മുങ്ങിയത് മൂവായിരത്തിലേറെ കോവിഡ് രോഗികള്‍. ബെംഗളൂരുവില്‍ പ്രതിസന്ധി. ഇത് കേള്‍ക്കുമ്പോള്‍ എല്ലാ കുറ്റവും യെദിയൂരപ്പയുടെ മണ്ടയ്ക്ക് വയ്ക്കുന്നവരുടെ ശ്രദ്ധയ്ക്ക്. നഗരത്തില്‍ കോവിഡ് സ്ഥിരീകരിച്ച മൂവായിരത്തിലേറെ പേരെ കണ്ടെത്താന്‍ പൊലീസിനു കഴിഞ്ഞിട്ടില്ലെന്നു റവന്യു മന്ത്രി ആര്‍.അശോക. ആര്‍ടിപിസിആര്‍ ഫലമറിഞ്ഞയുടന്‍ ഫോണ്‍ സ്വിച്ച് ഓഫ് ചെയ്ത് 'മുങ്ങുന്ന' ഇത്തരം ആളുകളാണ് കോവിഡ് വ്യാപനത്തിനു പിന്നിലെന്നും അദ്ദേഹം പറഞ്ഞു.



കുറ്റക്കാര്‍ ആരാണ്. സര്‍ക്കാര്‍ സൗജന്യമായി നല്‍കുന്ന മരുന്നുകള്‍ ലഭിക്കണമെങ്കില്‍ ഹോം ക്വാറന്റീനില്‍ കഴിഞ്ഞേ മതിയാകൂ. എന്നാല്‍ ഇത്തരം ആളുകള്‍ ഗുരുതരാവസ്ഥയിലെത്തും വരെ കാത്തുനിന്നിട്ട് ആശുപത്രികളിലെ ഐസിയു കിടക്കകള്‍ക്കായി മുറവിളി കൂട്ടുന്ന അവസ്ഥയാണു നിലവിലേതെന്നും അദ്ദേഹം പറഞ്ഞു.


അടച്ചിടല്‍ മാര്‍ഗനിര്‍ദേശം പാലിച്ച് പരമാവധി ആളുകള്‍ വീട്ടിലിരുന്ന്, കോവിഡിനെ വരുതിയിലാക്കാന്‍ സര്‍ക്കാരുമായി സഹകരിക്കണമെന്ന് മുഖ്യമന്ത്രി യെഡിയൂരപ്പ. അടിയന്തര കാര്യങ്ങള്‍ക്കു മാത്രമേ പുറത്തിറങ്ങാവൂ. 27നു രാത്രി 9 മുതല്‍ അടച്ചിടല്‍ നിയന്ത്രണങ്ങള്‍ നിലവില്‍ വന്നതോടെ റോഡുകളും മറ്റും ഒഴിഞ്ഞ നിലയിലാണുള്ളത്. ഇനി കേരളത്തിലേയ്ക്ക് വരാം. ഇവിടെ ഓരോ ജനതയും പോരാട്ടത്തില്‍ അണിനിരക്കുകയാണ്.


കൊവിഡിനെതിരെ സുസംഘടിതവും ആസുത്രിതവും ശാസ്ത്രീയവുമായ ക്രിയാത്മക പ്രതിരോധ നടപടികള്‍ കേന്ദ്ര സര്‍ക്കാര്‍ യുദ്ധകാലാടിസ്ഥാനത്തില്‍ നടത്തുമ്പോള്‍ കേരളം ഭരിക്കുന്ന സിപിഎം സമരപരിപാടികളുമായി ഇറങ്ങിത്തിരിക്കുന്നത് തീര്‍ത്തും അപലപനീയമാണ്. ഇത് പ്രതിരോധ പ്രവര്‍ത്തനങ്ങളെ അട്ടിമറിക്കാനെ ഉപകരിക്കൂ. കേന്ദ്രത്തോട് യുദ്ധം പ്രഖ്യാപിച്ചോ ഏറ്റുമുട്ടിയോ അല്ല ഈ സന്ദര്‍ഭത്തില്‍ കേരള സര്‍ക്കാര്‍ പ്രതിരോധിക്കേണ്ടത്.


