കായിക താരമായ വിദ്യാര്‍ത്ഥിനിയെ പീഡിപ്പിച്ച കട്ടിപ്പാറ ഹോളി ഫാമിലി ഹൈസ്കൂകൂളിലെ കായിക അധ്യാപകന്‍ കോടഞ്ചേരി നെല്ലിപ്പൊയില്‍ മീന്‍മുട്ടി സ്വദേശി തെയ്യപ്പാറ താമസക്കാരനുമായ വട്ടപ്പാറയില്‍ വി.ടി മിനീഷിനെ പോക്സോ പ്രകാരം പോലീസ് അറസ്റ്റ് ചെയ്തു.

പരാതിക്കാരിയായ വിദ്യാര്‍ത്ഥിനി പ്രായപൂര്‍ത്തി ആവുന്നതിന് മുമ്പ് 26-12-2019 ന് വിദ്യാര്‍ത്ഥിനി താമസിക്കുന്ന കട്ടിപ്പാറ സ്കൂളിന് അടുത്തുള്ള വാടക മുറിയില്‍ നിന്നും നെല്ലിപ്പൊയില്‍ ഉള്ള മനീഷിന്റെ ബന്ധുവീട്ടില്‍ എത്തിച്ച്‌ പീഡിപ്പിച്ചു എന്നാണ് പരാതി.

പ്രതി പലതവണ വിദ്യാര്‍ത്ഥിനിയെ കടന്നു പിടിക്കുകയും, ലൈഗിംക അതിക്രമത്തിന് വിധേയമാക്കുകയും, മാനഹാനി വരുത്തുകയും ചെയ്തതായും, സ്കൂളിലെ കായിക മുറിയില്‍ നിന്നു പോലും കടന്ന് പിടിച്ചതായും പരാതിയില്‍ പറയുന്നു. പ്രതിക്കെതിരെ താമരശ്ശേരി പോലീസ് കേസ് റജിസ്റ്റര്‍ ചെയ്ത് IPC 363,354, POCSO 10 RW, 9 ( F), 9 (L), വകുപ്പുകള്‍ ചുമത്തി അറസ്റ്റു ചെയ്തു.

പ്രതി സമാനമായി രീതിയില്‍ മറ്റു വിദ്യാർത്ഥികളോടും പെരുമാറിയതായുള്ള വിവരങ്ങള്‍ പുറത്തു വരുന്നുണ്ട്. നെല്ലിപ്പൊയില്‍ സ്കൂളില്‍ നിന്നും സ്വഭാവ ദൂഷ്യത്തിന് നേരത്തെ നടപടി നേരിട്ടയാളാണ് പ്രതി. കോഴിക്കോട് പോക്സോ കോടതിയില്‍ ഹാജരാക്കിയ പ്രതിയെ റിമാൻഡ് ചെയ്ത് ജയിലില്‍ അടച്ചു. താമരശ്ശേരി ഡി വൈ എസ് പി അഷറഫിന്റെ മേല്‍ നോട്ടത്തില്‍ എസ് ഐ ലളിതക്കാണ് അന്വേഷണ ചുമതല.