മന്ത്രി കെ.ടി ജലീലിനെ എൻഐഎ വിളിപ്പിച്ചത്​ സാക്ഷിയെന്ന നിലയിലാണെന്നും അദ്ദേഹത്തിന്​ നല്‍കിയ നോട്ടീസില്‍ അത്​ വ്യക്തമാണെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണന്‍ പറഞ്ഞു. സ്വര്‍ണക്കടത്തു കേസുമായി ബന്ധപ്പെട്ട വിവരങ്ങള്‍ ചോദിച്ചറിയാനാണ്​ ജലീലിനെ വിളിപ്പിച്ചത്​. ഇതി​െന്‍റ പേരില്‍ എന്തു സമരം നടന്നാലും ജലീല്‍ രാജിവെക്കാന്‍ പോകുന്നില്ല എന്നും എ.കെ.ജി സെന്‍ററില്‍ നടന്ന സി.പി.എം സംസ്ഥാന സെക്രട്ടറിയേറ്റ്​ യോഗത്തിന്​ ശേഷം മാധ്യമങ്ങളോട് അദ്ദേഹം പറഞ്ഞു.

മുഖ്യമന്ത്രിയായിരുന്ന ഉമ്മന്‍ചാണ്ടി പതിനാല് മണിക്കൂര്‍ ജുഡീഷ്യല്‍ കമീഷന് മുന്നിലിരുന്നു. അന്ന്​ അദ്ദേഹം രാജിവെച്ചിരുന്നെങ്കില്‍ ധാര്‍മ്മികത മുന്‍നിര്‍ത്തിയുള്ള ചോദ്യങ്ങള്‍ക്ക്​ അര്‍ത്ഥമുണ്ടാകുമായിരുന്നു. സര്‍ക്കാരിനെ ഇകഴ്ത്താന്‍ പ്രതിപക്ഷം ഖുര്‍ആനെ രാഷ്ട്രീയ ആയുധമാക്കുന്നെന്ന ആരോപണവും കോടിയേരി ഉയര്‍ത്തി. ഖുര്‍ആന്‍ ജലീല്‍ ചോദിച്ചു വാങ്ങിയതല്ല. ഖുര്‍ആന്‍ ഇന്ത്യയില്‍ നിരോധിച്ച പുസ്​തകമാണോ? ഖുര്‍ആന്‍ നല്‍കുന്നത്​ നിയമവിരുദ്ധമാണോ? ആര്‍.എസ്​.എസി​െന്‍റ പ്രചരണത്തില്‍ കോണ്‍ഗ്രസും ഒപ്പം ചേര്‍ന്നു. ഖുര്‍ആന്‍ വിതരണം ചെയ്​തുവെന്ന ബി.ജെ.പിയുടെ ആരോപണം മുസ്​ലിം ലീഗ്​ ഏറ്റുപിടിക്കുന്നത്​ എന്തിനാണെന്നും കോടിയേരി ചോദിച്ചു.

കോണ്‍ഗ്രസും മുസ്​ലിം ലീഗും ബി.ജെ.പിയുമായി സന്ധിചെയ്യുന്നു. പി.കെ കുഞ്ഞാലിക്കുട്ടി പോലും ബി.ജെ.പിയെ തള്ളിപ്പറയാന്‍ തയാറാകുന്നില്ല. ബി.ജെ.പി എങ്ങനെയാണ്​ മുസ്​ലിം ലീഗി​െന്‍റ ശത്രുവല്ലാതായത്​. മുസ്​ലിംകളും മതന്യൂനപക്ഷങ്ങളും ഈ നിലപാട്​ പരിശോധിക്കണം. കോണ്‍ഗ്രസിനും യു.ഡി.എഫിനും ബി.ജെ.പിയുമായി ഉള്ള ബന്ധം പെട്ടെന്ന് ഉണ്ടാകുന്നതല്ല. സര്‍ക്കാരിനെ അട്ടിമറിക്കാന്‍ ആസൂത്രിത നീക്കം നടക്കുകയാണ്​. സമരങ്ങള്‍ക്ക്​ ജനപിന്തുണ ഇല്ല. ഓരോ ദിവസവും സമരക്കാര്‍ ഒറ്റപ്പെടുന്നു. ഗുണ്ടകളെ റിക്രൂട്ട് ചെയ്താണ് കോണ്‍ഗ്രസും ബി.ജെ.പിയും സമരം നയിക്കുന്നത്. തിരുവനന്തപുരത്ത് ഗുണ്ടാ സംഘങ്ങള്‍ ഒത്ത് ചേര്‍ന്ന പോലെ സംസ്ഥാനത്തെല്ലായിടത്തും നടക്കുന്നു.

മന്ത്രിമാരെ കൊലപ്പെടുത്താനാണ് ശ്രമിക്കുന്നത്. ജലീലിനെ അപായപ്പെടുത്താന്‍ ശ്രമം നടന്നു. എ.കെ ബാല​െന്‍റ വാഹനത്തിന് നേരെ ഏറ് പടക്കം എറിഞ്ഞതും ഇതി​െന്‍റ ഭാഗമായാണ്. ഇത് ആസൂത്രിതമായ അട്ടിമറി സമരമാണ്. ഇത് ജനങ്ങളെ അണിനിരത്തി തന്നെ ചെറുക്കാനാണ് ഇടത് മുന്നണിയുടെ ശ്രമം. ജനപിന്തുണയുള്ളതിനാല്‍ സര്‍ക്കാറിന്​ ഭയമില്ലെന്നും കോടിയേരി ബാലകൃഷ്ണൻ വ്യക്തമാക്കി.