കാര്‍ ലോറിയിലേക്ക് ഇടിച്ചുകയറി അപകടം; ഒരുമാസം പ്രായമുള്ള കൈക്കുഞ്ഞ് മരിച്ചു; മാതാപിതാക്കളടക്കം മൂന്നു പേർക്ക് പരിക്ക്
കോട്ടക്കയ്ക്കലിൽ ദേശീയപാതയില്‍ കോഴിച്ചെന ആര്‍.ആര്‍.ആര്‍.എഫ് ക്യാമ്ബിന് സമീപം സുല്‍ത്താന്‍പടിയിലുണ്ടായ വാഹനപകടത്തില്‍ ഒരുമാസം പ്രായമുള്ള പെണ്‍കുഞ്ഞ് മരിച്ചു. മാതാപിതാക്കളടക്കം മൂന്നുപേര്‍ക്ക് ഗുരുതര പരിക്കേറ്റു. മുന്നിയൂര്‍ കുന്നത്ത് പറമ്ബ് സ്വദേശി വടക്കേപ്പുറത്ത് റഷീദിെന്‍റ മകള്‍ ആയിഷയാണ് മരിച്ചത്. റഷീദ് (31), ഭാര്യ മുബഷിറ (22), കുട്ടിയെ പരിചരിക്കുന്ന അടൂര്‍ റിന്‍സ മന്‍സില്‍ റജീന (38) എന്നിവര്‍ക്കാണ് പരിക്കേറ്റത്. തിങ്കളാഴ്ച രാവിലെ പത്തേമുക്കാലോടെയാണ് അപകടം.
കുടുംബം സഞ്ചരിച്ച കാര്‍ കുഴല്‍ക്കിണര്‍ പ്രവൃത്തികള്‍ക്ക് പോകുകയായിരുന്ന ലോറിയിലേക്ക് ഇടിച്ചുകയറുകയായിരുന്നു. കാറിെന്‍റ മുന്‍ഭാഗം പൂര്‍ണമായി ലോറിക്കടിയില്‍ കുടുങ്ങിയ നിലയിലായിരുന്നു. പരിക്കേറ്റവരെ ചങ്കുവെട്ടിയിലെ അല്‍മാസ് ആശുപത്രിയില്‍ എത്തിച്ചെങ്കിലും ആയിഷ മരിച്ചു. തലക്ക് ഗുരുതര പരിക്കേറ്റ മുബഷിറയെ വൈകീട്ടോടെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.
അപകടത്തില്‍പെട്ട വാഹനങ്ങള്‍ ഏറെ നേരേത്ത ശ്രമങ്ങള്‍ക്കൊടുവില്‍ ഉച്ചക്ക് ഒന്നരയോടെയാണ് റോഡില്‍നിന്ന് മാറ്റിയത്. കല്‍പകഞ്ചേരി പൊലീസ് നടപടികള്‍ സ്വീകരിച്ചു. കനത്ത മഴയില്‍ കാറിന് നിയന്ത്രണം നഷ്ടപ്പെട്ടതാകാം അപകടത്തിന് കാരണമെന്നാണ് പ്രാഥമിക നിഗമനം.
https://www.facebook.com/Malayalivartha
