നവോത്ഥാന നായകനായ ശ്രീനാരായണ ഗുരുവിന്റെ പ്രതിമ കനകക്കുന്നിന് സമീപം മുഖ്യമന്ത്രി പിണറായിവിജയന്‍ അനാച്ഛാദനം ചെയ്തു . നമുക്ക് ജാതിയില്ലാ വിളംബര ശതാബ്ദി സ്മാരകമായി സംസ്ഥാന സര്‍ക്കാരാണ് പ്രതിമ സ്ഥാപിച്ചത്. കേരളത്തിന്റെ സാമൂഹ്യ ചരിത്രശത്ത പുരോഗമനപരമായി വഴിതിരിച്ചുവിട്ട ആചാര്യനാണ് ശ്രീനാരായണ ഗുരു.

നമ്മുടെ ജനജീവിതം മനുഷ്യ സമൂഹത്തിന് നിരക്കുന്നതാക്കി മാറ്റുന്നതില്‍ പങ്കുവഹിച്ച മഹനീയ വ്യക്തിത്വമാണ് ഗുരു. നവോഥാന നായകനായ ചട്ടമ്പിസ്വാമികള്‍ക്ക് തലസ്ഥാന നഗരിയില്‍ ഉചിതമായ സ്മാരകം സര്‍ക്കാര്‍ സ്ഥാപിക്കുമെന്നും മുഖ്യമന്ത്രി ചടങ്ങില്‍ പറഞ്ഞു.മന്ത്രിമാരായ എ കെ ബാലന്‍, കടകംപള്ളി സുരേന്ദ്രന്‍ , കോര്‍പറേഷന്‍ മേയര്‍ ശ്രീകുമാര്‍ തുടങ്ങിയവര്‍ പങ്കെടുത്തു.