വീടിന്റെ വരാന്തയില് കസേരയിലിരുന്ന് ഫോണില് സംസാരിക്കവെ ഇടിമിന്നലേറ്റ് യുവാവ് തെറിച്ചു വീണു, ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല, മകന്റെ മരണവാര്ത്തയറിഞ്ഞ് കുഴഞ്ഞു വീണ അച്ഛന് ആശുപത്രിയില്
വീടിന്റെ വരാന്തയില് കസേരയിലിരുന്ന് ഫോണില് സംസാരിക്കവെ ഇടിമിന്നലേറ്റ് യുവാവ് തെറിച്ചു വീണു, ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കല്ലമ്പലം ഞാറയില്ക്കോണം അമ്പിളിമുക്ക് സഫാന മന്സിലില് സിറാജുദ്ദീന്റെയും റഹിയാനത്തിന്റെയും മകന് സഫീര് (36) ആണ് മരിച്ചത്. ഇന്നലെ വൈകിട്ട് 4.30 ഓടെയായിരുന്നു സംഭവം ഉണ്ടായത്.
ഓടിട്ട വാടക വീടിന്റെ വരാന്തയില് കസേരയിലിരുന്ന് ഫോണില് സംസാരിക്കവെ ശക്തമായ മഴയെ തുടര്ന്നുണ്ടായ ഇടിമിന്നലേല്ക്കുകയായിരുന്നു. തെറിച്ചു വീണ സഫീറിനെ ഉടന് തന്നെ ചാത്തമ്പാറ കെ.ടി.സി.ടി ആശുപത്രിയില് എത്തിച്ചെങ്കിലും മരിച്ചിരുന്നു.
തുടര്ന്ന് മൃതദേഹം തിരുവനന്തപുരം മെഡിക്കല്കോളേജ് ആശുപത്രി മോര്ച്ചറിയിലേക്ക് മാറ്റി. സംഭവ സമയം ഭാര്യയും മക്കളും അടുത്ത മുറിയില് ഉണ്ടായിരുന്നെങ്കിലും രക്ഷപ്പെട്ടു.
ഇടിമിന്നലില് വീടിനും വയറിംഗ് സംവിധാനത്തിനും കേടുപാടുകള് സംഭവിച്ചു. മകന്റെ മരണവാര്ത്തയറിഞ്ഞു കുഴഞ്ഞുവീണ പിതാവിനെ സ്വകാര്യ ആശുപത്രിയില് പ്രവേശിപ്പിച്ചു. സലീനയാണ് ഭാര്യ. മക്കള് : സഫാന, സഫ്രീന, സഫാന്.
"
https://www.facebook.com/Malayalivartha
