കോവിഡ് ടെസ്റ്റ് പോസിറ്റിവിറ്റി നിരക്ക് ഉയര്ന്നു...തിരുവനന്തപുരം കോര്പ്പറേഷനിലെ കണ്ടെയിന്മെന്റ് സോണുകള് പ്രഖ്യാപിച്ചു
കോവിഡ് ടെസ്റ്റ് പോസിറ്റിവിറ്റി നിരക്ക് ഉയര്ന്നതിനെത്തുടര്ന്നു തിരുവനന്തപുരം കോര്പ്പറേഷനിലെ കണ്ടെയിന്മെന്റ് സോണുകള് പ്രഖ്യാപിച്ചു. ചെമ്ബഴന്തി, ഞാണ്ടൂര്ക്കോണം, ചെല്ലമംഗലം ഡിവിഷനുകള് വാര്ഡ് കണ്ടെയ്ന്മെന്റ് സോണായും ബീമാപ്പള്ളി ഈസ്റ്റ് ഡിവിഷനിലെ ചെറിയത്തൂര്, വേപ്പിന്മൂട് പ്രദേശങ്ങള് മൈക്രോ കണ്ടെയ്ന്മെന്റ് സോണായും പ്രഖ്യാപിച്ചു. ഈ പ്രദേശങ്ങളില് കര്ശന ലോക്ക്ഡൗണ് നിയന്ത്രണങ്ങള് ഏര്പ്പെടുത്തി.
ആഹാര സാധനങ്ങള്, പലചരക്ക്, പഴങ്ങള്, പച്ചക്കറികള്, പാല് ഉത്പന്നങ്ങള്, മാസം, മത്സ്യം, മൃഗങ്ങള്ക്കുള്ള ഭക്ഷ്യസാധനങ്ങള്, കാലിത്തീറ്റ, കോഴിത്തീറ്റ തുടങ്ങിയ വില്ക്കുന്ന കടകള്, ബേക്കറികള് എന്നിവയ്ക്കു മാത്രമേ ഈ പ്രദേശങ്ങളില് പ്രവര്ത്തനാനുമതിയുണ്ടാകൂ. രാവിലെ ഏഴു മുതല് വൈകിട്ട് ഏഴുവരെ ഇവ തുറക്കാം.
റേഷന് കടകള്, മാവേലി സ്റ്റോറുകള്, സപ്ലൈകോ ഷോപ്പുകള്, മില്മ ബൂത്തുകള് തുടങ്ങിയവ ദിവസവും വൈകിട്ട് അഞ്ചു വരെ തുറക്കാം. റസ്റ്ററന്റുകളും ഹോട്ടലുകളും രാവിലെ ഏഴു മുതല് വൈകിട്ട് 7.30 വരെ ഹോം ഡെലിവറിക്കു മാത്രമായി തുറക്കാം. ഡൈന്ഇന്, ടേക്ക് എവേ, പാഴ്സല് തുടങ്ങിയവ അനുവദിക്കില്ല.
പൊതുജനങ്ങള് പരമാവധി വീടിനടുത്തുള്ള കടകളില്നിന്നു സാധനങ്ങള് വാങ്ങണം. മേല്പ്പറഞ്ഞ വിഭാഗത്തില്പ്പെടുന്നതല്ലാത്ത എല്ലാ കടകളും അടച്ചിടും. ചന്തകള് പ്രവര്ത്തിക്കാന് അനുവദിക്കില്ല. ഇകൊമേഴ്സ് സ്ഥാപനങ്ങള് ഡെലിവറിക്കായി രാവിലെ ഏഴു മുതല് ഉച്ചയ്ക്കു രണ്ടു വരെ പ്രവര്ത്തിക്കാം. കണ്ടെയ്ന്മെന്റ് സോണ് ശക്തമായ പൊലീസ് നിയന്ത്രണത്തിലായിരിക്കുമെന്നും കളക്ടര് അറിയിച്ചു.
https://www.facebook.com/Malayalivartha
