സമ്പൂര്ണ്ണ ലോക്ക്ഡൗണില്ല.....സംസ്ഥാനത്ത് നിലവിലെ നിയന്ത്രണങ്ങള് കൂടുതല് കര്ശനമാക്കും... വാരാന്ത്യ നിയന്ത്രണങ്ങള് തുടരും, സര്ക്കാര്, അര്ദ്ധസര്ക്കാര് സ്ഥാപനങ്ങള്ക്ക് ശനിയാഴ്ച അവധി, രാത്രികാല നിയന്ത്രണവും തുടരും
സമ്പൂര്ണ്ണ ലോക്ക്ഡൗണില്ല.....സംസ്ഥാനത്ത് നിലവിലെ നിയന്ത്രണങ്ങള് കൂടുതല് കര്ശനമാക്കും... വാരാന്ത്യ നിയന്ത്രണങ്ങള് തുടരും, സര്ക്കാര്, അര്ദ്ധസര്ക്കാര് സ്ഥാപനങ്ങള്ക്ക് ശനിയാഴ്ച അവധിയായിരിക്കും.രാത്രികാല നിയന്ത്രണവും തുടരും.
കടകള്ക്കും ഭക്ഷണശാലകള്ക്കും ദിവസവും രാത്രി 7.30 വരെ പ്രവര്ത്തിക്കാനേ അനുമതിയുണ്ടാകൂ. മുഖ്യമന്ത്രി പിണറായി വിജയന് വിളിച്ചുചേര്ത്ത സര്വകക്ഷി യോഗത്തിലാണ് തീരുമാനങ്ങള്. തത്കാലം പൂര്ണ ലോക്ക്ഡൗണിലേക്ക് പോകേണ്ടെന്ന സര്ക്കാര് നിലപാട് യോഗം അംഗീകരിച്ചു.
രോഗവ്യാപനം നിയന്ത്രിക്കാനുള്ള എല്ലാ സര്ക്കാര് നടപടികള്ക്കും യോഗം പൂര്ണപിന്തുണ അറിയിച്ചതായും മുഖ്യമന്ത്രി വാര്ത്താസമ്മേളനത്തില് പറഞ്ഞു. ഭക്ഷണശാലകളില് രാത്രി 7.30 വരെയേ ഇരുന്ന് ഭക്ഷണം കഴിക്കാന് അനുമതിയുള്ളൂ എങ്കിലും 9.00 വരെ പാഴ്സല് നല്കാം.
സര്ക്കാര്, സ്വകാര്യ വിദ്യാലയങ്ങളിലെ ക്ലാസുകള് ഓണ്ലൈനില് മാത്രം. വിദ്യാര്ത്ഥി ഹോസ്റ്റലുകളിലും കര്ശന നിയന്ത്രണമുണ്ടാകും. കൊവിഡ് മാനദണ്ഡങ്ങള് പാലിക്കാത്ത മാര്ക്കറ്റുകളും മാളുകളും രണ്ടു ദിവസം അടച്ചിടും.
സര്ക്കാര് ഓഫീസുകളില് 50 ശതമാനം ജീവനക്കാര് റൊട്ടേഷന് അടിസ്ഥാനത്തില് പ്രവര്ത്തിക്കണം. എല്ലാ യോഗങ്ങളും ഓണ്ലൈനില് മാത്രം.
വിവാഹം, ഗൃഹപ്രവേശം തുടങ്ങിയ ചടങ്ങുകള് കൊവിഡ് ജാഗ്രതാ പോര്ട്ടലില് മുന്കൂട്ടി രജിസ്റ്റര് ചെയ്യണം. ആരാധനാലയങ്ങളില് ഭക്ഷണവും തീര്ത്ഥവും നല്കുന്നത് തത്കാലം പാടില്ല. ആരാധനാലയങ്ങളിലെ നിയന്ത്രണങ്ങള് ജില്ലാ കളക്ടര്മാര് മതനേതാക്കളുമായി ചര്ച്ച ചെയ്യണം.
റേഷന് കടകളുടെ പ്രവര്ത്തന സമയം ചുരുക്കണമെന്ന ആവശ്യം പരിശോധിക്കും. നിബന്ധനകള് സംബന്ധിച്ച പുതിയ ഉത്തരവ് ഇന്ന് നിലവില് വരും.വോട്ടെണ്ണല് ദിനം പ്രകടനങ്ങളില്ല വോട്ടെണ്ണല് നടക്കുന്ന മേയ് രണ്ടിനും അടുത്ത ദിവസങ്ങളിലും ആഹ്ലാദ പ്രകടനങ്ങള് പൂര്ണമായും ഒഴിവാക്കണം.
പൊതുജനങ്ങള് വോട്ടെണ്ണല് കേന്ദ്രത്തില് പോകരുത്. വോട്ടെണ്ണലുമായി ബന്ധപ്പെട്ട ഉദ്യോഗസ്ഥര്ക്കും രാഷ്ട്രീയ കക്ഷികളുടെ കൗണ്ടിംഗ് ഏജന്റുമാര്ക്കും മാത്രമേ പ്രവേശനമുണ്ടാകൂ. ഇവര് രണ്ടു ഡോസ് വാക്സിന് എടുത്തിരിക്കണമെന്ന് നിര്ബന്ധം.
72 മണിക്കൂറിനകം നടത്തിയ ആര്.ടി.പി.സി.ആര് പരിശോധനയുടെ ഫലം നെഗറ്റീവ് ആയിരിക്കുകയും വേണം. ഉദ്യോഗസ്ഥര്ക്കും നിബന്ധന ബാധകം.
സിനിമാ തിയേറ്റര്, ഷോപ്പിംഗ് മാള് ജിംനേഷ്യം, ക്ളബ്, നീന്തല്ക്കുളം സ്പോര്ട്സ് കോംപ്ളക്സുകള് വിനോദ പാര്ക്കുകള് ബാറുകള്, ബെവ്കോ ഔട്ട് ലെറ്റുകള് ഇവ പ്രവര്ത്തിക്കില്ല
പള്ളികളില് 50 പേര് വരെ ആകാം ചെറിയ പള്ളികളില് കുറച്ചു പേര് മാത്രം നമസ്കാരത്തിനുള്ള പായ കൊണ്ടുപോകണം.
സംസ്ഥാനത്ത് അതിതീവ്ര കൊവിഡ് ബാധയുടെ രണ്ടാം തരംഗത്തിന് കാരണം ജനിതകമാറ്റം വന്ന വൈറസാണെന്ന് കണ്ടെത്തി.ഒന്നര വര്ഷമായി നാം കൊവിഡിനൊപ്പമാണ് ജീവിക്കുന്നത്. ഇനിയും ഏറെക്കാലം ഈ രീതിയില് മുന്നോട്ടുപോകേണ്ടിവരുമെന്നും മുഖ്യമന്ത്രി
https://www.facebook.com/Malayalivartha
