രണ്ടു ദിവസം മുൻപ് ഏലത്തോട്ടത്തില് പണിക്കെത്തിയ ബാലകൃഷ്ണനുമായി കട്ട സൗഹൃദം... ദീപാവലിയാഘോഷത്തിന് വീട്ടിലേക്കു ക്ഷണവും... ഇരുവരും ബൈക്കില് പുറത്തേക്കു പോകുന്നതു നാട്ടുകാര് പിന്നെയറിഞ്ഞത് ആ നടുക്കുന്ന വാർത്ത... രാവിലെ സജീവനെ കണ്ടെത്തിയത് വീട്ടില് മരിച്ചനിലയില്; ഹൃദയാഘാതമാണെന്ന് ബാലകൃഷ്ണൻ! കഴുത്തില് മുറിപ്പാടുകൾ... പോലീസ് അന്വേഷണം ആരംഭിച്ചു, നിരീക്ഷണത്തിൽ ബാലകൃഷ്ണനും ശാന്തിയും
കുമളി അമരാവതി പറങ്കിമാമൂട്ടില് സജീവനെ (55) രണ്ടു ദിവസം മുന്പ് പരിചയപ്പെട്ടയാളുടെ വീട്ടില് ദുരൂഹസാഹചര്യത്തില് മരിച്ചനിലയില് കണ്ടെത്തി. മരണം നടന്ന വീട്ടിലെ ദമ്ബതികള്, കൊലപാതകമെന്ന സംശയത്താല് പൊലീസ് നിരീക്ഷണത്തില്.
പോസ്റ്റ്മോര്ട്ടത്തിനു ശേഷമേ മരണകാരണം വ്യക്തമാകുകയുള്ളൂവെന്ന് പൊലീസ് പറഞ്ഞു. ഒട്ടകത്തലമേട്ടില് തമിഴ്നാട് സ്വദേശിയായ ബാലകൃഷ്ണന്റെ താമസസ്ഥലത്താണ് സജീവനെ മരിച്ചനിലയില് കണ്ടെത്തിയത്. സജീവന്റെ കഴുത്തില് മുറിപ്പാടുണ്ട്.
ചക്കുപള്ളത്ത് ഏലത്തോട്ടത്തില് പണിക്കെത്തിയ ബാലകൃഷ്ണനെ 2 ദിവസം മുന്പാണ് സജീവന് പരിചയപ്പെട്ടത്. ദീപാവലിയാഘോഷത്തിന് സജീവനെ ബാലകൃഷ്ണന് വീട്ടിലേക്കു ക്ഷണിച്ചു. വെള്ളിയാഴ്ച വൈകിട്ട് ഇരുവരും ബൈക്കില് പുറത്തേക്കു പോകുന്നതു നാട്ടുകാര് കണ്ടിരുന്നു
ഇന്നലെ പുലര്ച്ചെ ബാലകൃഷ്ണന് അയല്വാസികളെ വിളിച്ചുണര്ത്തി സജീവന് ഉണരുന്നില്ലെന്നും ഹൃദയാഘാതമാണോയെന്നു സംശയമുണ്ടെന്നും അറിയിച്ചു. സംശയം തോന്നിയ നാട്ടുകാര് വിവരം പൊലീസില് അറിയിച്ചു.
പൊലീസെത്തി നടത്തിയ പ്രാഥമിക പരിശോധനയിലാണ് കഴുത്തില് സംശയാസ്പദമായ വിധത്തില് മുറിപ്പാട് കണ്ടെത്തിയത്. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.
മൃതദേഹം പോസ്റ്റ്മോര്ട്ടത്തിനായി കോട്ടയം മെഡിക്കല് കോളജിലേക്കു മാറ്റി. കുമളി സിഐ ജോബിന് ആന്റണി, എസ്ഐ പ്രശാന്ത് പി. നായര് എന്നിവരുടെ നേതൃത്വത്തിലാണ് അന്വേഷണം നടക്കുന്നത്.
ബാലകൃഷ്ണനും ശാന്തിയും പൊലീസ് നിരീക്ഷണത്തിലാണ്. സജീവന് വിവാഹിതനാണെങ്കിലും ഭാര്യയും 2 മക്കളും ഏറെക്കാലമായി അകന്നു കഴിയുകയാണ്.
https://www.facebook.com/Malayalivartha
