കടലുണ്ടിപ്പുഴയില് ഒഴുക്കില്പെട്ട് കാണാതായ പിതാവിന്റെയും മകന്റെയും മൃതദേഹം കണ്ടെത്തി
കടലുണ്ടിപ്പുഴയില് കക്കാട് ബാക്കിക്കയം റെഗുലേറ്റര് കം ബ്രിഡ്ജിന് സമീപം ഒഴുക്കില്പെട്ട് കാണാതായ പിതാവിന്റെയും മകന്റെയും മൃതദേഹം കണ്ടെത്തി. ബ്രിഡ്ജിന് സമീപം താമസിക്കുന്ന കാവുങ്ങല് അലവിയുടെ മകന് ഇസ്മാഈല് (36), മകന് മുഹമ്മദ് ശംവീല് (ഏഴ്) എന്നിവരുടെ മൃതദേഹമാണ് കണ്ടെത്തിയത്.
ശംവീലിന്റെ മൃതദേഹം കക്കാട് മഞ്ഞാങ്കുഴി ഭാഗത്തുനിന്ന് ഉച്ചയോടെയും ഇസ്മാഈലിന്റെ മൃതദേഹം വൈകീട്ടുമാണ് കണ്ടെത്തിയത്. വെള്ളിയാഴ്ച രാവിലെ 11.30നാണ് സംഭവം. രണ്ട് മക്കളെയും കൂട്ടി പുഴ കാണാന് പോയതായിരുന്നു. ആദ്യം മുഹമ്മദ് ശംവീല് കടവിലേക്ക് ഇറങ്ങുന്നതിനിടെ കാല് തെറ്റി വീണു. കുട്ടിയെ തിരയുന്നതിനിടെ പിതാവും അപകടത്തില്പെട്ടു. മൂത്തമകന് ശാനിബിനെ (ഒമ്ബത്) രക്ഷപ്പെടുത്തിയിരുന്നു. കൂടെയുണ്ടായിരുന്ന ബന്ധുവായ പെണ്കുട്ടി വിവരമറിയിച്ചതോടെയാണ് സംഭവം നാട്ടുകാരറിയുന്നത്.
തുടര്ന്ന് സ്ഥലത്തെത്തിയ ഫയര് ആന്ഡ് റെസ്ക്യൂ സര്വിസ്, ഇ.ആര്.എഫ്, ട്രോമാകെയര് വളന്റിയര്മാര്, ഐ.ആര്.ഡബ്ല്യു സംഘം, വെല്ഫെയര് സംഘം, എസ്.ഡി.പി.ഐ പ്രവര്ത്തകര് തുടങ്ങിയവരും നാട്ടുകാരും ചേര്ന്ന് തിരച്ചില് നടത്തിവരുകയായിരുന്നു.
"
https://www.facebook.com/Malayalivartha