ഭര്‍ത്താവ് ആദിത്യന്‍ ജയനെതിരേ സ്ത്രീത്വത്തെ അപമാനിച്ചുവെന്ന് കാണിച്ച് പോലീസില്‍ പരാതി നല്‍കിയിരിക്കുകയാണ് അമ്പിളി ദേവി. എന്നാൽ ഈ പരാതിയുടെ പേരിൽ ആദിത്യനെതിരെ ജാമ്യമില്ല കേസെടുക്കുമെന്ന് സൂചന. സൈബര്‍ സെല്ലിനും കരുനാഗപ്പള്ളി എസിപിക്കുമാണ് പരാതി നല്‍കിയിരിക്കുന്നത് .

ഇല്ലാത്ത കാര്യങ്ങള്‍ പറഞ്ഞ് തന്റെ സ്ത്രീത്വത്തെ അപമാനിക്കാനാണ് ആദിത്യന്‍ ശ്രമിക്കുന്നതെന്നും അമ്പിളി ദേവി പരാതിപ്പെടുകയും ചെയ്തു . ആത്മഹത്യയ്ക്ക് ശ്രമിച്ച നിലയില്‍ കഴിഞ്ഞ ദിവസം രാത്രിയില്‍ ആദിത്യനെ തൃശ്ശൂര്‍ സ്വരാജ് റൗണ്ടില്‍ കണ്ടെത്തുകയായിരുന്നു. കൈഞരമ്പ് മുറിച്ച നിലയിലായിരുന്നു ആദിത്യന്‍ ജയനെ കണ്ടെത്തിയത്.

തന്റെ വീട്ടിലെത്തി ആദിത്യന്‍ അതിക്രമം കാട്ടുന്നതിന്റെ വീഡിയോ അമ്പിളി ദേവി പുറത്തു വിട്ടതിനു പിന്നാലയൊയിരുന്നു ആദിത്യൻ ആത്മഹത്യാ ശ്രമം നടത്തി . എന്നാല്‍ ഇത് നാടകമാണെന്നാണ് അമ്പിളി ദേവി പറയുന്നത് . തുടര്‍ന്നാണ് നടി ആദിത്യനെതിരേ കേസു നല്‍കിയിരിക്കുന്നത്.

അമ്പിളി ദേവി നല്‍കിയ പരാതിയില്‍ ജാമ്യമില്ലാ വകുപ്പുകള്‍ പൊലീസ് ചുമത്താന്‍ സാധ്യത കൂടുതലാണ് . ഉടന്‍ കേസെടുത്താല്‍ ആശുപത്രിയില്‍ നിന്ന് പുറത്തിറങ്ങുമ്പോള്‍ ആദിത്യന്‍ അറസ്റ്റിലാകാനും സാധ്യതയുണ്ട് .

കഴിഞ്ഞ ദിവസമായിരുന്നു സീരിയന്‍ നടന്‍ ആദിത്യന്‍ ആത്മഹത്യയ്‌ക്ക് ശ്രമിച്ചത് . തൃശൂര്‍ സ്വരാജ് റൗണ്ടിന് സമീപം നിര്‍ത്തിയിട്ട കാറില്‍ ഞരമ്പ് മുറിച്ച നിലയില്‍ കണ്ടെത്തുകയായിരുന്നു. ആദിത്യനെ ജനറല്‍ ആശുപത്രിയില്‍ പ്രവേശിപ്പിക്കുകയുണ്ടായി .

ഭാര്യയും നടിയുമായ അമ്പിളിയുമായുണ്ടായ ദാമ്പത്യ പ്രശ്‌നങ്ങള്‍ വലിയ വിവാദങ്ങള്‍ക്ക് വഴി വച്ചിരുന്നു . ഇതിനെ തുടര്‍ന്നുണ്ടായ മാനസികസമ്മര്‍ദ്ദത്തെ തുടര്‍ന്നായിരുന്നു ആത്മഹത്യാ ശ്രമമെന്നാണ് ഇപ്പോൾ ലഭ്യമാകുന്ന സൂചന.