സംസ്ഥാനത്ത് ബസ് ചാർജ് വർധിപ്പിച്ചു. ദൂരപരിധി കുറച്ചാണ് ബസ് ചാർജ് വർധിപ്പിച്ചത്. അഞ്ചു കിലോമീറ്ററിന് 8 രൂപ എന്നത് രണ്ടര കിലോമീറ്ററിന് ആക്കി മാറ്റി . ചാർജ് വർധനയ്ക്ക് മന്ത്രിസഭ അംഗീകാരം നൽകി. വർധന കോവിഡ് കാലത്തേക്കു മാത്രമാണ്. ഓര്‍ഡിനറി ബസില്‍ മിനിമം ചാര്‍ജ് നിലവിലെ 8 രൂപയില്‍ കൂട്ടാതെ, ബസ് ചാര്‍ജ് വര്‍ദ്ധിപ്പിക്കാന്‍ ഗതാഗത വകുപ്പ് നല്‍കിയ ശുപാര്‍ശ മന്ത്രിസഭ അംഗീകരിക്കുകയും ചെയ്തു . വൈകാതെ നിരക്ക് വര്‍ദ്ധന നിലവില്‍ വരുന്നതാണ്.മിനിമം ചാര്‍ജില്‍ സഞ്ചരിക്കാവുന്ന ദൂരം അഞ്ച് കിലോമീറ്ററില്‍ (രണ്ട് ഫെയര്‍ സ്റ്റേജ്)​ നിന്ന് രണ്ടരയായി (ഒരു ഫെയ‌ര്‍ സ്റ്റേജ്)​ കുറയ്ക്കും.കിലോമീറ്റര്‍ നിരക്ക് 70 പൈസയില്‍ നിന്നും 90 പൈസയാക്കി വര്‍ദ്ധിപ്പിക്കുന്നതാണ്. വിദ്യാര്‍ത്ഥികളുടെ കണ്‍സഷന്‍ ടിക്കറ്റ് മിനിമം നിരക്ക് ഒരു രൂപയില്‍ നിന്ന് 2 രൂപയാക്കും., പിന്നീടുളള ടിക്കറ്റില്‍ 30% വര്‍ദ്ധനവ്. കൊറോണക്കാലത്ത് ബസ് ചാര്‍ജ് വര്‍ദ്ധനവിനായി ഇന്നലെ ജസ്റ്റിസ് രാമചന്ദ്രന്‍ കമ്മിഷന്‍ സമര്‍പ്പിച്ച റിപ്പോര്‍ട്ട് പരിഷ്കരിച്ചാണ് ഗതാഗത മന്ത്രി എ.കെ.ശശീന്ദ്രന്റെ അദ്ധ്യക്ഷതയില്‍ കൂടിയ യോഗം വ‌ര്‍ദ്ധനയ്ക്ക് രൂപം നല്‍കിയത്.

ഈ റിപ്പോര്‍‌ട്ടാണ് ഇന്ന് രാവിലെ മന്ത്രിസഭ പരിശോധിച്ച്‌ അനുമതി നല്‍കിയത്. സൂപ്പര്‍ ക്ളാസ് ബസുകളുടെ ടിക്കറ്റ് നിരക്കില്‍ 25% വര്‍ദ്ധനവുണ്ടാകുന്നതാണ്.ജസ്റ്റിസ് രാമചന്ദ്രന്‍ കമ്മിഷന്‍ റിപ്പോര്‍ട്ടില്‍ ചാര്‍ജ് വര്‍ദ്ധനവിന് രണ്ട് മാര്‍ഗങ്ങളാണ് ശുപാര്‍ശ ചെയ്തിരുന്നത്. ആദ്യത്തേതില്‍ മിനിമം നിരക്ക് 12 രൂപ, കിലോമീറ്ററിന് 30% വ‌ര്‍ദ്ധന,​ കിലോമീറ്റര്‍ നിരക്ക് 90 പൈസ, കിലോമീറ്ററിന് 30% വ‌ര്‍ദ്ധന . രണ്ടാമത്തേതില്‍ മിനിമം നിരക്ക് 10 രൂപ., കിലോമീറ്റര്‍ നിരക്ക് 1.10 രൂപ. 50 % വ‌ര്‍ദ്ധ. വിദ്യാര്‍ത്ഥികളുടെ മിനിമം നിരക്ക് 5 രൂപയാക്കണമെന്നും, നിരക്കില്‍ 50% വ‌ര്‍ദ്ധനവ് വേണമെന്നുമായിരുന്നു ശുപാര്‍ശ. എന്നാല്‍ ദുരപരിധി കുറച്ചുള്ള നിരക്ക് വര്‍ധന ഗുണം ചെയ്യില്ലെന്നും വ്യവസായത്തെ തകര്‍ക്കുന്ന നടപടിയാണെന്നും ബസുടമ അസോസിയേഷന്‍ പ്രതികരിക്കുകയുണ്ടായി .

