കേരളത്തില്‍ സമൂഹവ്യാപനം ഉണ്ടാകില്ലെന്ന് ഉറപ്പിച്ചു പറയാനാവില്ലെന്ന് മുഖ്യമന്ത്രി. ഇതുവരെ നടത്തിയ പരിശോധനകളില്‍ സമൂഹവ്യാപന സൂചനയില്ല. ജലദോഷപ്പനിയുള്ളവരേയും ഇനി കോവിഡ് ടെസ്റ്റിന് വിധേയരാക്കുമെന്നും അദ്ദേഹം പറഞ്ഞു. ...

രോഗം മറച്ചു വയ്ക്കാനാവില്ലെന്നും ചികിത്സിച്ചില്ലെങ്കിൽ മരണപ്പെടുമെന്നും മുഖ്യമന്ത്രി പറഞ്ഞു. രാജ്യത്തെ കൊവിഡ് മരണ നിരക്ക് 2.89% ആണ്. സംസ്ഥാനത്തെ മരണനിരക്ക് 0.5% ആണ്. രോഗമുക്തിയുടെ എണ്ണത്തിൽ കേരളം മുന്നിലാണെന്ന് മുഖ്യമന്ത്രി പറയുന്നു.

ക്വാറന്റീനിൽ കഴിയുന്നവർ പുറത്തിറങ്ങി നടക്കുന്നതു സമൂഹവ്യാപനത്തിനു കാരണമാകും...വിദേശത്തു നിന്നുള്ളവർ ക്വാറന്റീൻ നിബന്ധനകൾ പാലിക്കുന്നുണ്ടെങ്കിലും ഇതര സംസ്ഥാനങ്ങളിൽ നിന്നുള്ളവർ പുറത്തിറങ്ങുന്നത് പ്രശ്നമാകും

ക്വാറന്റീനിലുള്ളവരെ ആപ് ഉപയോഗിച്ചു മൊബൈൽ ഫോണിലൂടെ നിരീക്ഷിക്കുന്നതു ഫലപ്രദമല്ല. പലരും ഫോൺ വീട്ടിൽ വച്ചിട്ട് പുറത്തു പോകുന്നുണ്ട്...ക്വാറന്റീനിലുള്ളവർ മുറികളിൽ കഴിയണമെന്ന നിബന്ധനയും ലംഘിക്കുന്നുണ്ട്...

സംസ്ഥാനത്ത് ഇന്ന് 84 പേർക്ക് കൂടിയാണ് കൊവിഡ് സ്ഥിരീകരിച്ചിരിക്കുന്നത്. ഇതിൽ അഞ്ച് പേർ ഒഴികെ ബാക്കിയെല്ലാവരും സംസ്ഥാനത്തിന് പുറത്തുനിന്ന് വന്നവരാണ്. കാസർഗോഡ് 18, പാലക്കാട് 16, കണ്ണൂർ 10, മലപ്പുറം 8, തിരുവനന്തപുരം 7, തൃശൂർ 7, കോഴിക്കോട് 6, പത്തനംതിട്ട 6, കോട്ടയം 3, കൊല്ലം, ഇടുക്കി, ആലപ്പുഴ ഒന്ന് എന്നിങ്ങനെയാണ് കൊവിഡ് സ്ഥിരീകരിച്ചത്.