അപകീര്ത്തികരമായ പരാമര്ശങ്ങളില് സംഗീത ലക്ഷ്മണയ്ക്കെതിരെ അച്ചടക്ക നടപടിയുമായി ബാര് കൗണ്സില് രംഗത്ത്; ഇന്ന് നടന്ന ബാര് കൗണ്സില് യോഗത്തിലാണ് തീരുമാനം!! സംഭവവുമായി ബന്ധപ്പെട്ട് പോലീസ് കേസ് എടുത്തു
ഹൈക്കോടതി അഭിഭാഷക സംഗീത ലക്ഷ്മണയ്ക്കെതിരെ അച്ചടക്ക നടപടിയുമായി ബാര് കൗണ്സില്. സമൂഹ മാധ്യമങ്ങളിലൂടെ നിരന്തരം അപകീര്ത്തികരമായ പരാമര്ശങ്ങള് നടത്തുന്ന സാഹചര്യത്തില് അഭിഭാഷക പദവി ദുരുപയോഗം ചെയ്തുവെന്ന് ചൂണ്ടിക്കാട്ടിയാണ് അച്ചടക്ക നടപടി സ്വീകരിക്കുന്നത്. സ്വമേധയാ നടപടി സ്വീകരിക്കാന് ശനിയാഴ്ച് നടന്ന ബാര് കൗണ്സില് യോഗത്തിലാണ് തീരുമാനമെടുത്തത്.
എറണാകുളം സെന്ട്രല് എസ്ഐ ആനി ശിവയെ സമൂഹ മാധ്യമമായ ഫേസ്ബുക്കിലൂടെ സംഗീത ലക്ഷ്മണ അധിക്ഷേപിച്ചിരുന്നു. അതിരൂക്ഷമായ അധിക്ഷേപമാണ് സംഗീത ലക്ഷ്മണയുടെ ഫേസ്ബുക്ക് പോസ്റ്റില് ഉണ്ടായിരുന്നത്. തുടര്ന്ന് ആനി ശിവ നല്കിയ പരാതിയില് സംഗീതയ്ക്കെതിരെ പോലീസ് കേസ് എടുത്തിരുന്നു.
ഇന്ത്യന് ശിക്ഷാ നിയമത്തിലെ 580, കെ.പി നിയമത്തിലെ 120 എന്നീ വകുപ്പുകളും, ഐടി നിയമവും ചുമത്തി ജാമ്യമില്ലാ വകുപ്പ് പ്രകാരമാണ് സംഗീതയ്ക്കെതിരെ പോലീസ് കേസ് എടുത്തിരിക്കുന്നത്. ഇതിന് പിന്നാലെയാണ് ബാര് കൗണ്സിലിന്റെ നടപടി. സംഭവവുമായി ബന്ധപ്പെട്ട് പോലീസ് കേസ് എടുത്ത ശേഷവും ആനി ശിവയ്ക്കെതിരായ പോസ്റ്റുകളുമായി സംഗീത ലക്ഷ്മണ രംഗത്ത് വന്നിരുന്നു.
https://www.facebook.com/Malayalivartha
