഈ പെണ്ണിനെ ഇങ്ങനെ ദയയില്ലാതെ കൊന്നു കളഞ്ഞ മഹാപാപിക്ക് മാപ്പില്ല എന്ന് ലോകം ഒന്നടങ്കം പറയുകയാണ് .ജീവിക്കാന്‍ നിവൃത്തിയില്ല എന്ന് പറഞ്ഞു പലകുറി കേണപേക്ഷിച്ച സൂരജിന് ജീവിതമാര്‍ഗ്ഗം ഉണ്ടാക്കികൊടുക്കാനായി ഉത്രയുടെ അച്ഛന്‍ കഷ്ടപെട്ടത് ചില്ലറയൊന്നുമല്ല .എന്നിട്ടും പണം എന്ന ഒറ്റ ലക്ഷ്യം മാത്രമേ ആ നെറികെട്ടവന്റെ മുന്നില്‍ ഉണ്ടായിരുന്നുള്ളു .സൂരജിന്റെ കുടുംബത്തിനെ പോലും അകമഴിഞ്ഞ് സഹായിച്ചിരുന്നു ഉത്രയുടെഅച്ഛന്‍ എന്നാണ് തെളിവെടുപ്പില്‍ നിന്നും മനസ്സിലായത് .എന്നിട്ടൊടുവില്‍ ഞാനൊന്നും ചെയ്തില്ല എല്ലാം പോലീസിന്റെ ഗൂഢ തന്ത്രമാണെന്നും വീട്ടുകാര്‍ തന്നെ ഇതില്‍ പെടുത്തിയതാണെന്നതുമാണ് സൂരജിന്റെ വാദം.

ഉത്രയെ പാമ്പിനെ കൊണ്ട് കടിപ്പിച്ചപ്പോഴും മയക്കത്തില്‍ നിന്നും ഉണരാത്തതെന്താണ് എന്നതിന് വ്യക്തമായ തെളിവാണ് നിലവില്‍ പുറത്തു വന്നിരിക്കുന്നത് .ഉത്രയെ പാമ്പിനെക്കൊണ്ടു കടിപ്പിക്കും മുന്‍പ് പായസത്തിലും പഴച്ചാറിലും ഉറക്കഗുളിക പൊടിച്ചു ചേര്‍ത്തു നല്‍കിയതായി ഭര്‍ത്താവ് സൂരജ് ക്രൈംബ്രാഞ്ച് സംഘത്തിനു മൊഴി നല്‍കി. സംഭവം ശരിയാണെന്നതിന് അന്വേഷണത്തില്‍ പൊലീസിനു തെളിവു ലഭിച്ചു. മരുന്നു വാങ്ങിയ അടൂരിലെ കടയില്‍ ഇന്നലെ പൊലീസെത്തി തെളിവെടുപ്പ് നടത്തി.

കൊലപാതകശ്രമം നടത്തിയ 2 തവണയും ഗുളിക നല്‍കിയതായാണു മൊഴി. ഇതിനെ ആസ്പദമാക്കിയുള്ള കൂടുതല്‍ തെളിവ് ശേഖരണത്തില്‍ നിന്നും മാസങ്ങളോളം നീണ്ടു നിന്ന കൊലപാതക ശ്രമം തന്നെയാണ് എന്നത് വ്യക്തമായി .കാര്യമായി ഒരു വരുമാനമാര്‍ഗ്ഗവുമില്ലാതെ നടന്ന സൂരജിന് സാമ്പത്തിക സഹായം നല്‍കിയിരുന്നു എന്നത് വ്യക്തമാണ് .അതിനാല്‍ തന്നെ ഉത്രയുടെ അച്ഛന്റെ തന്നെ പണം ഉപയോഗിച്ച് പാമ്പിനെ വാങ്ങി അത് മകളുടെ നേര്‍ക്ക് ഉപയോഗിച്ചു എന്നത് തന്നെയാണ് വ്യക്തമാകുന്നത്.

മാര്‍ച്ച് 2 രാത്രിയിലാണ് ഉത്രയ്ക്ക് അണലിയുടെ കടിയേറ്റത്. അന്ന് സൂരജിന്റെ അമ്മ വീട്ടിലുണ്ടാക്കിയ പായസത്തിലാണ് ഉറക്കഗുളിക ചേര്‍ത്തത്. തുടര്‍ന്ന് അണലിയെ ശരീരത്തിലേക്ക് വിട്ടു. അണലിയെ പ്രകോപിപ്പിച്ച് ഉത്രയെ കടിപ്പിച്ചു. എന്നാല്‍ ഉത്ര എഴുന്നേറ്റു ബഹളം ഉണ്ടാക്കി. അടുത്ത ശ്രമത്തില്‍ മേയ് ആറിന് രാത്രിയിലാണ് ഉത്ര കൊല്ലപ്പെടുന്നത്. മൂര്‍ഖനെ ശരീരത്തിലേക്ക് എറിയും മുന്‍പ് ഗുളിക ചേര്‍ത്ത ജ്യൂസ് ഉത്രയെ കുടിപ്പിച്ചു. ഡോസ് കൂട്ടിയാണ് ജ്യൂസില്‍ മരുന്ന് പൊടിച്ചു ചേര്‍ത്തത്. 5 വയസ്സുള്ള മൂര്‍ഖനെ ഉപയോഗിച്ച് സൂരജ് ലക്ഷ്യം നിറവേറ്റി.അതിനാല്‍ തന്നെയാണ് കൃത്യനിര്‍വഹണം സാധിച്ചത് എന്നത് വ്യക്തമാണ് .

സാധാരണയായി ഒരു വിഷസര്‍പ്പത്തിന്റെ ദംഷ്ട്രം ശരീരത്തില്‍ ഏറ്റാല്‍ തന്നെ എത്ര ശക്തമായ ഉറക്കത്തില്‍ നിന്നും എഴുന്നേല്‍ക്കും .അതിനാല്‍ തന്നെ മനപൂര്‍വ്വം വൈകിപ്പിക്കാനും വിഷം ഉള്ളില്‍ ചെല്ലാനുമായിട്ടും തന്നെ കരുതിക്കൂട്ടി നടത്തിയ കൊലപാതകമാണ് ഇത് എന്നത് വ്യക്തമെന്നാണ് പാമ്പു പിടിത്തക്കാരനായ വാവ സുരേഷ് വ്യക്തമാക്കിയത് .ഉത്രയെ ഇതിനു മുന്‍പ് കൊലപ്പെടുത്താന്‍ ശ്രമിക്കിച്ചെങ്കിലും അത് നടക്കാത്തതിനാല്‍ ഉഗ്രന്‍ വിഷമുള്ള അഞ്ചു വയസ്സിനുമേല്‍ പ്രായമായുള്ള കരിമൂര്‍ഖനെ കൊണ്ട് കടിപ്പിച്ചന് സൂരജ് കൃത്യം നടത്തിയത്.