മാനസയെ മറക്കാൻ രഖിൽ തയ്യാറായിരുന്നില്ലെന്ന് സുഹൃത്തിന്റെ വെളിപ്പെടുത്തൽ. മാനസ ഒഴിവാക്കിയതില്‍ രഖിലിന് പകയുണ്ടായിരുന്നു.ഇത്തരത്തിലൊരു കൃത്യം രഖില്‍ ചെയ്യുമെന്ന് കരുതിയിരുന്നില്ല. അത്തരത്തിലൊരു വ്യക്തിയായിരുന്നില്ല രഖിലെന്നും സുഹൃത്ത് ആദിത്യന്‍ പറഞ്ഞു. ഇരുവരും തമ്മില്‍ നേരത്തെ നല്ല ബന്ധമായിരുന്നു. വിവാഹം കഴിക്കണമെന്നായിരുന്നു ആഗ്രഹം.പക്ഷേ മാനസ പിന്നീട് പിന്മാറിയിരുന്നു.

എന്തുകൊണ്ടാണ് മാനസ തന്നെ ഒഴിവാക്കുന്നതെന്ന് തനിക്ക് അറിയണമെന്ന് രഖില്‍ കണ്ണൂരില്‍ നിന്നും കോതമംഗലത്തേയക്ക് പോകുന്നതിന് മുമ്പ് തന്നോട് പറഞ്ഞിരുന്നു.അത് മാനസയോട് ചോദിച്ച്‌ മനസിലാക്കിയിട്ട് തിരിച്ചു വന്ന് ബിസിസ് കൂടുതല്‍ നല്ല രീതിയില്‍ മുന്നോട്ടു കൊണ്ടുപോകാമെന്ന് പറഞ്ഞാണ് രഖില്‍ പോയതെന്നും ആദിത്യന്‍ പറയുന്നു. രഖിലിന് ക്രിമിനല്‍ പശ്ചാത്തലമുള്ള ആളുകളുമായി ബന്ധമുണ്ടായിരുന്നില്ലെന്നും ആദിത്യന്‍ പറഞ്ഞു.