മു​ട്ടാ​ര്‍ പു​ഴ​യി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ വൈ​ഗ​യു​ടെ മരണത്തിൽ ദുരൂഹതകൾ തുടരുകയാണ് . ​വൈഗയുടെ രക്ത​ത്തി​ല്‍ മ​ദ്യ​ത്തി​ന്‍റെ അം​ശം വ​ന്ന​തി​ന്‍റെ കാ​ര​ണം തേ​ടി പോ​ലീ​സ് രംഗത്ത് വന്നിട്ടുണ്ട് . മ​ക​ള്‍​ക്ക് മ​ദ്യം ന​ല്‍​കി​യി​ട്ടി​ല്ലെ​ന്നാ​ണ് സ​നു മോ​ഹ​ന്‍ പ​റ​യു​ന്ന​ത്. എന്നാൽ ഫ്ലാ​റ്റി​ല്‍ ന​ട​ത്തി​യ പ​രി​ശോ​ധ​ന​യി​ല്‍ മ​ദ്യ​ക്കു​പ്പി​ക​ളൊ​ന്നും ല​ഭി​ച്ചി​രുന്നി​ല്ല.

പ​ര​സ്പ​ര​വി​രു​ദ്ധ​മാ​യി മൊ​ഴി ന​ല്‍​കു​ന്ന​തി​നാ​ല്‍ മ​ദ്യം ന​ല്‍​കി​യി​ട്ടി​ല്ലെ​ന്ന സ​നു​വി​ന്‍റെ മൊ​ഴി പോ​ലീ​സ് കാര്യമാക്കിയിട്ടില്ല. കു​ട്ടി​യെ മ​ദ്യം ന​ല്‍​കി ബോ​ധ​ര​ഹി​ത​യാ​ക്കാ​നു​ള്ള സാ​ധ്യ​ത​യുണ്ടെന്ന് അ​ന്വേ​ഷ​ണ സം​ഘംവിലയിരുത്തുന്നു.

കാ​ക്ക​നാ​ട് കെ​മി​ക്ക​ല്‍ ലാ​ബി​ല്‍ ന​ട​ത്തി​യ രാ​സ​പ​രി​ശോ​ധ​ന​യി​ലാ​യിരുന്നു വൈ​ഗ​യു​ടെ ര​ക്ത​ത്തി​ല്‍ മ​ദ്യ​ത്തി​ന്‍റെ സാ​ന്നി​ധ്യം ക​ണ്ടെ​ത്തി​യ​ത്. ര​ക്ത​ത്തി​ല്‍ 80 ശ​ത​ന​മാ​ന​മാ​യി​രു​ന്നു ആ​ല്‍​ക്ക​ഹോ​ള്‍ അ​നു​പാ​തം. കു​ട്ടി​ക്ക് ഏ​തു രൂ​പ​ത്തി​ല്‍ എ​പ്പോ​ള്‍ ന​ല്‍​കി എ​ന്നീ കാ​ര്യ​ങ്ങ​ള്‍ ഇനിയും ക​ണ്ടെത്തിയിട്ടില്ല.

കു​ട്ടി​യെ കൊ​ല​പ്പെ​ടു​ത്താ​ന്‍ ശ്ര​മി​ക്കു​ന്ന​തി​ന് മുന്നേ ഏ​തെ​ങ്കി​ലും പാ​നീ​യ​ത്തി​ല്‍ മ​ദ്യം ക​ല​ര്‍​ത്തി ന​ല്‍​കി​യോ എ​ന്ന കാ​ര്യ​വും അ​ബോ​ധാ​വ​സ്ഥ​യി​ലാ​യ​ത് മ​ദ്യം ന​ല്‍​കി​യ​തു​കൊ​ണ്ടാ​ണോ​യെ​ന്നും പോ​ലീ​സ് സം​ശ​യി​ക്കു​ന്നുമുണ്ട്.

ചോ​ദ്യം ചെ​യ്യ​ലി​ല്‍ മ​ദ്യം ന​ല്‍​കി​യി​ട്ടി​ല്ലെ​ന്ന നി​ല​പാ​ടി​ല്‍ സ​നു ഉ​റ​ച്ചു നി​ല്‍​ക്കു​ന്ന​തി​നാ​ല്‍ എ​ങ്ങി​നെ കു​ട്ടി​യു​ടെ ര​ക്ത​ത്തി​ല്‍ മ​ദ്യ​ത്തി​ന്‍റെ അം​ശം വ​ന്നു എ​ന്ന​തു സം​ബ​ന്ധി​ച്ച്‌ പോ​ലീ​സ് വി​ശ​ദ​മാ​യ പ​രി​ശോ​ധ​ന ന​ട​ത്തുന്നുണ്ട്. സ​നു​വി​നെ വീ​ണ്ടും ചോ​ദ്യം ചെ​യ്യു​ന്ന​തി​ലൂ​ടെ ഇ​തി​ല്‍ വ്യ​ക്ത​ത വ​രു​മെ​ന്നാ​ണ് അ​ന്വേ​ഷ​ണ സം​ഘ​ത്തി​ന്‍റെ പ്ര​തീ​ക്ഷ.

വൈഗയെ കൊലപ്പെടുത്തിയത് സനുമോഹനാണെന്ന കാര്യം ഉറപ്പിച്ചിരിക്കുകയാണ് കൊച്ചി സിറ്റി പോലീസ് കമ്മീഷണര്‍ എച്ച്. നാഗരാജു ഉൾപ്പെടെയുള്ള അന്വേഷണ ഉദ്യോദസ്ഥർ. ഇക്കാര്യം സനുമോഹന്‍ സമ്മതിച്ചിട്ടുണ്ടെന്നും കേസില്‍ കൂടുതല്‍ അന്വേഷണം നടക്കുകയാണെന്നും അദ്ദേഹം വാര്‍ത്താസമ്മേളനത്തില്‍ കഴിഞ്ഞ ദിവസം പറയുകയുണ്ടായി.

എന്നിരുന്നാലും ഇപ്പോഴും അലട്ടുന്ന ചോദ്യങ്ങൾ ഏറെയാണ്. എന്തു കൊണ്ട് മകളെ മാത്രം കൊലപ്പെടുത്താൻ തീരുമാനിച്ചു.? ഭാര്യയെ എന്തിന് ഒഴിവാക്കി. സനുവിന്റെ മൊഴിയിൽ തന്നെ ഭാര്യ സമ്മതിക്കില്ല എന്ന് തന്നെയായിരുന്നു പറഞ്ഞിരുന്നതും. ഇവിടെയാണ് കൂടുതൽ ദുരൂഹതകൾ നിലനിൽക്കുന്നതും.

മകളുമായി ആത്മഹത്യ ചെയ്യാനായിരുന്നു ആദ്യം പദ്ധതിയിട്ടത്. എന്നാല്‍ മകള്‍ ഇതിന് വിസമ്മതിച്ചതോടെ കൊലപ്പെടുത്തി. പിന്നീട് തനിക്ക് ആത്മഹത്യ ചെയ്യാനുള്ള ധൈര്യമുണ്ടായില്ലെന്നാണ് സനു നൽകിയ മൊഴി. കേസില്‍ മറ്റാര്‍ക്കും പങ്കില്ലെന്ന് ഏകദേശം സ്ഥിരീകരിച്ചതായും സിറ്റി പോലീസ് കമ്മീഷണര്‍ വ്യക്തമാക്കിയിട്ടുണ്ട്.