ഭക്തര്‍ സമര്‍പ്പിക്കുന്ന പൂജാദ്രവ്യങ്ങള്‍ ശ്രീകോവിലിലേക്ക് എടുക്കില്ല... പുഷ്പാഭിഷേകം, മാളികപ്പുറം ക്ഷേത്രത്തിലെ ഉടയാട ചാര്‍ത്തല്‍, കുങ്കുമാഭിഷേകം എന്നിവയാണ്.ശബരിമലയിലെ പല പൂജകള്‍ക്കും ഇക്കുറി കര്‍ശന നിയന്ത്രണം ഏര്‍പ്പെടുത്തി. തിരക്കില്ലാത്തതിനാല്‍ എല്ലാ ദിവസവും ഉദയാസ്തമന പൂജയും പടിപൂജയും നടക്കും.
2037 വരെ പടിപൂജയുടെ ബുക്കിംഗ് ഉണ്ട്. കൊവിഡ് കാരണം എട്ട് മാസമായി പ്രതിമാസ പൂജാ വേളകളിലും ഉത്സവവും വിഷുവും പ്രമാണിച്ചും നടത്തേണ്ടിയിരുന്ന അറുപതോളം പടിപൂജകളും ഉദയാസ്തമന പൂജകളും നടത്താന്‍ കഴിഞ്ഞില്ല. തുലാമാസ പൂജയ്ക്ക് പടിപൂജ പുനരാരംഭിച്ചെങ്കിലും ബുക്ക് ചെയ്ത അഞ്ച് പേരില്‍ ഒരാള്‍ മാത്രമാണ് എത്തിയത്.
തുടര്‍ന്ന് മറ്റ് ചില ഭക്തര്‍ക്ക് പടിപൂജ നടത്താന്‍ അവസരം ലഭിച്ചു. ബുക്കിംഗ് പ്രകാരമുള്ള പട്ടിക ദേവസ്വം ബോര്‍ഡ് ബന്ധപ്പെട്ടവര്‍ക്ക് നല്‍കിത്തുടങ്ങി. 75,000 രൂപയാണ് പടിപൂജാനിരക്ക്. ദേവസ്വം ബോര്‍ഡ് ലഭ്യമാക്കുന്ന ദ്രവ്യങ്ങള്‍ ഉപയോഗിച്ച് ഒരു ദിവസം പത്ത് പേര്‍ക്ക് അഷ്ടാഭിഷേകം നടത്താം. 10,000 രൂപ അടയ്ക്കണം.ഉഷഃപൂജ, ഉച്ചപൂജ, നിത്യപൂജ എന്നിവ നടത്താനും അനുമതിയുണ്ട്. പക്ഷേ, സോപാനത്തില്‍ ദര്‍ശനം അനുവദിക്കില്ല.