അരുണ്‍ ബാലചന്ദ്രന്‍ പ്രതിക്കൂട്ടില്‍ ?ഇനിയാണ് യഥാര്‍ത്ഥ കളി .... ഫ്‌ളാറ്റിലെ കണ്ണികള് കൊടും ക്രിമിനലുകള്‍ അരുണിന്റെ കൂട്ടുകാര്‍? എന്‍ ഐ എ പൂട്ടിട്ടു !
ഐ ടി സെക്രട്ടറിയായിരുന്ന ശിവശങ്കര്‍ പറഞ്ഞത് പ്രകാരമാണ് എല്ലാം നടത്തിയത് എന്ന് പറഞ്ഞു തടിയൂരാനോ മാപ്പു സാക്ഷിയായി രക്ഷപ്പെടാനോ അരുണിന് കഴിയില്ല .ശിവശങ്കറിന്റെ നിര്‍ദ്ദേശ പ്രകാരമാണ് നയതന്ത്ര ബാഗേജില്‍ സ്വര്‍ണം കടത്തിയ കേസിലെ പ്രതികള്‍ക്ക് ഒത്തുചേരാന്‍ സെക്രട്ടേറിയറ്റിനു തൊട്ടടുത്ത ഫ്‌ലാറ്റ് അന്വേഷിച്ചത് എന്ന വാദം ഉയര്‍ത്തി രക്ഷപ്പെടാന്‍ കഴിയാത്ത വിധത്തിലാണ് എന്‍ ഐ എ യും കസ്റ്റംസും അരുണിന് നേരെ പിടി മുറുക്കിയിരിക്കുന്നത് . ഹോട്ടല്‍ മുറി ഒപ്പിക്കുന്നതു മുതലുള്ള വിശദീകരണത്തില്‍ ഇപ്പോഴും അരുണിന്റെ പങ്ക് കൂടുതല്‍ വ്യക്തമാക്കേണ്ടിയിരിക്കുന്നു.
അതേസമയം തിരുവനന്തപുരത്ത് ശിവശങ്കര്‍ വാടകയ്‌ക്കെടുത്ത ഫ്‌ലാറ്റിന്റെ എതിര്‍വശത്തുള്ള ഹോട്ടലില്‍ മുറിയെടുത്ത ആളെക്കുറിച്ചുള്ള വിവരങ്ങള്‍ കസ്റ്റംസും എന്‍ഐഎയും കണ്ടെത്തി. 'മുഹമ്മദാലി' എന്നു വിളിക്കപ്പെടുന്ന ഇയാള്‍ ഹോട്ടലില്‍ നല്‍കിയ വിലാസം 'മുഹമ്മദ് ജലാല്‍, ആര്യങ്കാലായില്‍, ആനിക്കാട്, മൂവാറ്റുപുഴ' എന്നാണ്. ഇന്നലെ കൊച്ചിയില്‍ അറസ്റ്റിലായ ജലാല്‍ മുഹമ്മദിന്റെ വിലാസവും ഇതുതന്നെ.
സ്വര്‍ണക്കടത്തു കേസിലെ പ്രതികള്‍ ഒത്തുകൂടിയത് ഈ ഹോട്ടലിലാണെന്ന വിവരത്തെ തുടര്‍ന്നു കസ്റ്റംസ് സംഘം അവിടെനിന്നുള്ള സിസിടിവി ദൃശ്യങ്ങള്‍ പരിശോധിച്ചിരുന്നു. സര്‍ക്കാരിന്റെ ഐടി പാര്‍ക്ക്‌സ് മാര്‍ക്കറ്റിങ് ആന്‍ഡ് ഓപ്പറേഷന്‍സ് ഡയറക്ടര്‍ സ്ഥാനത്തുനിന്ന് അരുണിനെ നീക്കിയെങ്കിലും അന്വേഷണത്തില്‍ പല പുതിയ വഴിത്തിരിവുകള്‍ക്കാണ് സാധ്യത ഏറുന്നത് .സ്വര്‍ണ്ണക്കടത്തു കേസില്‍ കേവലം ശിവശങ്കറുമായുള്ള ബന്ധം മാത്രമല്ല അരുണിനുള്ളതെന്നും ഈ കേസുമായി ഇയാള്‍ക്ക് നേരിട്ട് ബന്ധമുണ്ട് എന്ന് സംശയിക്കത്തക്ക വിധം ഒട്ടനവധി സംഭവങ്ങള്‍ ഉടലെടുത്തിരിക്കുന്നു എന്നതാണ് വാസ്തവം .തെളിവുശേഖരണം പൂര്‍ത്തിയാക്കിയാല്‍ മാത്രമേ കൂടുതല്‍ കാര്യങ്ങള്‍ വെളിപ്പെടുത്തുകയുള്ളൂ എന്നതിനാല്‍ തന്നെ അരുണിന്റെ മൊബൈല്‍ കാള്‍ ലിസ്റ്റടക്കം കഴിഞ്ഞ ഒരു കൊല്ലത്തോളമുള്ള കാര്യങ്ങളെ പറ്റിയുള്ള അന്വേഷണവും നടക്കാന്‍ സാധ്യതയുണ്ട് .
