കൃഷി നാശം വരുത്തുന്ന കാട്ടുപന്നികളെ കൊല്ലാന് കര്ഷകര്ക്ക് അനുമതി; ഹൈക്കോടതി ഉത്തരവ് കര്ഷകര് നല്കിയ ഹര്ജിയിൽ
23 JULY 2021 05:49 PM IST
മലയാളി വാര്ത്ത
കൃഷി നാശം വരുത്തുന്ന കാട്ടുപന്നികളെ കൊല്ലാന് കര്ഷകര്ക്ക് അനുമതി. കൃഷിയിടത്തില് പ്രവേശിക്കുന്ന പന്നികളെ കൊല്ലാനാണ് അനുമതി ലഭിച്ചത്. കോഴിക്കോട്ടെ കര്ഷകര് നല്കിയ ഹര്ജിയിലാണ് ഹൈക്കോടതിയുടെ ഉത്തരവ്.
വെള്ളിയാഴ്ചയാണ് ഹൈക്കോടതി ഇടക്കാല ഉത്തരവ് പാസാക്കിയത്. വൈല്ഡ് ലൈഫ് പ്രൊട്ടക്ഷന് ആക്ടിലെ 11(1)(ബി) വകുപ്പ് പ്രകാരം കാട്ടുപന്നികളെ പിടികൂടി കൊല്ലാനുള്ള അനുമതിയാണ് ഹൈക്കോടതി നല്കിയത്. ചീഫ് വൈല്ഡ് ലൈഫ് വാര്ഡന് ഇതുസംബന്ധിച്ച് നിര്ദേശം നല്കി. കര്ഷകരെ പ്രതിനിധീകരിച്ച് അഭിഭാഷകരായ അലക്സ് എം. സ്കറിയ, അമല് ദര്ശന് എന്നിവര് നല്കിയ റിട്ട് പെറ്റീഷന് പരിഗണിച്ചാണ് സര്ക്കാര് ഇടക്കാല ഉത്തരവ് പുറപ്പെടുവിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
