ടിക്ടോക് വഴി പ്രണയം നടിച്ച് വിവാഹബന്ധം വേര്പ്പെടുത്തിയ മുപ്പത്തിരണ്ടുകാരിയെ പീഡിപ്പിച്ചു; കേസിൽ യുവാവ് അറസ്റ്റില്
ടിക്ടോക് വഴി പ്രണയം നടിച്ച് യുവതിയെ പീഡിപ്പിച്ച സംഭവത്തില് യുവാവ് അറസ്റ്റില്. ചെലവൂര് പുതുക്കുടി സ്വദേശി വിജീഷിനെയാണ് കോഴിക്കോട് കസബ പൊലീസ് അറസ്റ്റ് ചെയ്തിരിക്കുന്നത്.
2018-ലാണ് കോഴിക്കോട് സ്വദേശിയായ വിജീഷിനെ തിരുവനന്തപുരം സ്വദേശിയായ യുവതി പരിചയപ്പെടുന്നത്. ടിക്ടോക്ക് വഴി പരിചയപ്പെട്ട ഇരുവരും പിന്നീട് പ്രണയത്തിലാവുകയായിരുന്നു ഉണ്ടായത്. തുടര്ന്ന് വിവാഹ വാഗ്ദാനം നല്കി കോഴിക്കോട്ടെ സ്വകാര്യ ഹോട്ടലില് വിളിച്ചുവരുത്തി ഇയാള് യുവതിയെ പീഡിപ്പിച്ചു. ഇതിന് ശേഷം മറ്റ് പലയിടങ്ങളില് വച്ച് പീഡിപ്പിച്ചെന്നും യുവതി പൊലീസില് പരാതി നല്കിയിരിക്കുന്നു.
വിവാഹബന്ധം വേര്പ്പെടുത്തിയ മുപ്പത്തിരണ്ടുകാരിയെയാണ് വിജീഷ് പ്രണയം നടിച്ച് പീഡിപ്പിച്ചത്. പീഡനത്തിന് ശേഷമാണ് യുവാവ് വിവാഹിതനാണെന്നും താന് പറ്റിക്കപ്പെട്ടെന്നും യുവതി മനസ്സിലാക്കുന്നത്. ഇതോടെയാണ് യുവതി പൂജപ്പുര പൊലീസില് പരാതി നല്കിയത്.
13 ലക്ഷം രൂപ വിജീഷ് തട്ടിയെടുത്തെന്നും പരാതിയില് പറയുന്നു. വിജീഷ് കോഴിക്കോട് സ്വദേശിയായതിനാല് പൊലീസ് കേസ് കസബ പൊലീസിന് കൈമാറുകയായിരുന്നു ഉണ്ടായത്. ഇതിനിടെ യുവാവിന് അപകടത്തില് പരിക്കേറ്റു. കഴിഞ്ഞ ദിവസം ആശുപത്രിയിയലെത്തിയാണ് പൊലീസ് യുവാവിന്റെ അറസ്റ്റ് രേഖപ്പെടുത്തിയത്. പ്രതിയെ കോടതിയില് ഹാജരാക്കി.
https://www.facebook.com/Malayalivartha