മറിച്ചു കേന്ദ്രവുമായി സഹകരിച്ചു പരസ്പര വിശ്വാസത്തോടെ പ്രതിരോധ പ്രവര്‍ത്തനങ്ങളില്‍ ഒറ്റക്കെട്ടായി നിലകൊള്ളുകയാണ് വേണ്ടത്. കേരളത്തില്‍ ഇന്നേവരെ വാക്സിന്‍ ക്ഷാമം ഉണ്ടായിട്ടില്ല. ഓക്സിജന്‍ വേണ്ടത്ര സ്റ്റോക്ക് ഉണ്ട്. പിന്നെ എന്താണ് കേരളത്തിലെ പ്രശ്നം? വാക്സിന്‍ കേന്ദ്രങ്ങളില്‍ ഉണ്ടാകുന്ന തിക്കും തിരക്കും അവശരായി തളര്‍ന്ന് വീഴുന്നതുമെല്ലാം സംസ്ഥാന സര്‍ക്കാരിന്റെ പിടിപ്പുകേട് മൂലം സംഭവിക്കുന്നതാണ്.



ഇന്നലെ ഫാത്തിമ എന്ന വയോധിക ചികില്‍സ കിട്ടാതെ മരിച്ചു. ഒരു ആംബുലന്‍സ് കിട്ടാതെ പെരുമ്പാവൂരില്‍ ഒരു വയോധികന്‍ റോഡില്‍ കിടന്നു ചികില്‍സ ലഭിക്കാതെ മരിച്ചു. വടക്കെ ഇന്ത്യയില്‍ ഉണ്ടാകുന്ന മരണത്തെ കുറിച്ച് പെരിപ്പിച്ചുകാട്ടി രാഷ്ട്രീയ മുതലെടുപ്പ് നടത്തുന്ന സിപിഎം കേരളത്തിലെ ദുരിതങ്ങളും ദുരന്തങ്ങളും എന്തിന് മറച്ചു വയ്ക്കണം.


വാക്സിന്‍ ഉണ്ടാക്കുന്നതിലോ വിതരണം നടത്തുന്നതിലോ കേന്ദ്ര സര്‍ക്കാരിന്റെ ഭാഗത്തു നിന്ന് യാതൊരു വീഴ്ചയും നാളിതുവരെ ഉണ്ടായിട്ടില്ലെന്നും കുമ്മനം പറഞ്ഞു. കേന്ദ്രത്തിനെ എന്തിനും കുറ്റപ്പെടുത്തുന്ന കോണ്‍ഗ്രസിന്റെ പ്രവണത ശരിയല്ല.


കൊവാക്സിന് കേന്ദ്രം അനുമതി നല്‍കിയപ്പോള്‍ കോണ്‍ഗ്രസ് നേതാക്കളായ ജയറാം രമേശും ശശി തരൂരും ശക്തമായി എതിര്‍ത്തു. അവരാണിപ്പോള്‍ കേന്ദ്രം വാക്സിന്‍ തരുന്നില്ല എന്ന ആവലാതിയുമായി രംഗത്ത് വന്നിട്ടുള്ളത്. കോണ്‍ഗ്രസ്സും സിപിഎമ്മും കേന്ദ്രത്തിന്റെ കൊവിഡ് പ്രതിരോധ പ്രവര്‍ത്തനങ്ങളെ വിമര്‍ശിക്കുന്നത് രാഷ്ട്രീയ മുതലെടുപ്പിന് വേണ്ടി മാത്രമാണെന്നും കുമ്മനം അഭിപ്രായപ്പെട്ടു.