ബുറേവി ചുഴലിക്കാറ്റിന്റെ ആശങ്കയില്‍ പിഎസ്സി ഗ്രാമവികനസന വകുപ്പില്‍ ലക്ചര്‍ ഗ്രേഡ് 1 റുറല്‍ എഞ്ചിനിയറിങ് (കാറ്റഗറി നമ്ബര്‍ 68/15) തസ്തികയിലേക്ക് വെള്ളിയാഴ്ച നടത്താനിരുന്ന ഒഎംആര്‍ പരീക്ഷ മാറ്റി. പുതുക്കിയ തിയതിയും സമയവും പിന്നീട് അറിയിക്കും. വെള്ളിയാഴ്ച നടത്താനിരുന്ന അഭിമുഖങ്ങളും മാറ്റി. കേരള സര്‍വകലാശാലയും മഹാത്മാഗാന്ധി സര്‍വകാലാശാലയും വെള്ളിയാഴ്ച നടത്താനിരുന്ന എല്ലാ പരീക്ഷകളും മാറ്റിവെച്ചതായി പരീക്ഷാ കണ്‍ട്രോളര്‍മാര്‍ അറിയിച്ചു. പുതുക്കിയ തിയതി പീന്നീട് അറിയിക്കും.

വ്യാഴാഴ്ച ക്യാബിനറ്റ് സെക്രട്ടറിയുടെ നേതൃത്വത്തില്‍ നടന്ന അവലോകനയോഗത്തില്‍ സംസ്ഥാനത്തെ തയ്യാറെടുപ്പുകള്‍ കേന്ദ്ര സര്‍ക്കാരിനെ അറിയിച്ചു. സംസ്ഥാന ദുരന്ത നിവാരണ അതോറിറ്റി എക്‌സിക്യൂട്ടീവ് ചേര്‍ന്ന് വകുപ്പുകളുടെ പ്രവര്‍ത്തനം വിലയിരുത്തി. കര, വ്യോമ, തീരസംരക്ഷണ സേനകള്‍ ഏത് അടിയന്തര സാഹചര്യവും നേരിടാന്‍ സജ്ജമാണ്.