സാമ്പത്തിക ഇടപാടുകളില്‍ സംശയനിഴലിലായതിനാല്‍ മുഖ്യമന്ത്രിയുടെ ഐടി ഫെലോ പദവിയില്‍നിന്ന് അരുണിനെ കഴിഞ്ഞ വര്‍ഷം മാറ്റിയിരുന്നെങ്കിലും ഐടി പാര്‍ക്ക്‌സ് ഡയറക്ടര്‍ പദവിയില്‍ തുടരുകയായിരുന്നു. ഫോണ്‍വിളി വിശദാംശങ്ങള്‍ പുറത്തായതോടെ ഇന്നലെ രാത്രിയോടെ ഈ പദവിയില്‍നിന്നും അരുണിനെ മാറ്റി.ഇതിനിടെ, കസ്റ്റംസിന്റെ 9 മണിക്കൂര്‍ ചോദ്യം ചെയ്യലില്‍ ശിവശങ്കര്‍ നല്‍കിയ മൊഴികളില്‍ വൈരുധ്യം ഉള്ളതായും വ്യക്തമായി .
ഇതില്‍ വ്യക്തത വരുത്താന്‍ കസ്റ്റംസ് വീണ്ടും ചോദ്യം ചെയ്‌തേക്കും. സ്വപ്ന സുരേഷും സന്ദീപ് നായരും ഉള്‍പ്പെട്ട സംഘത്തിനു ഫ്‌ലാറ്റ് വാടകയ്ക്ക് എടുത്തുകൊടുത്തത് ഉള്‍പ്പെടെയുള്ള മൊഴികളിലാണ് പ്രകടമായ വൈരുധ്യം. ശിവശങ്കറിന്റെ മൊബൈല്‍ ഫോണ്‍ കസ്റ്റംസ് കസ്റ്റഡിയിലെടുത്തു. കസ്റ്റംസ് ഡപ്യൂട്ടി കമ്മിഷണറുടെ നേതൃത്വത്തിലാണ് ചൊവ്വാഴ്ച വൈകിട്ട് അഞ്ചര മുതല്‍ ഇന്നലെ പുലര്‍ച്ചെ രണ്ടര വരെ ചോദ്യം ചെയ്തത്.ശിവശങ്കറിന്റെ ഫ്‌ലാറ്റില്‍ ഇന്നലെ ഉച്ചയ്ക്കു ശേഷം കസ്റ്റംസ് വീണ്ടും പരിശോധന നടത്തി.
ഐടി സെക്രട്ടറി എന്ന നിലയില്‍ ശിവശങ്കര്‍ ചെയര്‍മാനായ കേരള സ്റ്റേറ്റ് ഐ ടി ഇന്‍ഫ്രാസ്ട്രക്ചര്‍ ലിമിറ്റഡിന്റെ ഓഫിസില്‍ എന്‍ഐഎ മിന്നല്‍ പരിശോധന നടത്തി രേഖകള്‍ പിടിച്ചെടുത്തു. അതിനാല്‍ തന്നെ കേസിന്റെ അന്വേഷണം ഇനിയും ഏറിയ ദൂരം മുന്നോട്ട് പോകാനുണ്ട് എന്നത് വ്യക്തമാണ്
" f
https://www.facebook.com/Malayalivartha
