കോഴിക്കോട് നടക്കാവിൽ ഹർത്താൽ അനുകൂലികളുടെ ആക്രമണം. പോലീസ് സ്റ്റേഷന് സമീപത്തുള്ള ഏഷ്യാനെറ്റ് ബ്രോഡ് ബാന്‍ഡിന്റെ ഫ്രാഞ്ചൈസി ഓഫീസിലാണ് ചെങ്കൊടികളുമായി എത്തിയ ഒരു സംഘം ആക്രമണം നടത്തിയത്. ചെങ്കൊടിയുമായി എത്തിയ ഒരു സംഘമായിഒരുന്നു ആക്രമണം നടത്തിയത്.

ഹർത്താൽ ദിവസത്തിൽ ഓഫീസ് അടയ്ക്കാത്തതിനാൽ അടയ്ക്കണമെന്നാവശ്യപ്പെട്ടാണ് പന്ത്രണ്ടോളം പേര്‍ ഓഫീസിനുളളിലേക്ക് അതിക്രമിച്ചു കയറിയത്. തങ്ങളുടെ ആവശ്യത്തിന് ജീവനക്കാര്‍ വഴങ്ങുന്നില്ലെന്ന് കണ്ടതോടെ അവര്‍ ആക്രമിക്കാൻ തുടങ്ങിയത്.

സാധനങ്ങള്‍ വാരിവലിച്ചിടാന്‍ ശ്രമിച്ച സംഘം കൊടികെട്ടിയ വടികൊണ്ട് ജീവനക്കാരെ മര്‍ദ്ദിക്കാനും ശ്രമിച്ചു. വനിതാ ജീവനക്കാരോട് മോശമായി പെരുമാറുകയും ചെയ്തുവെന്ന് ആരോപണങ്ങൾ ഉയരുന്നുണ്ട്. ഇതിനിടെ അക്രമത്തിന്റെ വീഡിയോ ദൃശ്യങ്ങള്‍ പുറത്തുവന്നിട്ടുണ്ട്.

സംഭവത്തെത്തുടര്‍ന്ന് ഇവിടത്തെ ജീവനക്കാർ പരാതിയുമായി രംഗത്ത് എത്തുകയായിരുന്നു. ഇതിനിടെ ജീവനക്കാര്‍ക്കെതിരെ ഹര്‍ത്താല്‍ അനുകൂലികളും നടക്കാവ് പൊലീസില്‍ പരാതി നല്‍കി. രണ്ടുപരാതിയിലും പൊലീസ് കേസെടുത്തിട്ടില്ല.

സംഭവം സംസാരിച്ച്‌ ഒത്തുതീര്‍പ്പിലെത്തിക്കാന്‍ സി പി എം നേതാക്കള്‍ ശ്രമം തുടങ്ങിയിട്ടുണ്ടെന്ന റിപ്പോർട്ടുകളാണ് പുറത്ത് വരുന്നത്. ഹര്‍ത്താലില്‍ അക്രമസംഭങ്ങള്‍ അരങ്ങേറില്ലെന്നാണ് നേതാക്കള്‍ നേരത്തേ നൽകിയ ഉറപ്പ്.