ലൈഫ് മിഷനുമായി ബന്ധപ്പെട്ട് കേസെടുക്കാന് സി.ബി.ഐക്ക് അധികാരമില്ലെന്ന് മുഖ്യമന്ത്രി
വടക്കാഞ്ചേരി ലൈഫ് മിഷന് പദ്ധതിയില് വിദേശ സഹായം സ്വീകരിച്ചതില് കേസെടുക്കാന് സി.ബി.ഐക്ക് അധികാരമില്ലെന്നും നിയമോപദേശം ലഭിച്ചതിനാലാണ് സര്ക്കാര് ഹൈകോടതിയെ സമീപിച്ചതെന്നും മുഖ്യമന്ത്രി പിണറായി വിജയന്. തീരുമാനം വരുന്നതുവരെ ക്ഷമിക്കാമെന്നും അദ്ദേഹം വാര്ത്തസമ്മേളനത്തില് പറഞ്ഞു. പദ്ധതി കരാര് പ്രകാരം റെഡ്ക്രസന്റ് കൈമാറുന്ന തുക വിദേശ സംഭാവന നിയന്ത്രണ നിയമത്തിന്റെ പരിധിയില് പെടുന്നില്ലെന്നാണ് നിയമവൃത്തങ്ങളുടെ അഭിപ്രായം. ആ നിലക്ക് സി.ബി.ഐ ഫയല് ചെയ്ത എഫ്.ഐ.ആര് നിയമപരമായി നിലനില്ക്കില്ലെന്ന് കാണിച്ചാണ് സര്ക്കാര് ഹൈകോടതിയില് ക്രിമിനല് റിവിഷന് ഹരജി സമര്പ്പിച്ചത്.
എതിര്കക്ഷികള്ക്ക് നോട്ടീസ് അയക്കാന് ഉത്തരവിട്ട കോടതി അടുത്ത ഹിയറിങ്ങില് വീണ്ടും വാദം കേള്ക്കും. തിടുക്കപെട്ട് തിരിച്ചടിയെന്ന് വ്യാഖ്യാനിക്കാന് മാത്രം എന്ത് സംഭവിച്ചെന്ന് വ്യക്തമല്ല. ലൈഫ് മിഷനെ അടിസ്ഥാനരഹിത വ്യവഹാരത്തിന്റെ നൂലാമാലയില് പെടുത്തുമേ്ബാള് വ്യക്തമായ ബോധ്യത്തോടെയാണ് കോടതിയെ സമീപിച്ചത്. ഫെഡറല് സംവിധാനത്തില് സി.ബി.ഐ ഇടപെടുമേ്ബാള് സംസ്ഥാന സര്ക്കാര് എന്ത് ചെയ്യണമെന്ന വലിയ ചോദ്യമാണുയരുന്നത്. രാജസ്ഥാന് കോണ്ഗ്രസ് സര്ക്കാറിനെപ്പോലെ സി.ബി.ഐക്ക് സംസ്ഥാനത്ത് അന്വേഷണം നടത്താനുള്ള പൊതുഅനുമതി വിലക്കിയ മാതൃകയല്ല സ്വീകരിക്കുന്നത്. അഴിമതിയുണ്ടെങ്കില് അന്വേഷിക്കണമെന്ന വ്യക്തമായ ബോധ്യമുള്ളതിനാലാണ് വിജിലന്സ് അന്വേഷണം ആരംഭിച്ചത്.
https://www.facebook.com/Malayalivartha
