വാക്സിനേഷന് കേന്ദ്രമായ ജിമ്മി ജോര്ജ് സ്റ്റേഡിയത്തിലെ തിരക്ക്; നടപടിയെടുക്കാന് ഡി.എം.ഒക്ക് നിര്ദ്ദേശം നല്കി ആരോഗ്യമന്ത്രി
കോവിഡ് വ്യാപനം രൂക്ഷമാകുന്ന സാഹചര്യത്തില് ഏര്പ്പെടുത്തിയ നിയന്ത്രണങ്ങളെല്ലാം കാറ്റില് പറത്തി ജിമ്മി ജോര്ജ് സ്റ്റേഡിയത്തിലെ വാക്സിനേഷന് കേന്ദ്രത്തില് വന് ജനത്തിരക്കാണ് ഉണ്ടായത്. വന് ജനതിരക്കുണ്ടായ സംഭവത്തില് അടിയന്തരമായി ഇടപെട്ട് ആരോഗ്യമന്ത്രി കെകെ ശൈലജ. തിരക്കുമൂലം ആളുകള് കുഴഞ്ഞുവീഴുന്ന സാഹചര്യത്തില് അടിയന്തമായി ഇടപെടല് നടത്താന് മന്ത്രി ഡിഎംഒയ്ക്ക് നിര്ദ്ദേശം നല്കി. ജനങ്ങള് സമയക്രമം പാലിച്ചു വരണമെന്നും ആരോഗ്യ മന്ത്രി നിര്ദ്ദേശിച്ചു.
കഴിഞ്ഞ കുറേ ദിവസങ്ങളായി ജിമ്മി ജോര്ജ് സ്റ്റേഡിയത്തിലെ സ്ഥിതി ഇതാണ്. എന്നാല് ജനങ്ങള് സമയക്രമം പാലിക്കാത്തതാണ് ഈ തിരക്കിന് കാരണമെന്ന് ഡിഎംഒ പ്രതികരിച്ചു. ഒന്പത് മണി മുതലാണ് സമയം എന്ന് നേരത്തേ അറിയിച്ചിരുന്നു എന്നും, നാളെ മുതല് സമയക്രമം പാലിക്കുന്നവര്ക്ക് മാത്രമേ പ്രവേശനം അനുവദിക്കൂവെന്നും ഡിഎംഒ പറഞ്ഞു. ഓണ്ലൈന് രജിസ്ട്രേഷനില് വിവിധ ടൈം സ്ലോട്ടുകള് ലഭിച്ചവര് ഒരുമിച്ച് എത്തിയതാണ് വലിയ തിരക്കിന് കാരണമായത്. ആദ്യ ഡോസ് എടുക്കാനെത്തിയവര്ക്കും രണ്ടാം ഡോസ് എടുക്കാന് എത്തിയവര്ക്കും ഒരു ക്യൂ മാത്രമാണുള്ളത്. പ്രായമായവരടക്കം നിരവധി ആളുകള് കേന്ദ്രത്തിലെത്തിയത് ഉദ്യേഗസ്ഥരെ കുഴപ്പിച്ചു. മണിക്കൂറുകളായി കാത്ത് നിന്നവരില് പലര്ക്കും വാക്സിന് കിട്ടിയില്ല. കാത്തു നിന്നവരില് നാല് പേര് കുഴഞ്ഞു വീണിരുന്നു. സാമൂഹിക അകലം പാലിക്കുന്നത് പോലും ഉറപ്പാക്കാനാവാത്ത അവസ്ഥ. വാക്സിന് എടുക്കാന് എത്തിയവരും ഉദ്യോഗസ്ഥരും തമ്മില് വാക്കേറ്റവുമുണ്ടായി. പോര്ട്ടല് വഴി എല്ലാവര്ക്കും ലഭിച്ചത് ഉച്ചയ്ക്ക് മുന്പുള്ള സമയമാണ്.
https://www.facebook.com/Malayalivartha
