കൊച്ചിയിൽ സ്ത്രീധനത്തിന്റെ പേരിൽ യുവതിയ്ക്കും പിതാവിനും ക്രൂര മർദ്ദനം.യുവതിയുടെ ഭർത്താവ് ജിബ്‌സൺ പീറ്ററിനെതിരെ ഭാര്യ പൊലീസിൽ പരാതി നല്കി. ജിബ്‌സൺ തന്നെ ക്രൂരമായി മർദ്ധിക്കുകയും പട്ടിണിയ്ക്കിട്ടതായും യുവതി വെളിപ്പെടുത്തി.

ജിബ്സനും ഇയാളുടെ പിതാവും ചേർന്ന് തന്നെ മർദിച്ച് കാലൊടിച്ചതായി യുവതിയുടെ പിതാവും വെളിപ്പെടുത്തി. സംഭവത്തിൽ വനിതാ കമ്മീഷൻ കേസെടുത്തു.

ചളിക്കവട്ടം സ്വദേശിനിയായ യുവതിയും പിതാവുമാണ് ക്രൂര മർദ്ദനത്തിനിരയായത്. ജിബ്സനുമായുള്ള വിവാഹം കഴിഞ്ഞ് മൂന്നാം നാൾ മുതൽ സ്വർണ്ണവും പണവും ആവശ്യപ്പെട്ട് ജിബ്സൺ തന്നെ ക്രൂരമായി മർദ്ദച്ചിരുന്നുവെന്ന് യുവതി പറഞ്ഞു.

ഭർതൃ വീട്ടിലെ പ്രശ്നങ്ങള് അറിഞ്ഞതിനെത്തുടർന്ന് എത്തിയപ്പോഴാണ് പിതാവിന് മർദ്ദനമേറ്റത്.പരാതിയുടെ അടിസ്ഥാനത്തിൽ കൊച്ചി സി സി പി യുവതിയുടെ മൊഴിയെടുത്ത് അന്വേഷണം തുടങ്ങി. അന്വേഷണം നടത്തി കുറ്റക്കാർക്കെതിരെ കർശന നടപടിയെടുക്കാൻ വനിതാ കമ്മീഷൻ നിർദ്ദേശം നല്കി.