പെരുന്നാള് ആഘോഷം ശ്രദ്ധയോടെ...... ബക്രീദ് പ്രമാണിച്ച് കടകള് തുറക്കുന്നതിനും മറ്റും കൂടുതല് ഇളവുകള് ...... നഗരത്തില് തിരക്ക് കൂടുമെന്നതിനാല് രോഗവ്യാപനസാദ്ധ്യത കണക്കിലെടുത്ത് പൊതുജനങ്ങള് കൊവിഡ് മാനദണ്ഡം കര്ശനമായി പാലിക്കണമെന്ന് സിറ്റി പൊലീസ് കമ്മിഷണര് ബല്റാംകുമാര് ഉപാദ്ധ്യായ
പെരുന്നാള് ആഘോഷം ശ്രദ്ധയോടെ.... ബക്രീദ് പ്രമാണിച്ച് കടകള് തുറക്കുന്നതിനും മറ്റും കൂടുതല് ഇളവുകള് അനുവദിച്ച സാഹചര്യത്തില് നഗരത്തില് തിരക്ക് കൂടുമെന്നതിനാല് രോഗവ്യാപനസാദ്ധ്യത കണക്കിലെടുത്ത് പൊതുജനങ്ങള് കൊവിഡ് മാനദണ്ഡം കര്ശനമായി പാലിക്കണമെന്ന് സിറ്റി പൊലീസ് കമ്മിഷണര് ബല്റാംകുമാര് ഉപാദ്ധ്യായ അറിയിച്ചു.
എല്ലാവ്യാപാരസ്ഥാപനങ്ങളിലും സ്ഥലപരിമിതിക്കനുസരിച്ച് കൃത്യമായ അകലം പാലിച്ച് നില്ക്കാന് കഴിയുന്ന തരത്തിലെ ആള്ക്കാരെ പ്രവേശിപ്പിക്കാവു. ഇക്കാര്യം കര്ശനമാക്കുന്നതിന് സ്ഥാപന ഉടമ ആവശ്യത്തിന് ജീവനക്കാരെ നിയോഗിക്കണം.
കടയില് എത്തുന്നവര്ക്ക് സാനിറ്റൈസിംഗ് സംവിധാനം ഏര്പ്പെടുത്തണം. വസ്ത്ര വ്യാപാര സ്ഥാപനങ്ങളിലടക്കം ബില്ലിംഗ്, കാഷ് കൗണ്ടറുകളില് തിരക്കുണ്ടാകാനുള്ള സാദ്ധ്യത കണക്കിലെടുത്ത് കൂടുതല് കൗണ്ടറുകള് സജ്ജീകരിക്കണം.
ഒരോ പൊലീസ് സ്റ്റേഷന് പരിധിയിലും എസ്.എച്ച്.ഒമാരുടെ നേതൃത്വത്തിട്ടുള്ള ടീം പരിശോധിക്കണം. ഒരു വീട്ടില് നിന്ന് ഒന്നോ രണ്ടോ പേര് മാത്രമെ സാധനങ്ങള് വാങ്ങാന് കടകളില് പോകാവൂ.
മാസ്കും ധരിച്ചും അകലം പാലിച്ചും സാധനങ്ങള് വാങ്ങണം. ഈ ദിവസങ്ങളില് നഗരത്തില് കര്ശനമായ വാഹന പരിശോധന നടത്തും.
ഓരോരുത്തരുടെയും പെരുന്നാളാഘോഷം കുടുംബാംഗളോടൊപ്പം മാത്രമായി പരിമിതപ്പെടുത്തണം. പള്ളികളിലും ആരാധാനാകേന്ദ്രങ്ങളിലും അനുവദനീയമായ എണ്ണം ആള്ക്കാര് മാത്രമേ പ്രാര്ത്ഥനാച്ചടങ്ങുകളില് പങ്കെടുക്കാവൂ.
https://www.facebook.com/Malayalivartha
