ഈ കൊറോണകാലത്ത് നിരവധി പ്രശ്നങ്ങൾ പലരും നേരിടുന്നുണ്ട് . B Pharm 2018 -22 വിദ്യാർത്ഥികൾ നേരിടുന്ന വെല്ലുവിളികൾ പരാതി രൂപത്തിൽ അവർ ചൂണ്ടിക്കാട്ടുകയാണ് .

2020 ലെ കോവിഡ് ഒന്നാം തരംഗത്തെ തുടർന്ന് നടന്ന ലോക്ഡൗണും അനുബന്ധ വ്യവസ്ഥകളും മൂലം 4-ആം സെമസ്റ്റർ റെഗുലർ, 2ആം സെമസ്റ്റർ സപ്ലിമെന്ററി , പരീക്ഷകൾ നടക്കുകയുണ്ടായില്ല, ഒരു വർഷത്തിന് ശേഷം പരീക്ഷകൾ ഷെഡ്യൂൾ ചെയ്യുകയും ഏപ്രിൽ , മേയ് എന്നീ മാസങ്ങളിൽ നടത്തുവാൻ തീരുമാനിക്കുകയും ചെയ്യുകയായിരുന്നു.

എന്നാൽ കോവിഡ് സാഹചര്യം വീണ്ടും അതിരൂക്ഷമാവുകയും ചാൻസ്ലരുടെ പ്രത്യേക നിർദേശം ഉണ്ടാവുകയും ചെയ്തതോടെ ഏപ്രിൽ 19 ന് നടക്കേണ്ടിയിരുന്ന പരീക്ഷകൾ വീണ്ടും മാറ്റി വയ്ക്കുന്ന സാഹചര്യമാണ് സംജാതമായത്. ഇതുകൊണ്ട് വിദ്യാർത്ഥികൾക്ക് ഉണ്ടായതും ഉണ്ടാകുവാൻ പോകുവാൻ ഇടയായതും ആയ കാര്യങ്ങൾ ചുവടെ ചേർക്കുന്നു

1. വിദ്യാർത്ഥികളുടെ മാനസികാവസ്ഥ നോക്കാതെയുള്ള പരീക്ഷകളുടെ റീഷെഡ്യൂളിങ് . മാറ്റി വച്ച പരീക്ഷകൾ ഉടൻ ഉണ്ടാവും എന്നല്ലാതെ വ്യക്തമായ ഒരു തീരുമാനവും സർവ്വകലാശാലയുടെ ഭാഗത്ത് നിന്നും നിലവിൽ ഉണ്ടായിട്ടില്ല.

2. ഉപരി പഠനത്തിനുള്ള കാല താമസം

3. ദിവസങ്ങൾ കഴിഞ്ഞു മുൻപൊട്ടുള്ള സെമ്മുകൾ ഓൺലൈനായി തീർത്തു കഴിയുമ്പോൾ പെട്ടെന്നൊരു പരീക്ഷ നേരിടാൻ വിദ്യാർഥികൾക്കു ഉണ്ടാകുന്ന ബുദ്ധിമുട്ട് ( നിലവിൽ പല സ്ഥാപനങ്ങളും 5th sem കഴിയുകയും 6th സെമിന്റെ ഓണ്ലൈൻ ക്ലാസ് ആരംഭിക്കാൻ ഇരിക്കുകയാണ് )

5. ഗ്രാജുവേഷൻ കഴിഞ്ഞു ജോലിക്കു പ്രവേശിക്കാൻ സാധിക്കാത്തത്തിലുള്ള ബുദ്ധിമുട്ട്

7. സാധാരണ ഗതിയിൽ കഴിയേണ്ടിയിരുന്ന കോഴ്സ് അധികം വർഷം എടുക്കുകയും മാനസികമായ ബുദ്ധിമുട്ടുകൾ വിദ്യാർത്ഥികൾക്ക് ഉണ്ടാകുകയും ചെയ്യുന്നു .

8. ഇയർ ബാക്ക് എന്ന വ്യവസ്ഥയിൽ വിദ്യാർത്ഥികളെ പിൻതള്ളാതെ സെ പരീക്ഷകളായി എഴുതാൻ അനുവദിച്ചു സുഗമമായി കോഴ്സ് പൂർത്തീകരിക്കാൻ ഉള്ള നടപടി സർവ്വകലാശാല സ്വീകരിക്കാൻ തയ്യാറാവാത്തത് കോവിഡ് പ്രതിസന്ധിയോടൊപ്പം വിദ്യാർത്ഥികളെ വീണ്ടും കടുത്ത ആശങ്കയിലേക്കാണ് തള്ളിയിടുന്നത് .

9. വിദ്യാഭ്യാസ വായ്‌പ്പ എടുത്ത വിദ്യാർത്ഥികൾക്ക് തിരിച്ചടക്കാൻ ഉള്ള കാലതാമസം, പഠനം കഴിയുക ജോലി കണ്ടെത്തുക എന്നതിനുള്ള കാലതാമസം .

10. കോവിഡ് സാഹചര്യം കണക്കിലെടുക്കാതെ പരീക്ഷകളും , ഓഫ് ലൈൻ ക്ലാസുകളും മുമ്പോട്ടു കൊണ്ടുപോകാൻ ഉള്ള നീക്കം ആശങ്കാജനകമാണ്. ഭൂരിപക്ഷവും വാക്സിൻ എടുത്തു എന്ന് പറയുന്ന സർവ്വകലാശാല വാക്സിനേഷൻ പൂർത്തിയാകാത്ത വലിയ ഒരു വിഭാഗം വിദ്യാർത്ഥികളെയും, ആരോഗ്യ പ്രശ്നങ്ങൾ കാരണം വാക്സിൻ എടുക്കാൻ കഴിയാത്ത വിദ്യാർത്ഥികളെയും, മന: പൂർവ്വം അവഗണിക്കുകയാണ് എന്ന് തന്നെ പറയേണ്ടി വരും.

നിലവിലെ ഈ സാഹചര്യത്തിൽ മറ്റുള്ള യൂണിവേഴ്സിറ്റികൾ സ്വീകരിച്ചത് പോലെ പരീക്ഷ റദ്ദാക്കി പ്രൊമോഷൻ ചെയ്യുകയോ (eg KTU , manipal university ) അതും സാധ്യമിലെങ്കിൽ ഓൺലൈനായി പരീക്ഷ നടത്തുകയോ ചെയ്യണമെന്നും താഴ്മയായി അപേക്ഷിക്കുന്നു.