പലർക്കും കേട്ടുകേൾവി പോലും ഇല്ലാത്ത അധികമാര്‍ക്കും പരിചിതമല്ലാത്ത ക്ലാത്തി മീനാണ് ഇപ്പോള്‍ അടുക്കളയിലെ താരം. സീസൺ അനുസരിച്ച് ലഭ്യമാകുന്നവയാണ് ക്ലാത്തി മീനുകൾ. എന്നാൽ അടുത്തിടെയായി മത്സ്യബന്ധന ബോട്ടുകള്‍ക്ക് കൂടുതലായി ലഭിക്കുന്ന ക്ലാത്തിയ്ക്ക് ഡിമാൻഡ് ഏറെയാണ്. കിലോഗ്രാമിന് 80 രൂപമുതല്‍ 120 രൂവരെയാണ് വില ഈടാക്കുന്നത്. കട്ടിയേറിയ തൊലിയും കാഠിന്യം അല്‍പം കൂടുതലുള്ള മുള്ളും ആണെങ്കിലും രുചിയ്ക്ക് ഒട്ടും കുറവില്ല.

ക്ലാത്തി ഉണക്കിയും വിൽക്കുന്നുണ്ട്. ഉറപ്പേറിയ മാംസം രുചിയിൽ മികച്ചതാണ്. ഒപ്പം ഫിഷ് കട്‌ലറ്റിനും മറ്റും ഏറെ അനുയോജ്യമാണ്. ആഴക്കടലില്‍ പാറയിടുക്കുകളിലാണ് ക്ലാത്തിയെ ആദ്യം കണ്ടുവന്നിരുന്നത്.

എന്നാല്‍ സുനാമിക്ക് ശേഷം ഇവ തീരത്തോട് അടുത്തുവന്നതും സുലഭമായി ലഭിക്കാന്‍ കാരണമായി മാറിയിട്ടുണ്ട്. കറുപ്പ്, മഞ്ഞ, വെള്ള നിറത്തിലും സാമാന്യം വലിപ്പമുള്ളവയുമാണ് ഇവാ.

നേരത്തേ കന്യാകുമാരി തീരത്തുനിന്നാണ് ക്ലാത്തിയെ ലഭിച്ചിരുന്നതെങ്കില്‍ ഇപ്പോള്‍ കേരള തീരത്തും ലഭിക്കുന്നുണ്ട്. പൊതുവെ ആരും ശ്രദ്ധിക്കാത്ത രൂപമാണെന്നതിനാൽ തന്നെ വലിയ വില കുറവിലാണ് ലഭിച്ചിരുന്നത്. എന്നാൽ ഇപ്പോൾ കഥയാകെ മാറിയിട്ടുണ്ട്.