സോഷ്യൽമീഡിയയിൽ കഴിഞ്ഞ കുറച്ചു ആഴ്ചകളായി ശ്രദ്ധനേടിയ ഡാൻസേഴ്സ് ആയിരുന്നു തൃശൂർ മെഡിക്കൽ കോളജിലെ വിദ്യാർഥികളായ നവീനും ജാനകിയും. ഇരുവരും ചേർന്ന് ഡാൻസ് ചെയ്ത ഇൻസ്റ്റാഗ്രാം റീൽസ് വൈറലായത് നാമെല്ലാം കണ്ടതാണല്ലോ. ഇവരുടെ വീഡിയോയിലെ പാട്ടാണ് ബോണി എമ്മിന്റെ റാസ്‌പുട്ടിൻ.

സൈബർ ലോകം ഏറ്റെടുത്ത റാസ്‌പുട്ടിൻ പാട്ട്. നിരവധി പേർ ഈ പാട്ടിൽ വ്യത്യസ്ത ശൈലിയിൽ ഡാൻസ് ചെയ്ത സമൂഹമാധ്യമങ്ങളിൽ പോസ്റ്റ് ചെയ്യുന്നുണ്ട്. എന്നാൽ നവീനും ജാനകിയും വൈറൽ ആയതുപോലെ ആർക്കും ശ്രദ്ധ നേടാൻ സാധിച്ചില്ല. അതെ സമയം വെറൈറ്റിയായ കുടിയന്റെ റാസ്‌പുട്ടിൻ കഴിഞ്ഞ ദിവസങ്ങളിൽ സോഷ്യൽമീഡിയയിൽ ശ്രദ്ധ നേടുകയാണ്.

മുഴുക്കുടിയനായ ഒരാൾ റാസ്‌പുട്ടിൻ പാട്ടിന് വെള്ളമടിച്ചു ലക്കും ലഗാനുമില്ലാതെ ഡാൻസ് ചെയ്താൽ എങ്ങനെയിരിക്കും എന്നതാണ് വീഡിയോയിലൂടെ കാണുന്നത്. തൃശൂർ പാഞ്ഞാൾ സ്വദേശിയായ സനൂപ് കുമാറാണ് കുടിയന്റെ റാസ്‌പുട്ടിൻ വൈറൽ വീഡിയോയ്ക്ക് പിന്നിൽ.

മദ്യപാനികൾക്ക് സമാനമായി അലസമായി വസ്ത്രം ധരിച്ച ഇയാൾ നവീനും ജാനകിയും ഡാൻസ് ചെയ്ത അതെ റാസ്‌പുട്ടിൻ പാട്ടിന്റെ വരികൾക്ക് ചുവടു വയ്ക്കുന്നതാണ് വിഡിയോയിൽ. മദ്യപിച്ച ഒരാൾ ഡാൻസ് ചെയ്താൽ എന്ന പോലെ ഇപ്പോൾ വീഴും എന്ന രീതിയിലാണ് കക്ഷിയുടെ ഡാൻസും.

ദൃശ്യങ്ങൾ ആദ്യം കാണുമ്പോൾ അമ്പലപ്പറമ്പുകളിൽ സാധാരണ മദ്യപാനികൾ നടത്തുന്ന ഡാൻസ് എന്ന് തോന്നുമെങ്കിലും യഥാർത്ഥത്തിൽ നവീൻ്റെയും ജാനകിയുടെയും നൃത്തച്ചുവടുകൾ അനുകരിക്കാനാണ് സനൂപ് കുമാർ ശ്രമിച്ചതെന്ന് മനസിലാക്കാം.

അതെ സമയത്തെ ഒരു മദ്യപാനി ഈ സ്റ്റെപ്പുകൾ ചെയ്താൽ എങ്ങനെയിരിക്കും എന്നതാണ് ആവിഷ്കാരം. വീഡിയോ വൈറൽ ആയതോടെ പലരും സനൂപ് കുമാറിനെ തേടിയെത്തിയിരിക്കുകയാണ്.

താൻ യഥാർത്ഥത്തിൽ മദ്യപിച്ചിട്ടില്ല എന്നും വിഡിയോയ്ക്കായി അത്തരത്തിൽ വസ്ത്രം ധരിച്ച് അഭിനയിക്കുകയായിരുന്നു എന്ന് സനൂപ് കുമാർ പറഞ്ഞിട്ടുണ്ട്.

തൃശൂർ താവൂസ് തിയെറ്ററിലെ ജീവനക്കാരനായ സനൂപ് ഒരു മികച്ച ഡാൻസർ കൂടിയാണ്. ഏതായാലും നവീൻ്റെയും ജാനകിയുടെയും റാസ്‌പുട്ടിൻ ചുവടുകൾക്ക് ഇതിലും നല്ല ഒരു പതിപ്പ് കിട്ടാനില്ല എന്നാണ് സൈബർ ലോകത്തെ ചർച്ചാവിഷയവും.