കേരളത്തിലേക്ക് റമീസ് നടത്തിയ ഇടപെടല്‍? ഇന്ത്യ യു എ ഇ നയതന്ത്രബന്ധം എന്‍ ഐ എ അന്വേഷണത്തെ കൂടുതല്‍ ദൃഢമാക്കുന്ന സാഹചര്യത്തിലേക്ക് നീങ്ങുന്നു... റമീസിന്റെ പങ്കു വ്യക്തമാക്കുന്ന നിരവധി ഇടപാടുകള്‍ ആയുധക്കടത്തുമായി ബന്ധപ്പെട്ട് കൂടി ഉടലെടുത്തിരിക്കുന്ന സാഹചര്യത്തില്‍ എന്‍ ഐ എയുടെ ജോലിഭാരം ഇരട്ടിയാകും
ഇന്ത്യ യു എ ഇ നയതന്ത്രബന്ധം എന്‍ ഐ എ അന്വേഷണത്തെ കൂടുതല്‍ ദൃഢമാക്കുന്ന സാഹചര്യത്തിലേക്ക് നീങ്ങുകയാണ് .നിരവധി തെളിവുകളുടെ അടിസ്ഥാനത്തില്‍ തന്നെ നിസംശയം അത് പറയാനാകും .എന്‍ ഐ എ യുടെ പ്രധാന ജോലി തന്നെ കള്ളക്കടത്തു കേസുമായി ബന്ധപ്പെട്ട ഭീകരബന്ധത്തിന്റെ കേന്ദ്രങ്ങള്‍ ആസ്പദമാക്കി അന്വേഷണം വ്യാപിപ്പിക്കുക എന്നത് തന്നെയാണ് .
കേരളത്തില്‍ ജിഹാദി ഭീകരവാദം വലിയ തോതില്‍ വര്‍ധിക്കുന്നതിന്റെ സൂചനകള്‍ മുന്‍പ് തന്നെ ലഭ്യമായിരുന്നു .എന്നാല്‍ അതിന്റെ ഉറവിടം വ്യക്തമാവുന്ന സാഹചര്യം കൂടിയാണ് ഇപ്പോള്‍ ഉള്ളത്.കേരളത്തിന് പുറത്ത് നടക്കുന്ന കള്ളക്കടത്തു ബന്ധത്തെ പറ്റിയുള്ള അന്വേഷണം നടക്കുന്നതിനിടയിലാണ് ദുബായി കേന്ദ്രീകൃതമായി പ്രവൃത്തിക്കുന്ന സ്വര്‍ണക്കള്ളക്കടത്തിന്റെ പ്രധാന കേന്ദ്രത്തെ പറ്റിയുള്ള അന്വേഷണം വന്നിരിക്കുന്നത് .ദുബായില്‍ നിന്നും കേരളത്തിലേക്ക് ആയുധങ്ങള്‍ ഉള്‍പ്പടെ കടത്തിയിട്ടുണ്ട് എന്ന വാര്‍ത്ത കൂടി പുറത്തു വന്നിരിക്കുകയാണ്
ആഫ്രിക്കന്‍ രാജ്യങ്ങളില്‍ ഉല്‍പാദിപ്പിക്കുന്ന സ്വര്‍ണം ആഭരണങ്ങളായി ദുബായ് ഗോള്‍ഡ് മാര്‍ക്കറ്റ് വഴിയാണ് ഇന്ത്യ അടക്കമുള്ള ഏഷ്യന്‍ രാജ്യങ്ങളില്‍ സാധാരണയായി എത്തുന്നത്.
കേരളത്തിലെ സ്വര്‍ണക്കടത്തു റാക്കറ്റും ഇതിനു സമാനമായി ദുബായ് കേന്ദ്രീകരിച്ചാണു പ്രവര്‍ത്തിക്കുന്നത്. ക്രിമിനല്‍ കേസുകളില്‍ പ്രതികളായി കേരളം വിടുന്ന പിടികിട്ടാപ്പുള്ളികള്‍ക്കു വിദേശത്തു സുരക്ഷ ഒരുക്കി സ്വര്‍ണക്കടത്തിന് ഉപയോഗിക്കുന്നതായുള്ള രഹസ്യവിവരം അന്വേഷണ സംഘത്തിനു ലഭിച്ചിട്ടുണ്ട്. ആയുധക്കടത്തു കേസിലും പ്രതിയായ റമീസിന്റെ ടാന്‍സനിയ സന്ദര്‍ശനം എന്‍ഐഎ ഗൗരവത്തോടെയാണ് അന്വേഷിക്കുന്നത്.മാത്രമല്ല ദക്ഷിണാഫ്രിക്കയിലെ ചില ഉന്നത ബന്ധത്തെക്കുറിച്ച് കൂടി അന്വേഷണം നടത്തേണ്ടതിന്റെ അനിവാര്യതയാണ് എന്‍ ഐ എ സംഘം പരിശോധിക്കുന്നത് .
ദുബായില്‍ രാജ്യവിരുദ്ധര്‍ക്ക് വ്യക്തമായ ഒളിത്താവളങ്ങള്‍ ഉണ്ട് എന്ന് തന്നെയാണ് അന്വേഷണസംഘത്തിന് വ്യക്തമായിരിക്കുന്നത് .ഏതു വിധത്തിലും ഇന്റര്‍പോളിന്റെയും റായുടെയും സഹായവും സഹകരണവും ആവശ്യമായി വരും എന്ന് തന്നെയാണ് വ്യക്തമാകുന്നത് .ഇന്റര്‍പോള്‍ അന്വേഷിക്കുന്നത് ആഗോളഭീകരവാദത്തെ കുറിച്ച് കൂടി ആയതിനാല്‍ റമീസ് ഉള്‍പ്പെട്ട ഈ കേസില്‍ മറ്റു പ്രതികള്‍ക്കുള്ള അന്താരാഷ്ട്ര ബന്ധത്തെക്കുറിച്ച് വ്യക്തമായി അന്വേഷിച്ചാല്‍ മാത്രമേ രാജ്യവിരുദ്ധ പ്രവര്‍ത്തനങ്ങളുടെ വ്യക്തമായ കാര്യ വിവരങ്ങള്‍ ലഭ്യമാവുകയുള്ളൂ .ടാന്‌സാനിയയില്‍ റമീസ് നടത്തിയ ഇടപാടുകളെ കുറിച്ചും ദുബായി കേന്ദ്രീകരിച്ച് നടത്തുന്ന സ്വര്‍ണ്ണവേട്ടയെ കുറിച്ചും
വിശദമായി തന്നെ അന്വേഷിക്കേണ്ടതായുണ്ട് .റമീസിന്റെ പങ്കു വ്യക്തമാക്കുന്ന നിരവധി ഇടപാടുകള്‍ ആയുധക്കടത്തുമായി ബന്ധപ്പെട്ട് കൂടി ഉടലെടുത്തിരിക്കുന്ന സാഹചര്യത്തില്‍ എന്‍ ഐ എയുടെ ജോലിഭാരം ഇരട്ടിയാകും എന്ന് തന്നെ മനസ്സിലാക്കാന്‍ സാധിക്കും.
https://www.facebook.com/Malayalivartha
