സ്വപ്ന സുരേഷിനെ ചോദ്യം ചെയ്യാന്‍ എന്‍ഫോഴ്സ്മെന്റിന് അനുമതി. . ശിവശങ്കറിന്റെ മൊഴിയുടെ അടിസ്ഥാനത്തിലാണ് കളളപ്പണ കേസില്‍ സ്വപ്നയെ ചോദ്യം ചെയ്യുന്നത്. ചോദ്യം ചെയ്യലിനായി എന്‍ഫോഴ്സ്മെന്റ് ജയിലിലെത്തും.

സ്വപ്ന ഐഫോണ്‍ തന്നത് പിറന്നാള്‍ സമ്മാനമായാണെന്നാണ് ശിവശങ്കര്‍ എന്‍ഫോഴ്സ്മെന്റിന് മൊഴി നല്‍കിയിരിക്കുന്നത്. കഴിഞ്ഞ മൂന്ന് വര്‍ഷവും സ്വപ്ന പിറന്നാള്‍ സമ്മാനം തന്നിരുന്നുവെന്നും ശിവശങ്കര്‍ എന്‍ഫോഴ്സിമെന്റിനോട് വെളിപ്പെടുത്തി.

ആദ്യം തന്നത് രണ്ട് വിലകൂടിയ വാച്ചുകളും രണ്ടാം വര്‍ഷം ലാപ്‌ടോപ്പുമായിരുന്നു. 2020ല്‍ ജനുവരിയില്‍ തന്നതാണ് ഐഫോണ്‍. സ്വപ്നയ്ക്കും കുടുംബത്തിനും താനും പിറന്നാള്‍ സമ്മാനങ്ങള്‍ കൊടുക്കുമായിരുന്നുവെന്നും അദ്ദേഹം മൊഴി നല്‍കി. ഇതിന്റെ അടിസ്ഥാനത്തിലാണ് സ്വപ്നയെ ജയിലില്‍ വീണ്ടും ചോദ്യം ചെയ്യാന്‍ ഇ ഡി കോടതിയുടെ അനുമതി തേടിയത്. പുതുതായി ചുമതലയേറ്റ ഇ ഡി ജോയിന്റ് ഡയറക്ടര്‍ മനീഷ് ഗോദരയാകും ഇനി ശിവശങ്കറിനേയും സ്വപ്നയേയും ചോദ്യം ചെയ്യുക.