 നേരത്തെ കോവിഡ് ലോക്ക്ഡൗണിന് പിന്നാലെ 50 ശതമാനം നിരക്ക് കൂട്ടി ഉത്തരവിറക്കിയിരുന്നു. കേന്ദ്ര സർക്കാരിന്റെ ലോക്ക്‌ഡൗൺ മാർഗനിർദേശങ്ങൾ കണക്കിലെടുത്ത് സാമൂഹിക അകലം പാലിക്കുന്നതിന്റെ ഭാഗമായി പകുതി സീറ്റിൽ സർവീസിന് അനുമതി നൽകിക്കൊണ്ടായിരുന്നു ഇത്. പിന്നീട് മുഴുവൻ സീറ്റിലും യാത്രാനുമതി നൽകിയതോടെ നിരക്ക് വർധന പിൻവലിച്ചിരുന്നു.ഇപ്പോൾ വീണ്ടും നിരക്ക് വർധിപ്പിച്ചിരിക്കുകയാണ്. ബസില്‍ യാത്ര ചെയ്യുമ്പോള്‍ പാതി സീറ്റുകളില്‍ മാത്രമേ ആളുകള്‍ക്ക് യാത്ര ചെയ്യാനാകൂള്ളുവായിരുന്നു . ശാരീരിക അകലം പാലിക്കുന്നതിനായി പാതി സീറ്റുകള്‍ ഒഴിച്ചിടണം എന്നായിരുന്നു ആദ്യത്തെ തീരുമാനം. . അങ്ങനെ വരുമ്പോള്‍, ബസ് ഓടിക്കുമ്പോഴുണ്ടാകുന്ന ഭീമമായ നഷ്ടം ഒഴിവാക്കാന്‍ കോവിഡ് ഘട്ടത്തില്‍ ചാര്‍ജ് വര്‍ധന വരുത്തേണ്ടി വരുമെന്ന് മുഖ്യമന്ത്രി നേരത്തെ പറഞ്ഞിരുന്നു .ഇത് കോവിഡ് ഘട്ടത്തില്‍ മാത്രമുള്ളതാണെന്നും സ്ഥിരമായ ചാര്‍ജ് വര്‍ധനയല്ലെന്നും മുഖ്യമന്ത്രി അറിയിച്ചിരുന്നു . യാത്രാ ഇളവുകള്‍ക്ക് അര്‍ഹതയുള്ളവര്‍, പരിഷ്‌കരിച്ച ചാര്‍ജിന്റെ പകുതി നല്‍കണമെന്നയായിരുന്നു ആദ്യത്തെ തീരുമാനം .എന്നാൽ അത് പിന്നീട് മാറ്റി നിരക്ക് വർധ പിൻവലിച്ചിരുന്നു. എന്നാൽ വീണ്ടും ബസ് ചാർജ് കൂട്ടിയിരിക്കുകയാണ്.